If you can't read please download the document
Upload
cymon-daz
View
572
Download
138
Embed Size (px)
DESCRIPTION
jhkhjkhhgk
Citation preview
Isang Pagaaral Tungkol sa Epekto ng Social Networking Bilang Public Property sa mga Mag-
aaral ng Pamantasan ng Sto. Tomas sa mga Piling Kolehiyo at Hayskul
Isang Pananaliksik Papel ang Ipinasa kay:
Gng. Zendel M. Taruc
Kagawaran ng mga Wika
UST, Kolehiya ng Nursing
Bilang Pagtugon sa mga Pangangailangan sa kurso ng
Filipino 2: Pagbabasa at Pagsusulat Tungo sa Pananaliksik
Ika-2 Semester, TA: 2007-2008
Ipinasa nina:
Banzon, Jose Paulo Luigi A.
Bayot, James C.
De Chavez, Renz Irvin A.
Isidro, Robin Delfin
Lopez, Victor Rico P.
Paulino, Alberto P. III
Surell, Rusell John P.
Unas, Janssen Dion T.
Versoza, Jonas Ian R.
I-1
Marso 7, 2008
TALAAN NG NILALAMAN
Pahina
I. Ang Suliranin at Kaligirang Pag-aaral 1-2
a. Abstrak 1
b. Mga Layunin 2
II. Mga Kaugnay na Pag-aaral at Literatura 3-15
III. Disenyo at Paraan ng Pananaliksik 16-22
a. Metodolohiya 16-17
b. Presentasyon, Pagsusuri, at Interpretasyon ng Datos 17-22
IV. Lagom, Kongklusyon at Rekomendasyon 23-25
a. Lagom 23
b. Kongklusyon 24
c. Rekomendasyon 25
V. Bibliografiya 27-29
I. Ang Suliranin at Kaligiran ng Pag-aaral
1. Kaligiran ng Pag-aaral(abstrak)
Ang pag-aaral ay tungkol sa epekto ng social networking
bilang public property. Ang papel ay naglalarawan sa pananaw,
kaugalian, at ideya ng mga mag-aaral ng Pamantasan ng Santo
Tomas sa mga piling kolehiyo at hayskul. Ang ginamit na
instrumentong ginamit ng mga mananaliksik ay isang sarbey na
naglalaman ng mga open at close- ended na mga katanungan
tungkol sa ideya at pananaw ng mga mag-aaral sa social networking.
Sa lumabas na resulta ng mga datos, lumalabas na malaking
porsiyento ang nagsasabing higit na nakakabuti ang paggamit nito at
ang mga pangkaraniwang dahilan ay ang pakikihalubilo at
pagpapakita ng sariling identidad. Mas naging matimbang ang
mabuting epekto nito sa kabila ng masasamang epekto nito tulad ng
mga kumukuha ng identidad o impormasyon at pornograpiya
Lumabas rin sa pag-aaral na ang kanilang malawak na
kamalayan sa seguridad. Ito ay dahil sa mga karanasan ng kanilang
mga kaibigan o kaya ay sa sariling kaganapan sa kanilang buhay. Isa
pang dahilan ay ang mga lumalabas sa media na naging
impluwensyal sa pananaw at desisyon ng tao.
2. Mga Layunin
Sa pagsisimula ng pag-aaral na ito, nais naming malaman
kung ano ang mga saloobin ng ibat ibang Thomasian students sa
napapanahong penomena ng Social Networking. Sa tulong ng
pananaliksik at pangangalap ng mga datos gamit ang sarbey ay nais
naming maipakita:
ang dami ng mag-aaral sa kolehiyo at hayskul na
gumagamit ng social networks.
ang kadalasang kasarian ng mga mag-aaral na
gumagamit ng social Networks.
ang kadalasang ginagamit na social network site, ang
oras na ginugugol nila para ditto, at ang mga personal na
impormasyong kanilang inilalahad sa mga sites na ito.
kung ang social network site nila ay pampubliko o
pampribado, ang kadahilanan sa pagpili nito, at ang
possibleng maging bunga nito.
ang pananaw ng mga mag-aaral sa kasalukuyang
umiiral na problema tungkol sa panloloko gamit ang social
networks.
kung saang aspeto ng buhay nakasasama o
nakabubuti ang social networks.
II. Mga Kaugnay na Pag-aaral at Literatura
1. Mga Batayang Kaalaman sa Social Networking
A. Kahulugan ng Social Networking
Ayon sa Wikipedia, ang social networking ay isang istrakturang sosyal na
gawa sa mga nodes o sa mas madaling salita, mga indibidwal na konektado ng isa
o maraming tema tulad ng kaugalian, ideya, pagkakaibigan, hilig, at sexual na
relasyon.
Ayon naman kina Boyd at Ellison (2007), ang social networking sites ay mga
serbisyong web-baed na nagbibigay sa mga indibiwal para (1) bumuo ng isang
pangpublikong profile, ang tawag sa impormasyong pormal na binibigay kapag
nagrerehistro(ayon sa www.gartner .com) na nakapaloob sa isang system, (2)
makita ang profile ng ibang indibidwal kung saan siya ay konektado, at (3) para
makita ang mga profile ng mga idibidwal na kasama niya sa system. Idinagdag pa
ng mga manunulat na ang SN ay nagiging patok sa publiko dahil pinapayagan nito
ang isang indibiwal na makilala ang ibang tao.
B. Maikling Kasaysayan ng Social Networking
Mayroong pag-aaral na ang bawat kompyuter na magkakaugnay ay maaaring
maging basehan para sa interaksyong sosyal na computer-mediated. Ito ay bunga
ng The Network Nation ni S. Roxanne Hiltz at Murray Turoff na nagdulot ng
pagsulong ng kagamitan ng kompyuter sa pakikihalubilo.
Ayon sa Wikipedia.org, nagsimula ang social networking noong 1995 sa
pagtayo ng isang social network o SN na nagngangalang Classmates.com, isang
websayt kung saan ang mga miyembro nito ay makahahanap ng kanilang mga
lumang kaklase maging sa kindergarden o sa kolehiyo at mapanatili ang
komunikasyon sa pagitan nila. Ayon sa isang media release ng Oregon State
University(2007), si Randy Conrads ang gumawa ng websayt na ito. Sa karagdagan,
sinabi ng Classmates.com na ng kumpanyang ito ay pinagkikita muli ang mga
residente ng Estados Unidos at Canada na siyang naging kamag-aral o kasama nila
noong silay nagaaral, nagtratrabaho o maging ang mga kasama nila sa militar.
Noong taong 1995, nagkaroon ng mahigit kumulang sa 40 milyong tao ang kasali sa
SN na ito.
Ayon kina Boyd at Nicole, ang pag-unlad ng SN ay nagsimula sa websayt na
SixDegrees.com. Sa websayt na ito, nabibigyan ng pagkakataon ang mga tao na
makagawa ng profile, mailista ang mga kaibigan, at ma-surf ang listahan ng mga
kaibigan. Nakatulong ang SixDegrees sa mga tao para makonekta at makapg
padala ng mga mensahe sa mga kaibigan nito. Kahit marami ang naengganyo sa
SixDegrees, hindi nila masayadong natatag ang nang mabuti ang komersyong ito
kaya hindi rin ito nagtagal.
Pagkatapos naman ng Classmates.com, maraming sumunod na SN tulad ng
SixDegrees.com noong 1997, LiveJournal.com noong 1999, Friendster.com noong
2002, Multiply.com at MySpace.com sa taong 2003 at ang Facebook.com naman
noong 2004.
C. Mga uri ng Social Networking
1. Friendster.com
Ayon kay Ronald S. Lim(2007), ang Friendster ay isang
pribadong pagmamayaring sayt sa California noong 2002, at, naging
pinakapolular na social networking sayt sa Amerika bago ang
MySpace sa taong 2004
Bumaba man ang popularidad nito sa Estados Unidos, ang
Friendster pa rin ay ang mas pinupuntahan ng mga Asyano .Sa
katunayan ng popularidad nito, nakumbinsing dumalaw ang
musikerang si Bonnie Bailey na kumanta ng popular na Ever After
dito sa Pilipinas dahil lamang sa mga komento na iniwan sa kanyang
Friendster. Sa kasalukuyan ay may 50 milyong tao na ang
tumatangkilik nito. Isa sa mga pinakasikat na gawin sa Friendster ay
ang language options nito. Dito, maaring pumili sa mga linggwaheng
Chinese, simplified Chinese, Hindi, Japanese, Korean, Spanish at
Tagalog.
2. MySpace
Ayon kay Paul Marks (2006) lumalaganap na daw ang ibat-
ibang uri ng SN at isa na dito ang MySpace. Ang MySpace, na ayon sa
OUT-LAW.com (2006), ay ginawa ni Brad Greenspan, ay isang uri ng
SN na para sa lahat. Ito ay para sa mga magkaibigang mahilig
makipagusap gamit ang Internet, mga taong gustong makipagkilala sa
iba, mga taong nagtutugma o nagrereto sa kanilang mga kaibigan,
mga tao na malayo sa pamilya na gustong makipagkamustahan o
makipagusap sa kanilang pamilya, mga negosyante at kanilang mga
katrabaho na interesado sa SN, mga magkakaklase at mga kapareha
sa pag-aaral, at marami pang iba.
Maihahalintulad natin ang myspace sa Multiply sapagkat halos
parehas lang ang kanilang mga layunin at mga katangian. Mas
kumplikado nga lang ang myspace kumpara sa multiply dahil mas
madaming taga ibang bansa ang gumagamit dito. Ito ay naitala na
pang anim sa pinaka popular na website at pangatlo ito sa sa Amerika.
Sa kasalukuyan, naitala ng MySpace network na mahigit
kumulang na 300 milyon na tao ang gumagamit ng SN na ibinabahagi
ng MySpace at patuloy pa itong nadadagdagan pa ito araw-araw.
Masasabi natin na sa panahon ngaun, ang SN ay isa nang bahagi ng
ating buhay dahil din ito sa patuloy na pagunlad ng ating teknolohiya at
ang epekto nito sa larangan ng social networking.
3. Multiply
Ayon kay Richard Macmanus (2006), ang Multiply ay isang uri
ng social networking na nagbibigay kakayahan sa mga gumagamit nito
na mamahagi ng mga uri ng media media tulad ng litrato, video,
musika, at iba pa sa loob ng iyong sariling websayt. Ito ay may
kakaibang uri ng serbisyong higit sa ibang SN sayt. Dahil nga
naturingan itong isang SN, hinahayaan nito ang gumagamit na
makipagpalitan ng media sa ibat-ibang kasama niya sa kanyang
network. Maaari silang magpalitan ng impormasyon o
makipagtalakayan tungkol sa mga bagay na nagbibigay interes sa
kanila. Pinahihintulutan din ng Multiply na ayusin ng gumagamit ang
kanyang sariling websayt upang mas maenganyo ang mga tumitingin
dito.
Anong maganda sa pamamahagi ng media kung wala naman
titingin dito? Isang tanong na sinolusyonan ng Multiply. Ang Multiply
ang may kakayahang ibalita sa mga kasama sa iyong sariling SN kung
may bago kang inilagay sa iyong sariling Multiply account. At ganun
din sayo, ipinapakita din nito sa gumagamit kung merong mga bagong
lagay na media o kung anung bagay sa mga ibat ibang tao na kasama
mo sa iyong social network.
Sa kabuuan, ang Multiply ay isang SN sayt na nangingibabaw
sa ibang uri ng SN dahil sa ibat-ibang bagay na nag-aangat dito sa iba
pang maliliit na SN. Hindi tulad ng maliit na networks na ito, ang
Multiply ay laganap sa buong mundo.Ibig lang nitong sabihin ay hindi
lang tayong mga Pilipino ang gumagamit nito kundi pati rin ang mga
kapatid natin sa ibat-ibang lugar sa buong mundo.
D. Mga kagamitan para magkaroon ng Social Networking
1. Kompyuter
Ayon sa Wikipedia, ang kompyuter ay isang uri ng
mekanismong ang ginagawa ay mangasiwa ng mga datos ayon sa
mga panuto. Sa karagdagan, ang programa na isang termino sa pag-
iimbak at pangangasiwa ng mga panuto ay isang katangian ng
kompyuter.Isang magandang katangian nito ay ang pagsasa-ayos ng
mga impormasyon sa ibat ibang lugar. Ang kompyuter network na
nabuo ay itinawag na internet. Isa sa gamit ng computer ay ang
pagkonekta nito sa internet sa pamamagitan ng telepono. Sa
pamamagitan ng koneksyon sa Internet, maaaring makapasok o
makapagbigay daan sa mga website na may kinalaman sa social
networking.
2. Internet
Ang Internet na kilala ring information superhighway ay
malawakang pang madlang daan na pinagsama-samang kompyuter
networks na naghahatid ng datos sa pamamagitan ng pocket switching
na gumagamit ng pamantayang Internet Protocol(IP). Ito ay isang
network of networks na binubuo ng milyon na maliliit na networks sa
larangan ng pantahan, pampaaralan, pangangalakal, pampamahalaan
at sosyal na nagdadala ng ibat ibang impormasyon at paglilingkod
katulad ng e-mail, online chat, file transfer o paglipat ng salansanan at
pinagdugtongdugtong na web pages at iba pang mapagkukunan ng
impormasyon ng World Wide Web. Maraming tao o kumpanya ang
gumagamit ng web logs o blogs na pangkaraniwang ginagamit bilang
online diaries o talaarawan. Mahalaga ang ginagampanang papel ng
Internet sa pagpapalawak ng social networking. Sa pamamagitan ng
Internet nakakagawa ng e-mail address na isa rin sa mahalang
kasangkapan para maiproseso ang SN.
3. E-mail address
Ang email, mula sa salitang elektronik mail, ay kadalasan na
isinusulat na email, e-mail o mail, ay isang paraan ng paggawa,
pagpapadala, pag-iimbak at pagtanggap ng mga mensahe sa paraan
ng systemang elektronik na komunikasyon. Ayon sa Wikipedia, ang
terminong email ay naaplika sa sistemang Internet email base sa
Simple Mail Transfer Protocol (SMTP) at sistemang Intranet na
pinahihitulutan ang mga manggagamit sa loob ng isang organisasyon
na iemail ang bawat isa. Ang email ay karaniwang ginagamit upang
magpadala ng mga di-inaasahang mga mensahe, ngunit may mga
programa na may kakahayan na automatikong magbura ng mga ito.
Ang e-mail address ay kinakailangan para maging kasapi sa isang SN
na websayt. Dito ipinapadala ang mga impormasyon tulad ng mga
paalala tungkol sa isang kaibigan. Kinakailangan din ng isang kasapi
na magbigay ng password kaugnay ng email address para
mapangalaagan ang kanyang pagiging kasapi sa isang SN.
E. Mga proceso sa paggawa ng Social Networking Account
Friendster
Sa paggawa ng isang account, na ang ibig sabihin ayon sa online na
diksyunaryo ng Merriam-Webster ay lipunan ng mga pormal na usaping
kalakaran para sa isang serbisyo, simulang bisitahin ang
http://www.friendster.com at hanapin doon ang hyperlink na Sign Up at itoy
pindutin. Katulad ng sa e-mail, pupunan mo ang isang aplikasyon upang
makagawa ng iyong sariling account, na ang ibig sabihin ay isang lipunan ng
mga detalye na magbibigay paraan upang magamit ng isang tao ang isang
serbisyo. Pagkatapos mapunan ang aplikasyon ay buksan ang account.
Maraming mga katangian ang Friendster na nagpapaiba dito sa ibang mga
programang pangsocial networking. Ito ay nagtataglay ng pakikibahagi sa isang
komunidad ng mga tao. Pwede kang mag-upload ng mga litrato ng iyong sarili
upang maibahagi ito sa iba, magbigay ng komento o testimonial sa ibang tao at
pati na rin ang pagbibigay ng mga pribadong mensahe sa iyong mga kaibigan.
Multiply
Katulad ng Friendster, bisitahin ang http://www.multiply.com at gumawa
ng sariling account. Buksan ang nagawang account at magsimulang mag-upload
ng mga litrato na gustong ibahagi sa iyong mga kaibigan o sa ibang mga tao.
Katulad ito ng Friendster ngunit limitado ka lang sa pamamahagi ng iyong mga
litrato at dito nagaganap ang malawakang social networking.
MySpace
Sa paggawa ng MySpace account, bistahin ang http://www.myspace.com
kung saan kagaya ng mga nauna ay makakakita ka ng isang aplikasyon sa
paggawa ng sariling account. Pagkatapos gumawa ay buksan ito. Maraming
pinagkatulad ang Friendster at MySpace ngunit ang nag-iibayo sa lahat ay ang
kakayahan ng MySpace na makipaghalubilo sa buong mundo maging ikaw ay
magpunta sa ibat ibang bansa.
F. Mga ibinunga ng Social Networking
Ang Internet ay isang social space na kung saan naghahalo ang
kalayaan at ang mga mas tradisyunal na sistemang sosyal. Dahil sa
kombinasyong ito, ang mga pamilyar at di-kilalang kondisyon ay
nagiging isang potensyal na pagbabago sa ugalit kultura, online man
ito o hindi.
F. 1. Epekto sa Sarili
Acting Out
Dahil ang Internet ay isang sosyal na midyum, ito ay nahihiligan ng
mga teenagers bilang isang bagay o maaaring pangyayari upang
mapag-usapan ang isang isyung pangmadla o kilala rin bilang forum
para ipakita ng kontra-sosyal at palabang ugali. Kadalasan, ang
komunikasyon sa Internet ay nauugnay sa madalas na paggamit ng
mga insulto, mga mura, at agresibong pananalita. (Wallace,2000).
Marahil ang kakayahan na lumabas sa isang pag-uusap sa Internet
ang dahilan ng pagdami ng mga gawaing ito. Ito ay pwedeng iwan ng
kung sinuman na nagsulat ng masamang komento sa pamamagitan ng
paglo-logoff.
Sa karagdagan, ang SN ay nagdudulot ng adiksyon sa sarili at ito
ay ipinapakita sa dalawang klase ng gumagamit ng Internet, ang
dependent at independent. Ayon kay Young(1996), ang dependent ay
gumugugol ng 39 oras sa Internet para sa sosyal na pakikipag-usap at
pakikihalubilo. Samantala, ang independent naman ay kumokonsumo
ng 5 oras para sa netsurfing o e-mail lamang. Kadalasan ay ang mga
malungkot, binubukod, o walang kakahayan sa larangang sosyal ang
apektado ng adiksyong ito. Marahil ito ang nagbibigay ng kung anong
wala sila sa totoong buhay. Sa mga nasabi ni Young, makikita pa rin
na mas mahina itong adiksyon na ito kung ikukumpara sa mga
lasenggo o durugista.
F.2 Epekto sa Pamilya
Pagbukod at Depresyon
Dahil sa pagiging sapat ng relasyon sa Internet, ang mga potensyal
na pakinabang at disadbentahe ng internet ay kaduda-duda. Ayon kay
Kraut at kanyang mga kasamahan (1998), sa isang longitudinal na
pag-aaral sa 73 pamilya, nalaman nila na ang paggamit ng Internet ay
may kinalaman sa pagtaas ng depresyon at pagdalang sa ugnayan sa
mga kaibigan at pamilya.
F. 3 Epekto sa lipunan
Maraming epekto ang SN sa lipunan. Una, mas malalaman ng
mga teenager ang mga pangyayari sa kasalukuyan at sa mundo sa
ibang mga komunidad. Sa karagdagan, nagkakaroon ng pagtaas ng
kamalayan at oportunidad sa mga teenagers na parte ng mga
binubukod na grupo at sumasali sa SN. Mas magkakaroon sila ng
kaalaman sa mga ibang kabataang tulad nila.
Mayroon rin itong mga masasamang epekto, isa na dito ay ang
pagtaas ng aktibismo na tutungo sa aksyong sosyal. Isama pa natin
ang cybercrime na ayon sa isang report ng BBC, ay laganap sa buong
mundo at mahirap tugisin. Ayon sa ulat ng CSI/FBI Computer Crime
and Security(2000), sinasabi na 79% ng mga empleyado ang
umaabuso ng Internet sa Estados Unidos at isa sa mga abusong ito ay
ang pagdownload ng pornograpiya. Sa karagdagan, sa isang sarbey
na ginawa ng NOL poll ng ICM, sinasabing halos lahat ng
respondenteay humihiling ng karagdagang control upang maiwasan at
panloloko, pornograpiya at pedopilya.
2. Ang Social Networking Bilang Public Property
A. Depinisyon ng Public property
Ang simpleng kahulugan ng salitang public property ay bukas sa lahat,
maaaring makita o ma obserbahan ng lahat ng walang pahintulot
(answers.com). Sa karagdagan, ayon sa isang artikulo ni Jon Udell na
Omnidirectional Identity(2006), ang public property o kilala rin na public identity
ay isang penomenang imahinasyunal na laganap sa mga websayt.
B. Mga Kalakasan at Kahinaan ng pagiging Iang Public property
Ang public property ng SN ay may kalakasan at mayroon din naming
kahinaan. Una, ang pinaka hangarin ng public property social network ay ang
makapagbigay ng higit na impormasyon tungkol sa iyong sarili. Sa pagkakaroon din
ng public property, marami tayong maaaring makilala, ibat ibang tao na may ibat
ibang ugali, sa mga taong ito makakakilala tayo ng mga bagong kaibigan at
maaaring ang taong ating mamahalin. Mapapadali din tayo sa paghahanap ng mga
dati nating kaibigan.
Sa pamamagitan din ng public property na SN ay mailalahad natin ang ating
mga saloobin sa pamamagitan ng tinatawag na blogs, mailalabas natin ang bawat
reaksyon na hindi natin kayang ilabas ng harap harapan sa sitwasyon.
Masasama din natin na dahil dito ay maaari nating makausap agad ang mga
kaibigan natin sa pag- iiwan ng mga mensahe sa SN nila. At ang ibang public
property social networks ay ginagamit sa negosyo tulad ng pagbenta at pagbili o sa
pag-aanunsyo ng mga pangyayari.
Sa likod ng mga kalakasang ito ay hindi maitatago ang maraming kahinaan.
Una, dahil public property nga ito, marami ang manloloko. Maaaring gamitin lahat ng
impormasyon tungkol sa iyo at gamitin sa mga illegal na gawain. Maaaring maloko
din ang user sa mga tao na nakikipagkita para lang perahan ka o pagsamantalahan
ka. Dito nagsisimula ang ibang kaso ng panggagahasa at pagkawala ng mga tao
lalo na ang mga menor de edad(Harvey).
Ang kahinaan din ng public property social networking ay may direktang
epekto sa gumagamit dahil sa public property, maaaring mawalan na ng oras ang
isang indibidwal sa kanyang sarili at kaibigan dahil lamang sa pagtingin sa ibat
ibang pahina sa network ng sari-saring tao na kadalasan ay hindi naman kilala.
Pwede ring mawala ang galing natin sa pakikipag-usap sa ibang tao sa totoong
mundo dahil sa mga chat rooms at SN. Nagkakaroon ng social isolation o ang
paghiwalay natin sa ibang totoong mundo para sa oras ng public property sa
networking.
C. Mga Kaugnay na pag-aaral sa Social Networking bilang Public Property
Isang sarbey ang ginawa ni Keith J. Anderson, Ph.D. sa 13,000 mag-aaral sa
kolehiyo sa walong akademikong institusyon. Ito ay tungkol sa paggamit ng Internet
upang makilala kung paano nito naaapektuhan ang pakikihalubilo at ang
akademikong pamumuhay. Lumabas na ang tipikal na gumagamit ng Internet ay
kumokonsumo ng 100 minuto bawat araw at ang maliit na grupong ito ang
nagsasabing ang Internet ay humahadlang sa ilang aspeto ng kanilang buhay.
America, kilalanin natin ang mundo ng MySpace .(Frauenhelm, 2007) Ito ang
sinabi ni Ed Frauenhelm sa kanyang artikulong Social Revolution. Sinabi niya na
ang SN ay unti-unting sinasakop ang ibat ibang aspeto ng ating pamumuhay at isa
na dito ang sa kalakaran .Ito ay sa ikabubuti at para sa ikasasama nito. Ayon kay
Frauenhelm(2007), sa kasalukuyan ay mayroong higit sa 14,000 na pangkatan sa
MySpace na may kaugnayan sa mga kumpanya o mga katrabaho habang may
walong libong network sa karibal na websayt na Friendster. Ang pagdating ng
Generation Y (mga ipinanganak sa pagitan ng 1970 hanggang 2000) sa industriya
ng pagtatrabaho ay nagsasabing ang mga kumpanya ay may kaunti o walang mapili
kung hindi ang iakma ang mga ito sa mga dumadaming katrabahong mahilig
makihalubilo at gamay ang umuusad na teknolohiya sa Internet.
Sinasabi sa mga nakalipas na pananaliksik na ang sobrang paggamit ng
Internet sa mga mag-aaral sa kolehiyo ay umuugnay sa mga isyung debelopmental
na pangkaraniwan sa mga mag-aaral sa kolehiyo. Samantala, habang ang ilang
mag-aaral ay nasa kapaligirang nagbibigay ng maraming oportunidad sa
pakikipagkita sa ibang tao at pag-unlad ng bagong relasyon, ang ilan na hindi
mahilig makihalubilo ay may kahirapang sa pakikipagkapwa- tao. Sa karagdagan,
ang pagkakaroon ng di pagkakakilanlan sa Internet ay nagbibigay sa mga mag-aaral
ng seguridad at hindi mapanganib na oportunidad sa pagkakaroon ng relasyon sa
Internet (Anderson).
Ang paglago ng SN sayt ay may kasabay na mga problema. Sinasabi sa
artikulong pinamagatang Social Revolution (Frauenheim, 2007), ang mga kumpanya
ay unti-unting inaaral ang SN na parang isang malaking pagsubok. Sinasabi na ang
mga ito ay maaaring magdulot ng nakaka-asiwang relasyon sa mga katrabaho at
paraan upang sayangin ang oras. Bunga dito, ang mga negosyante ay dumisenyo
ng mga SN na nakapokus sa kalakaran upang maiwasan ang mga nasabing
suliranin. Sa mga nakalipas na pag-aaral na nakalap ni Anderson, sinasabi na ang
paggamit ng Internet bilang isang computer-mediated na komunikasyon ay may mga
isyung kinahaharap tulad ng panggigipit, stalking, at pornograpiya. Ang mga termino
tulad ng Internet dependence at pathological computer use ay ginagamit sa taong
may adiksyon sa Internet.
Sa kabila ng mga suliranin sa paglaganap ng social networking, may mga
mabubuting epekto ito. Sa artikulo, sinabi na ang mga ito ay nakakatulong sa mga
kumpanya na pagbutihin ang organisasyong impormal na tumutukoy sa mga hindi
opisyal na channels ng komunikasyon at kolaborasyon na may malaking
kontribusyon sa bisa ng isang kumpanya. Sa karagdagan, ito ay ginagamit upang
makakuha ng mga magagaling na aplikante sa isang trabaho. Ito rin ay
nakakapabuti ng pagtuturo at pagpupursige sa mga empleyado at pagkakaroon ng
magandang relasyon sa pagitan ng kumpanya at mga dating empleyado nito.
Ayon sa artikulo ni David Holmes sa librong Virtual Politics: Identity and
Community in Cyberspace(1997), sinasabi na may malaking kahalagahan ang mga
kapalit o katumbas ng paglalabas ng ating kakilanlan sa mga teknolohiya. Ang mga
uri ng teknolohiyang ito ay nagbibigay ng malaking posibilidad na hindi tayo
mawawala(Holmes, 1997). Sa karagdagan, sinasabi na lubos nating kinokonsumo
ang ating oras makabalik sa ating pinagmulan at hinahanap kung gaano natin kilala
ang ating sarili . Dahil dito, nawawalan tayo ng kontrol sa pisikal, mental, at
emosyunal na mundo. Ito ay nababago sa paggamit ng mga kagamitang
komunikasyon.
III. Disenyo at Paraan ng Pananaliksik
1. Metodolohiya
A. Instrumento
Ang mga mananaliksik ay gumamit ng isang sarbey na naglalaman
ng dalawamput tatlong katanungan na maaaring open o close- ended.
Ang close- ended na mga katanungan ay naglalaman ng kwantitatib na
mga sagot. Sa karagdagan, ang mga uri ng mga close-ended na
katanungan na ginamit ay ang multiple choice kung saan mas limitado
ang mga posibleng sagot at ordinal na siya namang katanungang
nagbibigay ng pagkakasunud- sunod. Sa kabilang dako naman, ang open-
ended na mga katanungan ay ginagamit kung ang sariling salita ng
tagatugon ay ay kinakailangan. Ito ay karaniwang tinatawag na breaking
the ice na mga tanong. Dahil ang sariling salita ng tagatugon ang
kailangan, ito ay nagiging kwaliteytib na mga tanong.
Ang nasabing sarbey ay ibinigay kay Gng. Zendel Taruc, punong
tagapayo at guro ng Filipino II, upang iwasto at suriin ng husto ang
sarbey. Pagkatapos nito ay binago ang sarbey sa tulong ng
www.surveymonkey.com at ayon na rin sa mga komento at suhestiyon ng
tagapayo. Ang naayos na sarbey na may 400 na kopya ay ipinamahagi at
sa kalaunan ay kinolekta rin at 290 na sarbey na lamang ang naibalik
Larawan Larawan 1b
Larawan 1c
B. Respondente
Ang naturang sarbey ay ipinamahagi sa 400 na mga tagatugon na
kinabibilangan ng mga sumusunod na pamantayan:
a. Isang mag-aaral ng Pamantasan ng Santo Tomas
b. Maaaring undergradweyt o hayskul
c. Kung isang undergradweyt, siya ay dapat kabilang sa
mga sumusunod na kolehiyo:
i. AB
ii. Commerce
iii. Engineering
iv. Nursing
v. Pharmacy
vi. Architecture
vii. Rehabilitation Sciences
Sa kabuuan, 290 lang ang naibalik na sarbey. Ang datos ay
binigyan ng interpretasyon. Sa karagdagan, ang datos ay nilagay sa mga
bahagdan para sa mas magandang pagkakaiba ng mga resulta.
2. Presentasyon, Pagsusuri at Interpretasyon ng Datos
1. 1 Katangian ng mga Tagatugon
Sa 400 na sarbey na ipinamahagi, 290 lamang
ang bumalik sa mga mananaliksik. 271 o 93% ng
mga tagatugon ang may social networking site
habang 19 o 7% ang walang social networking site
Larawan 1d
Larawan
Bilang ng oras na ginugugol sa bawat pagpunta sa mga
social networking sites
35%
23%15%
23%4%
Wala pa saisang orasIsang oras
Higit satatlong orasDalawangorasIba pa
Larawan 2b
na makikita sa Larawan 1a. Pinapakita dito ang malaking bahagdan ng
mga kabataan ang may lubos na kaalaman at ginagamit ang SN sayt.
Sa Larawan 1b, pinapakita ang
bilang ng kasarian ng lahat ng mga
tagatugon. 176 o 61% ang mga
kababaihang respondente samantalang
114 o 39% ang mga kalalakihang
tagatugon. 239 o 82% ng mga
tagatugon ay mga undergradweyt na
mag-aaral samantalang 51 o 18% ang
mga hayskul
Sa larawan 1d, pinakita ang mga undergradweyt na kalahok pati na
rin ang mga kolehiyong nirerepresenta nito. Nangunguna ang
Pharmacy(54 na tagatugon o 22%) at sumunod ang Commerce at
Engineering( tig- 50 na tagatugon o 21%). Sumunod ang AB (31 na
tagatugon o 13%), Rehabilitation Sciences(23 na tagatugon o 10%),
Architecture(17 na tagatugon o 7%) at nahuhuli ang Nursing(13 na
tagatugon o 6%).
1. 2 Katangian ng mga Sagot ukol sa Social Networking
Ang Friendster ay ang
pinakaginagamit ng mga kabataan sa
Larawan
Larawan 2d
ngayon( 271 o 53%). Sumunod sa Friendster ay ang Multiply( 182 o 36%) at
ang pinakahuli ay ang MySpace(57 o 11%). Pinapakita sa Larawan 2a na
mababa man ang paglaganap ng Friendster sa Estados Unidos,
pinakapopular naman ito sa mga Asyano dahil sa mga language options
nito.
Sa larangan ng bilang ng oras na ginugugol sa SN, nangunguna ang mga
gumagamit ng wala pa sa isang oras( 102 o 36.17%), sumunod ang isang
oras at dalawang oras(64 o 23%), ang higit sa tatlong oras(41 o 15%) at ang
panghuli ay iba pa(11 o 4%). Pinapakita sa larawang ito na hindi gaanong
sinasayang ng SN ang oras ng kabataan sa mas importanteng gawain.
Sa Larawan
2c, inilalarawan ang
lebel ng pagiging
pribado ng SN sa
aspeto na may kasama o wala sa oras na pupunta sa isang SN sayt. Nangunguna ang
sumagot sa minsan nag-iisa at minsan ay kasama ang kaibigan na may 61%.
Sumunod ang nag-iisa (88 na tagatugon o 31%), may kasamang kaibigan( 17 o 6%)
at ang huli ay ang iba pa na may limang tagatugon o 2%. Sinasabi dito na ang lebel ng
pagiging pribado ay limitado lamang sa mga kaibigan at nagdudulot ito na ang paggamit
SN ay isa ring paraan ng pakikihalubilo.
Sa larangan ng uri ng profile, pinapakita sa Larawan 2d na hindi nagkakalayo
ang agwat ng mga gumagamit ng pampubliko o pribadong profile. Ang karaniwang
sagot ng mga respondenteng sumagot sa pribadong profile ay dahil sa seguridad as sa
gusting maging eksklusibo ang kanilang sayt sa mga kaibigan lamang. Isa pang dahilan
Larawan
ay ang takot na maaaring maloko o kunin ang inilathalang impormasyon sa web. Ang
karaniwang sagot naman ng mga gumagamit ng pampublikong profile ay dahil sa
kagustuhang maipakita ang identidad at magkaroon ng maraming kaibigan at makita
ang profile sa mga kaibigang hindi kasama sa listahan ng mga kaibigan.
Sa antas ng kaalaman sa seguridad ng kanilang katauhan sa SN sayt,
nangunguna ang sumagot sa naglilimita ang mga makakakita na may bilang na 131 o
46%. Sumunod dito ay ang sagot na maaaring makita ng sino ang tauhan(101 o 36%),
mga kaibigan lamang ang nakakakita ng impormasyon(46 o 16%) at nahuhuli ang
wala akong alam kung nakikita man o nalilimita ang pagtingin na may bilang na anim o
2%. Pinapakita sa Larawan 2e na may malaking kamalayan ang mga kabataan sa
kanilang seguridad sa SN.
Sa Larawan 2f, pinapakita na malaki ang hilig na
kabataan sa pangkalahatan ang SN. Ang kanilang ayaw
sa SN ay ang mga hackers o mga tao na kumukuha ng
impormasyon upang gamitin sa kalokohan at
pornograpiya.
Larawan
Larawan 2i
Larawan Larawan
Ang dalawang larawan (2g at 2f) ay nagpapakita ng kamalayan sa pagiging
pribado at seguridad sa paggamit ng SN sa pag-iimbita at pakikipagkita sa ibang tao.
Napakalaki ang bahagdan ng hindi sumasang-ayon sa pag-iimbita at pakikipagkita dahil
sa takot na sila ay maloko. Ang kadahilanan kung bakit gusto ng iilang tagatugon ang
makipagkita o mag-imbita ay upang makipagkaibigan at lumalim ang relasyon.
Sa larawan 2i, 80% ng mga tagatugon ay
naniniwalang maaari silang mabiktima ng SN. Ito
ay sa mga sariling karanasan ng tagatugon o
karanasan o sa mga karanasan ng kanilang mga
kaibigan. Sa karagdagan, ang media ay
nakakaimpluwensya sa kamalayan ng mga
tagatugon. Ang mga hindi naniniwala ay
nagbigay ng kadahilanang kailangan laman ng
pag-iingat upang hindi ka mabiktima ng SN.
91%
9%
Mabuti Masama
Ano ang higit na naidudulot ng SN sa iyo?
Sa kabila ng isyu ng seguridad,
hackers, at paggamit ng impormasyon
ng walang pahintulot, at sagabal sa pag-
aaral, nananatiling mabuti ang epekto
nito sa mga mag-aaral sa UST. Ito ay sa
kadahilanang:
Pakikipagkaibigan sa mga
taong hindi kilala
Pagpapatibay ng relasyon
sa mga kaibigan
Pagkakaroon ng komunikasyon sa mga kamag-anak sa ibang bansa
Nahahasa ang pakikihalubilo ng tao
Naipapahayag ang sariling identidad
IV. Lagom, Kongklusyon at Rekomendasyon
1. Lagom
Ang papel na ito ay naglalarawan sa kaugalian ng mga tao partikular ng mga
estudyante sa pamantasan ng Unibersidad ng Santo Tomas tungkol sa social
networking. Batay sa nagawa naming interpretasyon ng mga datos na aming nakalap
mula sa mahigit na 250 na estudyante mula sa ibat-ibang kolehiyo ng unibersidad,
aming nalaman na karamihan sa mga estudyante sa nasabing unibersidad ay
tumatangkilik sa mga social networking sites. Sa nasabing pamantasan, napag-alaman
ng grupo na mas popular ang Friendster bilang kanilang pangunahing social networking
site at ang Multiply na sumusunod. Marami ang naidudulot na maganda ng mga social
networking sites na ito sa kanilang pakikipaghalubilo sa mundong virtual. Bagamat
alam ng mga kabataan ngayon ang maaring maidulot sa kanila ng pakikipaghalubilo sa
ibat ibang uri ng tao, ipinagpapatuloy pa rin nila ang pagiging aktibo sa mga social
networking sites na ito sa kadahilanang nakikita nila at napipapakita nila ang kanilang
mga sarili sa pamamagitan ng mga ito. Itinuturing ng mga kabataan ngayon ang social
networking bilang isang social trend na humahatak sa bawat estudyante na gumawa
ng kani-kanilang sariling account. Marami ring masamang naidudulot ang pagkakaroon
ng account sa mga social networking sites sapagkat nawawala ang seguridad ng mga
estudyante at maari silang masangkot o mabiktima sa mga di kanais-nais na tao na
mayroon ding account sa social networking sites. Sa lahat ng mga nasabi, mayroon
ngang maganda at masamang epekto ang pagkakaroon ng accounts sa mga social
networking sites ngunit sa aming mga nakalap na impormasyon, mas nakikita ng mga
estudyante ang mabuting epekto nito sa kanila at sa kanilang mga kaibigan, kapamilya
at iba pa. Lahat ng aming ebidensya ay nagtutugma upang ipakita na ang social
networking sites ay mahalaga nga sa mga kabataan ngayon at ang mga benepisyo nito
sa kanila ay kanila namang nararamdman.
2. Kongklusyon
Sa pagwawakas ng aming pananaliksik tungkol sa Social Networking, nais
naming ilahad ulit ang mga pag-aaral mula sa mga nakalap naming mga datos. Ang
mga datos ay ikinumpara sa aming review of related literature. Naipakita dito na
lumabas na magkatugma ang sarili naming pag-aaral sa mga nakalap na mga datos at
ang review of related literature na buhat sa iba pang mga pag-aaral sa Social
Networking.
Ang pag-aaral na aming isinagawa ay ang paraan ng pagkuha ng pananaw ng
mga piling mag-aaral ng Pamantasan ng Santo Tomas sa pamamagitan ng sarbey. Ang
sarbey na ito ay naglalaman ng mga open-ended at closed-ended na mga tanong para
malaman naming ng lubos ang pananaw ng mga mag-aaral tungkol sa Social
Networking. Pagkatapos ng pangangalap ng mga datos, ang mga ito ay aming pinag-
aralan at sinuring mabuti. Sumonod na hakbang ay ang pag-iinterpreta ng mga ito,
nang hindi mahirapan, kami ay gumawa ng mga bahagdan upang mapadali ang
interpretasyon ng mga datos. Ito ang buod ng aming pag-aaral:
Una sa lahat, inasahan na napakalaking porsyento ng mga mag-aaral ang may
kaalaman at gumagamit sa Social Networking Site. Isang simpleng dahilan ng
pagkakaroon ng bawat kabataan o kahit mga matatanda ng Social Networking Site ay
upang makihalobilo sa ibang tao sa internet.
Ikalawa, sa mga uri ng Social Networking Sites, may kanya-kanya ring
preperensya ang mga tao, higit na ginagamit at may pinakamaraming myembro ng mga
mag-aaral ang Friendster, sunod ang Multiply, at panghuli naman ang Myspace. Ito ay
tumugma sa mga unang mga pag-aaral sa Social Networking, na ang Friendster ay ang
siyang pinakapopular na Social Networking Site sa Pilipinas.
Susunod, kaunti lamang ang oras na inilalaan ng mga mag-aaral sa pagpunta sa
mga Sites na ito. Ibig sabihin nito ay hindi nila inilalaan lahat ng oras nila ditto na
nagbibigay daan sa mga mas mahahalagang bagay pa sa kanila gaya na lamang ng
pag-aaral at pakikihalubilo sa pamilya at mga kaibigan nila.
Nagiging maingat din ang mga higit sa mga mag-aaral sapagkat nililimita lamang
nila ang mga impormasyon na kanilang inilalathala sa internet, hindi nagiimbita ng mga
taong hindi nila kilala at hindi nila binabalak na makipagkita sa mga taong nakilala sa
internet lamang. Karamihan sa mga mag-aaral ay gumagamit ng pribadong profile at
higit sa kanila ay may kaalaman na maaari silang mabiktima ng mga manloloko kayat
alam nila ang mga dapat gawin upang itoy hindi mangyari.
Naitanong din namin kung may ayaw sila sa mga Social Networking Sites na ito.
Kakaunti lamang ang sumagot na mayroon silang ayaw sa mga sites na ito, karamihan
sa mga dahilan ay ang pagkakaroon ng madaming manloloko, talamak na pornograpiya
at mga hackers. Konti lamang sa tingin namin ang may ayaw, sapagkat mayroon
naman paraan upang malimita ang mga impormasyon na puwedeng ilathala ng mga
indibidwal sa internet. Ito ay nakasalalay na lamang sa pag-iingat ng bawat indibidwal
sa mga impormasyon tungkol sa kanilang mga sarili.
Sa kabuuan, ang Social Networking ay may higit na mabuting naidulot sa mga
mag-aaral. Napapalawak ng mga sites na ito ang kaalaman ng mga mag-aaral,
napagtitibay ang relasyon sa mga magkakaibigan, nakahahanap ng bagong mga
kaibigan, napagbubuti ang buhay sosyal ng bawat tao, nagtatagpo ulit ang mga dating
mga kaibigan na matagal ng walang komunikasyon sa isat-isa at higit sa lahat,
naipapahayag ang sariling idea at pananaw sa buhay sa buong mundo.
3. Rekomendasyon
Imunumungkahi ng mga manunulat na higit na mapaghusay pa ang kanilang
pag-aaral sa larangan ng Social Networking sa kadahilanang nais pa nilang higit na
maunawaan ang mga mabubuting implikasyon na Social networking. Nais din
irekomenda ng mga manunulat ang ilang mga dapat na gawin upang makaiwas sa mga
manloloko. Isa sa mga dapat gawin dito ay ang pag-iingat sa mga impormasyon na
nilalathala sa iyong network. Ito ay makakatulong upang higit na mas mapaganda ang
pag gamit ng social networking. Para higit na mas mpagtibay ang mga datos na
nakalap, dapat din tagalin ang limitasyon sa mga tagatugon. Sa mga gusto pang ipag
patuloy ang pag-aaral tungkol sa social networking, nais ng mga manunulat na payuhan
ang mga magaaral na huwag limitahan ang social networking sa isang aspekto lamang
at huw ag din limitahan ang kanilang mga tagatugon.
V. Bibliografiya:
About Classmates Online, Inc., Classmates.com, Nakuha noongFebruary 12, 2008 from
http://www.classmates.com/cmo/about/;jsessionid=RIVWXDQ2MEVJ4CQKWZ
SSVRQKBK1GMIV3?s=74606&_requestid=171457,
http://en.wikipedia.org/wiki/Classmates.com
Anderson, K. Internet use among col lege students: An exploratory
study[ Paggamit ng internet sa mga mag-aaral sa kolehiyo: Isang
eksplorator ing pag-aaral ] . Nakuha noong February 12, 2008 from
ht tp:/ /www.rpi .edu/~anderk4/research.html
Boyd, D. M. at El l ison, N. B. (2007). Socia l network s i tes: Def in i t ion,
h istory, and scholarship[ Mga socia l networking sayt :Depinisyon,
kasaysayan at kaalaman] . Journal of Computer-Mediated
Communicat ion, 13 (1), art ic le 11.
ht tp:/ / jcmc. indiana.edu/vol13/ issue1/boyd.el l ison.html
Changing adolescent experience[ Pagbabago ng karanasan ng tin-edyer]. Cambridge
University Press.
Frauenhelm, E.(2007) Socia l Revolut ion. Workforce Management , (28-
37)
Harvey, G. The pros and cons of social networks[Mga kabutihan at kapalit ng social
networks] , Ezine Articles. Nakuha noong February 12, 2008 from
http://ezinearticles.com/?Social-Networking,-The-Pros-and-Cons-of-Social-
Networks&id=683823CSI/FBI Computer Crime and Security Survey, 2000
Friendster. Kinuha mula sa website na http://www.friendster.com noong Pebrero 11,
2008.
Holmes, D(1997). Vir tual Pol i t ics: Ident i ty and Community in
Cyberspcae
http://en.wikipedia.org/wiki/Computer
http://en.wikipedia.org/wiki/Internet
http://en.wikipedia.org/wiki/E-mail
http://en.wikipedia.org/wiki/Multiply.com
http://multiply.com/info/about
http://news.bbc.co.uk/hi/english/static/in_depth/uk/2001/life_of_crime/cybercrime.stm
http://www.answers.com/topic/public-space
Iskold, A(2006).Multiply: A different approach To social networking[Multiply: Isang
kakaibang pakikitungo sa social networking]. Nakuha noong February 12, 2008
sa http://www.readwriteweb.com/archives/mutiply_analysis.php
Lim, R (2008) J1, Students and campuses, friends,inc., Retrived January 6, 2008 from
Manila Bulletin
Multiply. Kinuha mula sa website na http://www.multiply.com noong Pebrero 12,2008.
Myspace. Kinuha mula sa website na http://www.myspace.com noong Pebrero 12,2008.
Social Networking, Retrived February 12, 2008 from
http://en.wikipedia.org/wiki/Social_networking
St ivers, Richard. (2004). Shades of lonel iness: Pathologies of a
technological society[Pangungul iml im ng kalungkutan:Patolohiya
ng teknolohiyal na l ipunan]. Lanham: Rowman & Li t t lef ie ld
Publ ishers, Inc.
Wolf , Mark J. (2000). Abstract ing real i ty: Art , communicat ion, and cognit ion in the digi ta l age[Pagwawalang kat iyakan s
real idad: Sin ing, komunikasyon at pagl i l imi sa d igi ta l na panahon].
Lanham: Univers i ty Press of America, Inc.
WordNet 1.7.1 Copyright 2001 by Princeton University. All rights reserved
www.en.wikipedia.org/wiki/MySpace
www.mashable.com/2006/08/09/myspace-hits-100-million-accounts
www.myspace.com/index.cfm?fuseaction=misc.aboutus