Embed Size (px)
Citation preview
Bladsy 1 van 24
DEPARTEMENTELE DIENSMANIFES 2016/17
ONS VISIE Om te lei in die lewering van staatsinfrastruktuur en verwante dienste.
ONS MISSIE
Die Departement van Vervoer en Openbare Werke lewer infrastruktuur en dienste
om sosio-ekonomiese uitkomstes en veilige, bemagtigde en verbonde
gemeenskappe te bevorder.
WAARDES
Die Departement ondersteun die kernwaardes van die Wes-Kaapse Regering:
Hierdie waardes word deur spanwerk onderstut en is op die Departement, asook al
die werknemers van die provinsiale regering, van toepassing. Wat belangrik is, is dit
wat ons vir die burgers doen, ons:
• streef daarna om mense se behoeftes te verstaan en daaraan aandag te gee,
• streef daarna om die beste resultate in die diens van al die mense van die Wes-
Kaap te bereik,
• is daaraan toegewy om alle ooreengekome uitsette betyds te lewer,
• sal eerlik wees, respek toon en positiewe waardes uitoefen,
• sal publieke opinie ernstig opneem, na die stem van die mense luister, en
• sal burger-sentries wees en die vermoë hê om alle opsies in ag te neem en ’n
vindingryke oplossing te vind.
Bladsy 2 van 24
ONS VERANTWOORDELIKHEID TEENOOR U:
• Ons sal ’n professionele diens bied wat aan omskryfde standaarde voldoen.
• Ons sal dít wat u moet doen of weet aan u verduidelik.
• Ons sal binne 20 sekondes aan 96 persent van oproepe wat deur die
departementele inbelsentrum (0860 212 414) ontvang word, aandag gee.
• Ons sal van 07:00 tot 19:00 u epos binne 60 minute van ontvangs antwoord.
• Ons sal via ons sosiale mediadienste met u skakel: Facebook
(WesternCapeGoverment), Twitter (@WesternCapeGov), YouTube en LinkedIn.
Ons sal u daagliks van 07:00 tot 19:00 binne 60 minute antwoord, indien u saak nie
hoër op gestuur moet word nie.
• Ons sal van 07:00 tot 19:00 via ons SMS-oplossing (31022) met u skakel, waar ons u
binne 60 minute sal antwoord.
• Ons sal u terugvoering gee wat ingelig, nuttig en konstruktief is.
• Ons sal geen verdraagsaamheid teenoor mishandeling, misbruik, bedrog of
wangedrag toon nie.
• Ons sal ons foute korrigeer.
U VERANTWOORDELIKHEID TEENOOR ONS:
• Om hoflik en beskaafd te wees en ons waardigheid te respekteer.
• Om ons met volledige en akkurate inligting, asook onlangs gewaarmerkte afskrifte
van dokumentasie wat benodig word, te voorsien.
• Om in u gesprekke met ons eerlik te wees.
• Om uself beskikbaar te stel en gewillig te wees om aan ooreengekome
transversale programme deel te neem.
• Om aktief aan die Departement se inisiatiewe deel te neem en advies wat van
die Departement ontvang word te implementeer.
• Om met ons te kommunikeer oor waar verbeteringe aan dienslewering in ag
geneem moet word.
Bladsy 3 van 24
ONS DIENSTE EN STANDAARDE
Die Departement het die volgende standaarde vir die vlak en kwaliteit van dienste wat ons
voorsien, gestel:
DIENSTE DIENSSTANDAARD 2016/17
Program 1 - Administrasie: Voorsien algehele bestuursteun aan die Departement.
Munisipaliteite ondersteun om
Geïntegreerde Vervoerplanne (GVP) te
ontwikkel om sodoende te verseker dat
daar vir die vervoerbehoeftes van die
munisipaliteite beplan word.
• Die Departement sal niefinansiële advies
voorsien en die implementering van die
GVPe van alle distriks- en plaaslike
munisipaliteite vir die 2016/17 finansiële
jaar monitor.
Program 2 - Openbare Werke-infrastruktuur: Voorsien gebalanseerde provinsiale
staatsgebou-infrastruktuur wat ekonomiese groei en maatskaplike bemagtiging
bewerkstellig.
Voorsien konstruksie en instandhouding van
onderwysinfrastruktuur-fasiliteite.
• In sy kapasiteit as die implementeringsagent, sal die Departement sewe nuwe skole (laerskool, hoërskool, Leerders met Spesiale Opvoedkundige Behoeftes (LSOB)) vir die 2016/17 finansiële jaar bou om aan agterstand en nuwe eise gehoor te gee.
• Die Departement sal 76 klaskamers gedurende die 2016/17 finansiële jaar bou.
• Die Departement sal gedurende 2016/17 sewe nuwe en ses omskepte Graad R-klaskamers by sewe skole bou, waar die behoefte deur die WKOD geïdentifiseer is.
• Die Departement sal ongeveer 100 mobiele eenhede kry en plaas om “gevaarpunte” van die inskrywing-aanvraag aan te spreek en daarna om die bestaande voorraad van mobiele eenhede as ’n groep te bestuur. Verder
Bladsy 4 van 24
DIENSTE DIENSSTANDAARD 2016/17
om die bestaande mobiele eenhede na gebiede waar dit nodig is te skuif.
• Die Departement sal skole wat met onvanpaste materiaal gebou is teen ’n koers van vier skole per jaar vir 15 jaar vervang.
• Die Departement sal in die 2016/17 finansiële jaar dwarsoor verskeie streke van die provinsie sewe nuwe skoolsale bou by skole wat deur die WKOD geïdentifiseer is.
• Die Departement sal gedurende 2016 dwarsoor verskeie streke van die provinsie omvattende instandhoudingsprojekte by 40 (laerskool, hoërskool en LSOB) skole onderneem.
• Die Departement sal waar dit nodig is, noodinstandhouding-herstelwerk doen om gesondheids- en veiligheidskwesies aan te spreek.
Fasiliteer die konstruksie en geskeduleerde
instandhouding van
gesondheidsinfrastruktuur-fasiliteite.
Die Departement sal tussen 1 April 2016 en
31 Maart 2017 die konstruksie van 11
projekte voltooi, wat die volgende behels:
• Opgradering en toevoegings by die
Citrusdalkliniek;
• Piketberg Ambulansstasie vervang;
• Fase 5 van die Worcester Hospitaal se
opgraderings;
• Installasie van die Nuwe Lineêre
Versnellerbunker by Groote Schuur
Hospitaal;
• Nuwe Hibriede Teater by die Groote
Schuur Hospitaal;
• Slopings ter voorbereiding van die nuwe
Bladsy 5 van 24
DIENSTE DIENSSTANDAARD 2016/17
Observatory Forensiese Patologie-
Laboratorium;
• Opknapping van die
verpleegstersakkommodasie by die Wes-
Kaapse Kollege vir Verpleging (WKKV)
Boland kampus;
• Vervanging van die Hillside Kliniek in
Beaufort-Wes;
• Nuwe Gerekenariseerde Tomografie-
skanderingstoerusting-infrastruktuur (CT)
by die Khayelitsha Hospitaal;
• Voltooiing van sale by die Khayelitsha
Hospitaal;
• Moontlik maak vir Fase 2B om by
Vredenburg Hospitaal te begin.
• Geskeduleerde instandhouding gaan
tussen 1 April 2016 en 31 Maart 2017 by
70 bestaande gesondheidsinfrastruktuur-
fasiliteite dwarsoor die Provinsie voltooi
word.
Voorsien akkommodasie-dienste aan al die
provinsiale Departemente en entiteite.
• Alle provinsiale departemente en
entiteite moet jaarliks hul akkommodasie
behoeftes via die formele strategiese
beplanningsproses indiening van
onderskeie Gebruikers Onroerende
Batebestuurplanne (U-AMPs) indien.
• Alle provinsiale departemente en
entiteite sal binne vyf weke na die
indiening van die finale U-AMPs in
Februarie in die Kurator Onroerende
Batebestuurplan in kennis gestel word
oor die uitkomste en projekte wat
Bladsy 6 van 24
DIENSTE DIENSSTANDAARD 2016/17
aangeteken en deur die Departement
befonds gaan word.
• Alle ad hoc versoeke vir akkommodasie
sal binne 30 dae deur ’n
Departementshoofbrief beantwoord
word. Afhangende van die beskikbare
kapasiteit en hulpbronne, kan die
uitkomste of positief óf negatief wees.
• Die voorgestelde verkrygings van
onroerende bates waar eiendom vir
gemeenskapsinfrastruktuur benodig
word, sal in die plaaslike Engelse,
Afrikaanse en isiXhosa koerante
geadverteer word. Suksesvolle en
onsuksesvolle bieërs sal nadat dit deur
die toepaslike owerheid goedgekeur is,
skriftelik van die uitkoms van hul aanbod
in kennis gestel word.
• Ingevolge die bepalings van die Wes-
Kaapse Wet op Grondadministrasie, 1998
(Wet 6 van 1998), sal ’n uitnodiging vir
aanbiedinge van die publiek vir die
voorgestelde vervreemdings van
onroerende bates in die plaaslike
Engelse, Afrikaanse en isiXhosa koerante,
asook die staatskoerant geadverteer
word. Suksesvolle en onsuksesvolle bieërs
sal binne twee weke na dit deur die
toepaslike owerheid goedgekeur is van
die uitkoms van hul aanbod in kennis
gestel word.
Bladsy 7 van 24
DIENSTE DIENSSTANDAARD 2016/17
• Alle jaarlikse uitnodigings vir aanbiedinge
om onroerende bates by die publiek en
privaatsektor te huur, sal in plaaslike
koerante en die staatskoerant
geadverteer word. Identifikasie van die
onroerende bate(s) sal jaarliks gedoen
word ingevolge die vervaldatums van
huidige huurkontrakte in die huur
portefeulje, die C-AMP, of soos die
behoefte ontstaan. Suksesvolle en
onsuksesvolle bieërs sal binne twee weke
na dit deur die toepaslike owerheid
goedgekeur is, skriftelik van die uitkoms
van hul aanbod in kennis gestel word.
• ’n Vyf persent verlaging van
elektrisiteitsgebruik per vierkante meter
per jaar in geboue wat in provinsiale
besit in die Eiendom
Doeltreffendheidsverslag
kantooreiendom is, sal gehandhaaf
word.
• Uitgesoekte nuwe provinsiale geboue sal
aan die 4-ster Groen Bouraad van Suid-
Afrika se standaarde voldoen.
Bladsy 8 van 24
Program 3 - Vervoerinfrastruktuur: Lewer en handhaaf vervoerinfrastruktuur
Bou, rehabiliteer en handhaaf die
provinsiale padnetwerk.
• Gebaseer op die huidige fondsvlakke en
die instandhoudingsmodel sal ’n
minimum van 586 000 vierkante meter
geteerde pad jaarliks gerehabiliteer
word.
• Gebaseer op die huidige fondsvlakke en
die instandhoudingsmodel sal ’n
minimum van 65 kilometer gruispad
jaarliks hergruis word.
• Gebaseer op die huidige fondsvlakke en
die instandhoudingsmodel sal ’n
minimum van 4 405 000 vierkante meter
geteerde pad jaarliks herseël word.
Bied vervoerinfrastruktuur vakleerlingskappe
aan.
• Aansoekers wat ’n volledige voltooide
aansoek met die vereise dokumentasie
indien, sal binne twee weke na die
sluitingsdatum oor die uitkoms in kennis
gestel word.
• Aansoekers op die kortlys sal binne vier
weke na die onderhoude plaasgevind
het, oor die uitkoms in kennis gestel word.
• Indien aansoekers nie binne drie weke
van die sluitingsdatum terugvoering van
die Departement ontvang nie, moet hul
hul aansoek as onsuksesvol beskou.
Bied gegradueerde opleiding in die rigting
van professionele registrasie aan.
• Gegradueerdes op die lys wat in
Augustus deur die Masakh’iSizwe
beurskantoor verskaf word, sal vir plasing
oorweeg word.
• Onderhoude met die kandidate op die
kortlys sal jaarliks gedurende Oktober
gehou word.
• Kandidate sal binne vier weke na die
Bladsy 9 van 24
onderhoude van die uitkoms in kennis
gestel word.
Bied dieselwerktuigkundige-
vakleerlingskappe aan.
• Suksesvolle kandidate sal binne drie
maande na die publisering van die
sluitingsdatum van die uitkoms in kennis
gestel word.
• Indien die aansoeker nie binne drie
maande na die sluitingsdatum van die
advertensie terugvoering van die
Departement ontvang nie, moet die
aansoeker sy aansoek as onsuksesvol
beskou.
Bladsy 10 van 24
Program 4 - Vervoerbedrywe: Beplan, reguleer en fasiliteer die voorsiening van
geïntegreerde landvervoerdienste
Bestuur en monitor gesubsidieerde en
gespesialiseerde openbare vervoerdienste.
• ’n Minimum van 2 460 openbare
vervoerroetes sal jaarliks gesubsidieer
word.
• ’n Minimum van 36 000 000 voertuig-
kilometers sal jaarliks gesubsidieer word.
• ’n Minimum van twee Geïntegreerde
Openbare Vervoernetwerke (GOVN) sal
jaarliks vir nie-metro munisipaliteite
ontwikkel word.
• ’n Minimum van een GOVN sal jaarliks vir
’n nie-metro munisipaliteit
geïmplementeer word, afhangende van
finansiële hulpbronne.
Koördineer en fasiliteer
landvervoerveiligheid en
nakomingsprogramme in ooreenstemming
met die veiligestelsel-benadering.
• ’n Geïntegreerde vermoeienis
bewusmakingsveldtog sal uitgevoer word
om operateurs te leer om slegs twee ure
te bestuur en dan ’n (minimum) 15
minuut liggaamstrek-ruskans te neem.
• Inligting oor landvervoerveiligheid, soos
pamflette met veiligheidswenke en
boodskappe, sal by Thusongsentrums
dwarsoor die Provinsie beskikbaar wees.
Hierdie veiligheidsmateriaal sal
maandeliks bygewerk word.
• Leerdervervoer-aanbiedings sal as deel
van die Overberg Distrik-veiligheidsplan
aan operateurs in die Overberg Distrik
gegee word.
Bladsy 11 van 24
Program 5 - Vervoerregulasies: Reguleer die vervoeromgewing
Voorsien motorvoertuig registrasie- en
lisensiëringsdienste deur plaaslike
munisipaliteite wat die diens namens die
Departement op ’n agentskapbasis verskaf.
• ’n Motorvoertuiglisensie sal met die
inhandiging van die korrekte voltooide
aansoekvorm saam met die vereiste
ondersteuningsdokumentasie en die
toepaslike gelde, onmiddellik uitgereik
word.
• ’n Motorvoertuig sal geregistreer word en
’n registrasiesertifikaat sal onmiddellik
uitgereik word met die inhandiging van
die korrekte voltooide aansoekvorm
saam met die vereiste
ondersteuningsdokumentasie en die
toepaslike gelde.
Voorsien motorvoertuig padwaardigheid
sertifiseringsdienste deur plaaslike
munisipaliteite en/of geregistreerde privaat
maatskappye wat die diens namens die
Departement op ’n agentskapbasis verskaf.
• ’n Motorvoertuig sal onmiddellik as
padwaardig gesertifiseer word indien die
voertuig die bevoegdheidstoets
deurkom en die vereiste aansoekvorm,
ondersteuningsdokumentasie en
toepaslike gelde ingehandig is.
Voorsien bestuurderslisensies aan
bevoegde bestuurders deur plaaslike
munisipaliteite wat die diens namens die
Departement op ’n agentskapbasis verskaf.
Aansoek:
• ’n Datum vir die bestuurderslisensietoets
sal onmiddellik uitgereik word met die
inhandiging van die korrekte voltooide
aansoekvorm saam met die vereiste
ondersteuningsdokumentasie en die
toepaslike gelde.
• ’n Tydelike bestuurderslisensie wat vir ses
maande geldig is, sal onmiddellik
uitgereik word indien die aansoeker die
bestuurderslisensie-toets geslaag het.
• ’n Bestuurderslisensie, wat vir ’n tydperk
van vyf jaar geldig is, sal binne ongeveer
Bladsy 12 van 24
ses weke uitgereik word ná die
aansoeker die bestuurderslisensie-toets
geslaag het.
Vervanging:
• Indien die bestuurderslisensie verlore
raak, beskadig word of gesteel word, sal
’n tydelike bestuurderslisensie
onmiddellik uitgereik word met die
ontvangs van die korrekte voltooide
aansoekvorm met die beëdigde
verklaring en toepaslike gelde.
• Die nuwe bestuurderslisensie sal binne
ongeveer ses weke na die aansoek
afgehandel is, uitgereik word.
Hernuwing:
• ’n Bestuurderslisensie wat vir ’n tydperk
van vyf jaar geldig is sal binne ongeveer
ses weke uitgereik word na die
inhandiging van die korrekte voltooide
aansoekvorm saam met
ondersteuningsdokumentasie en
toepaslike gelde.
• ’n Tydelike bestuurderslisensie wat vir ses
maande geldig is, sal onmiddellik met
betaling van die toepaslike gelde
uitgereik word indien sodanige
hernuwingsaansoek na die vervaldatum
gedoen is.
• Indien die aansoek betyds gemaak word
mag die persoon met die ou lisensie en
die bewys van betaling bestuur tot tyd
en wyl die nuwe lisensie uitgereik word.
Bladsy 13 van 24
Reik permitte vir abnormale vragvoertuie en
geleenthede op openbare paaie uit.
• Abnormale vrag/voertuie vrystelling
permitaansoeke sal binne 48 uur met die
ontvangs van die korrekte voltooide
aansoekvorm en vereiste
ondersteuningsdokumentasie uitgereik
word. Indien die inset van ’n ingenieur
benodig word en dit betyds ontvang
word, sal die permit binne 72 uur
uitgereik word.
• Permitte vir geleenthede/aktiwiteite op
paaie sal onmiddellik ná die insette en
ondersteuningsdokumentasie van al die
betrokke rolspelers ontvang is, uitgereik
word.
Voorsien ’n doeltreffende oorlaai-
beheerstelsel op nasionale en provinsiale
paaie.
• Voertuie wat vragte dra se asse sal
nagegaan word vir voldoening aan
regulasies en die weegproses sal 2-3
minute neem, waarna voertuie wat
regtens gelaai is met hul reise sal
voortgaan en dié wat nie die regulasies
nagekom het nie se vervolgingsproses sal
begin.
Verskaf lisensiëringsdienste aan openbare
vervoer operateurs.
Tydelike operateurslisensie:
• Waar ’n voltooide aansoek voor 12:00
op ’n werksdag ingehandig word sal ’n
besluit op dieselfde dag geneem word.
Indien die voltooide aansoek na 12:00
op ’n werksdag ingehandig word sal ’n
besluit op die laatste die volgende
werksdag geneem word.
• Indien ’n aansoek vir ’n tydelike
operateurslisensie goedgekeur is, sal die
lisensie op dieselfde dag uitgereik word.
Bladsy 14 van 24
Hernuwing van operateurslisensie:
• Die Provinsiale Regulerende Entiteit poog
om binne dertig dae oor sodanige
aansoeke te besluit en dit af te handel.
Registreer minibus-taxi operateurs en
verenigings.
• Die aansoek vir ’n nuwe
operateurslisensie/registrasie van minibus-
taxiverenigings, lede en nie-lede sal
binne sestig dae van die ontvangs van
die korrekte voltooide
ondersteuningsdokumentasie en
toepaslike gelde, oor besluit word en
afgehandel word.
Lewer doeltreffende en doelmatige
verkeerswetstoepassing.
• ’n Minimum van 2 500
spoedbeheerveldtogte sal jaarliks
onderneem word.
• ’n Minimum van 1 082 padblokkades sal
jaarliks gehou word.
• Weegbrûe sal jaarliks 60 000 ure in
werking wees.
• ’n Minimum van 3 914 padlangse
voertuig kontrolepunte sal jaarliks
onderneem word.
Implementeer en koördineer
padveiligheidsprogramme.
• ’n Minimum van 12 000 openbare
vervoer voertuie sal jaarliks geweeg
word.
• ’n Minimum van 345 skole sal jaarliks by
padveiligheidsopvoedingsprogramme
betrokke wees.
• ’n Minimum van 420 padveiligheids-
bewusmakingsveldtogte sal jaarliks
onderneem word.
Verskaf opleiding en ontwikkeling aan
verkeerswetstoepassingsbeamptes,
• ’n Minimum van nege formele
verkeersopleidingskursusse sal jaarliks
Bladsy 15 van 24
eksaminators vir bestuurderslisensies en
eksaminators van voertuie om eenvormige
norme en standaarde te handhaaf.
gefasiliteer word met ’n beraamde
inname van 130 leerders en ’n slaagpunt
van 88 persent.
• Alle goedgekeurde formele
kursusdatums en –toegangsvereistes sal
op die Departement se amptelike
webtuiste beskikbaar wees
(https://www.westerncape.gov.za/dept/
tpw).
• Informele opleidingsingrypings sal met
die bekendstelling van die e-leerprogram
aan alle verkeersbeamptes binne die
Provinsie beskikbaar wees.
Bladsy 16 van 24
Staatsmotorvervoer (SMV): Voorsien gehalte, geïntegreerde en koste-effektiewe SMV-
dienste aan provinsiale en nasionale departemente en openbare entiteite
Voorsien Staatsmotorvervoerdienste (SMV)
aan provinsiale en nasionale departemente
en openbare entiteite.
• ’n Vloot van 5 900 voertuie binne die
ekonomiese lewensiklus sal gedurende
2016/17 aan kliënte beskikbaar wees
(provinsiale en nasionale departemente
en openbare entiteite).
• Vervangingsvoertuie sal jaarliks
ingevolge die vervangingsplan verkry
word.
• Alle voertuie sal soos dit benodig word
volgemaak word en dit sal volgens elke
voertuig se diensplan in stand gehou
word.
• Tien stelselverbeteringe sal aan die
vlootbestuurstelsel gemaak word.
• Een kliënte-opname sal gedurende
2016/17 onderneem word.
• Vyf en twintig sal gedurende 2016/17
hersien word.
Bladsy 17 van 24
Program 6 - Gemeenskapsgebaseerde programme: Bestuur die implementering van die
Uitgebreide Openbare Werke Program
Skep werksgeleenthede en ekonomiese
bemagtiging deur infrastruktuurvoorsiening.
• Die Departement sal ’n minimum van ses
werksgeleenthede skep per miljoen rand
wat op infrastruktuur met die konstruksie
en instandhouding van provinsiale
geboue spandeer word.
• Ekonomiese bemagtiging: Breed
Gebaseerde Swart Ekonomiese
Bemagtiging sal uit beginsel volledig
geïmplementeer word om maksimum
deelname van verskeie ondernemings te
verseker.
Masakh’iSizwe Beursprogram aan finansieel
benadeelde jeug (spesifiek vroue en jeug
van landelike gebiede af) om hul te
bemagtig en met geleenthede te voorsien
om hulle te help om toegang tot formele
onderwys te kry.
• Bemarking van beursprogram aan
leerders sal deur middel van
aanbiedinge by skole (wat wiskunde en
natuurwetenskap aanbied), hoër
onderwysinstellings en deur mediakanale
gedoen word.
• Aansoekvorms en kwalifiseringskriteria is
jaarliks tussen Junie en September op die
WKR se webtuise beskikbaar
(https://www.westerncape.gov.za/dept/
tpw).
• Suksesvolle aansoekers sal jaarliks aan
die einde van Januarie oor die uitkoms
van hul aansoek in kennis gestel word.
Bied Professionele Ontwikkelinsprogram vir
werknemers in die vervoer-, ingenieurs-, en
bou-omgewing aan.
• ’n Individuele opleidingsplan sal binne
vier maande na die werknemer
aangedui het dat hy/sy aan die
Professionele Ontwikkelingsprogram wil
deelneem, ontwikkel word.
• Werknemers sal ondersteun word om
professionele registrasie te behaal, in
Bladsy 18 van 24
stand te hou en te behou.
• Kwalifiserende werknemers wat
belangstel sal ’n verbintenis teken om ’n
gestruktureerde opleidings- en
ontwikkelingsprogram te ondergaan.
• Mentors en koördineerders sal aan
werknemers wat deelneem toegewys
word om die verkryging van blootstelling/
ervaring/opleiding by ’n
bevoegdheidsvlak soos deur die
toepaslike professionele liggaam
gestipuleer is, te fasiliteer.
Koördineer die Uitgebreide Openbare
Werke-program (UOWP).
• ’n Minimum van 80 ingrypings sal
geïmplementeer word om openbare
instellings met die skepping van ’n
beoogde aantal werksgeleenthede in
die provinsie te ondersteun.
Fasiliteer programme om opkomende
kontrakteurs te ontwikkel: Grondslagfase-
en gevorderde fase-opleiding.
• Konstruksie Industrie Ontwikkelingsraad
(CIDB) vlak een en twee Siviele
Ingenieurswese- en Algemene Geboue-
kontrakteurs wat op die munisipaliteite se
“kontrakteurdatabasis” is, sal jaarliks per
telefoon of epos na ’n twee dag
inligtingsessie genooi word.
• Suksesvolle kontrakteurs wat by die
Konstruksie Industrie Ontwikkelingsraad
(CIDB) op vlakke een en twee Siviele
Ingenieurswese en Algemene Geboue
geregistreer is, sal binne vier weke van
die sluitingsdatum van die advertensie
oor die uitkoms van hul
opleidingsaansoek in kennis gestel word.
Bladsy 19 van 24
• Suksesvolle kontrakteurs wat by die CIDB
op vlak drie tot vyf, Siviele
Ingenieurswese en Algemene Geboue
binne die Wes-Kaap Provinsie
geregistreer en aktiewe kontrakteurs
binne die verkrygingsproses van die
Departement is, sal binne vier weke na
die interne selektering afgehandel is, oor
die uitkoms van hul opleidingsaansoek in
kennis gestel word.
• Onsuksesvolle kontrakteurs sal binne ’n
maand van die sluitingsdatum deur die
Departement in kennis gestel word.
Bied geleenthede vir konstruksie-verwante
vaardigheidsontwikkeling vir die jeug binne
die Wes-Kaap aan, insluitende ’n
opleidingsprogram (drie jaar program
gemik op leerders wat Graad 12 of
gelykstaande voltooi het) en VOO-kollege
konstruksie vakleerlingskapprogramme (12-
18 maand program gemik op VOO-
studente).
• Suksesvolle aansoekers sal binne vier
weke na die sluitingsdatum oor die
uitkoms van hul aansoek in kennis gestel
word.
• Indien die aansoeker nie binne drie
maande van die Departement
terugvoering kry nie, moet die aansoeker
sy/haar aansoek as onsuksesvol beskou.
Bladsy 20 van 24
TOEGANKLIKHEID
Ons geboue is vir almal toeganklik, dit wil sê, ook vir mense met gestremdhede.
KONTAK ONS
Die kontakbesonderhede van die belangrikste eenhede word hieronder verskaf. Die hoof
departementele diensareas, asook die diensstandaardskedule is beskikbaar by:
https://www.westerncape.gov.za/dept/tpw/about.
AFDELING KONTAKBESONDERHEDE EN BEDRYFSURE
Algemene Navrae 07:00 – 19:00, sewe dae ’n week
Tel: 0860 212 414
Hoofkantoor
08:00 – 15:30 (weeksdae)
Dorpstraat 9, Kaapstad
Epos: [email protected]
Faks: 021 483 8755
Webtuiste: www.westerncape.gov.za/dept/tpw
Twitter: @WCGovTPW
e-Government 4 Citizens (e-G4C)
07:00 – 19:00, sewe dae ’n week
Departementele inbelsentrum: 0860 212 414
SMS: 31022
Please Call Me: 079 769 1207
Faks: 021 483 7216
Epos: [email protected]
Sosiale media
Facebook: WesternCapeGovernment
Departementele Twitter-rekening: @WCGovTPW
Algemene Twitter-rekening: @WesternCapeGov
Departementele Instapsentrum
08:00 – 15:00 (weeksdae)
Dorpstraat 9, Kaapstad
Tel: 021 483 5337/5997
Bladsy 21 van 24
Padinstandhouding
(Streekkantore)
08:00 – 15:30 (weeksdae)
Hoofweg 1, Paarl-Suid
Tel: 021 863 2020
Bon Chretienstraat, Ceres
Tel: 023 312 1120
Vredestraat 2, Oudtshoorn
Tel: 044 272 6071
Provinsiale Regulerende Entiteit
Hulpkantoor
07:30 – 14:00 (weeksdae)
Hoek van Bosduif en Volstruisweg, Bridgetown,
Athlone
Tel: 021 483 0234/0214/0217/0216/0222
Epos: [email protected]
Faks: 021 483 0204
Courtenaystraat 42, George
Tel: 044 802 3700
Epos: [email protected]
Faks: 044 874 5711
Langstraat 85, Piketberg
Tel: 022 913 3206
Provinsiale Vervoerregistrateur-
kantoor
Tel: 021 483 0259/ 0252
Faks: 021 483 0206
Provinsiale Taxikantoor Tel: 021 696 3213/14
Faks: 021 696 3206
Verkeerswetstoepassing
(Hoofkantoor)
08:00 – 15:30 (weeksdae)
Waalstraat 35, Kaapstad
Tel: 021 483 6085
Padveiligheidsbestuur
(Hoofkantoor)
08:00 – 15:30 (weeksdae)
Waalstraat 35, Kaapstad
Bladsy 22 van 24
Tel: 021 483 6958
Verkeersopleiding en ontwikkeling
(Hoofkantoor)
08:00 – 15:30 (weeksdae)
Waalstraat 35, Kaapstad
Tel: 021 483 3087
Verkeerswetstoepassingskantore
08:00 – 15:30 (weeksdae)
Brackenfell
Tallentstraat 16, Parow
Tel: 021 963 9160
Beaufort-Wes
Roete H9-N1 Afdeling 8, 2 Beaufort-Wes
Tel: 023 414 2700
Vredenburg
Hopefieldweg, Vredenburg
Tel: 027 713 1286
Mosselbaai
Essenhoutstraat, Mosselbaai
Tel: 044 693 4545
Oudtshoorn
Voortrekkerweg 76, Oudtshoorn
Tel: 044 272 4197
Caledon
Orian-gebou, Prince Albertstraat, Caledon
Tel: 028 212 2875
Vredendal
Voortrekkerstraat 44, Vredendal
Tel: 027 213 1269
Bladsy 23 van 24
Worcester
Tulbaghstraat, Worcester
Tel: 023 342 2356
Laingsburg
Besigheidsentrum, Meiringstraat, Laingsburg
Tel: 023 551 1021
Knysna
Hoek van Lang en Covestraat, Knysna
Tel: 044 382 5525
Swellendam
Andrew Whitestraat, Swellendam
Tel: 028 514 1185
Athlone
Hoek van Bosduif en Volstruisweg, Bridgetown,
Athlone
Tel: 021 483 0130
Staatsmotorvervoer
08:00 – 15:30 (weeksdae)
Roeland-gebou, Roelandstraat 34, Kaapstad
Tel: 021 467 4797
SMV tolvrynommer: 08000 92468(WCGMT)
SMV Vloot Kliëntesorgsentrum
(CCC): [email protected]
Openbare Werke Streekkantoor
08:00 – 15:30 (weeksdae)
4de Vloer, York Park Gebou, St Johnstraat, George
Tel: 044 805 8700
Bladsy 24 van 24
U TERUGVOERING IS VIR ONS BELANGRIK.
• Laat weet ons indien u ’n klagte het. Ons sal om verskoning vra, aan u klagte aandag
gee en die korrekte antwoord/inligting vir u klagte verskaf.
• As ons nie onmiddellik u telefoniese navraag kan antwoord nie, sal ons die naam van
die persoon na wie u navraag verwys word vir u gee en u ’n aanduiding gee van
wanneer u ’n antwoord kan verwag.
• Ons sal vir u die naam en kontakbesonderhede van die persoon wat u navraag
hanteer gee en/of ’n verwysingsnommer, indien van toepassing.
• Ons is verbind daartoe om sonder vooroordeel ’n geregtelike wyse te volg.
U is welkom om u voorstelle, komplimente, klagtes en konstruktiewe kritiek na die
volgende adres te stuur:
Departementele Kommunikasie
Privaatsak X9185, Kaapstad, 8000
Tel: 0860 212 414
Faks: 021 483 9851
Epos: [email protected]
Webtuiste: https://www.westerncape.gov.za/dept/tpw
RAPPORTEER BEDROG EN KORRUPSIE
Rapporteer enige gevalle van bedrog of korrupsie deur die Nasionale Anti-Korrupsie
Blitslyn te bel by: 0800 701 701 (tolvry) of 021 483 0539.
VERKLARING VAN UITVOERENDE GESAG:
Ek, Donald Grant, bind die Departement van Vervoer en Openbare Werke, ingevolge
Deel III, C.2 van die Staatsdiensregulasies, 2001, soos gewysig, om te voldoen aan hierdie
Diensmanifes:
DONALD GRANT
MINISTER VAN VERVOER EN OPENBARE WERKE
DATUM:
