Para iti maymaysa laeng nga ay-ayatek,Agpaysu nga ayat, narigat nga biruken. Ngem nu dumteng, narigat a lipaten.Maysa nga aldaw, napanak nagpal-pallailang iti igid ti baybay, innak natan-awan dayta rupam nga kas anghel nga inpatulod iti langit. Nu man pay ti tingnged, naktangen iti awan sardeng nga imimingming kenka sipud inka napasungadan, madi met marikna iti sakit na.Anya iti nagan mo? Taga-anu ka? damag nga kayat ko man nga dawaten kenka ti sungbat, ngem apay ta naalak metten ti nagbain?Ti panunot ko, kasla nak lang ibabaon nga lumagto ken agiryak di inasekgan nak. Dagiti pingping, inda metten lumabbaga a kasla rosas. Ta timek mo nga makaay-ayo, sa pay ta nagmayat nga dengdenggen. Uray sa agmalmalem nga timek mot innak denggen, ayna! Pulos nga awan uma.Iti posturam, aglanglanga ka nga artista. Siak metten, marunot san ti inka ikikita iti matak. Kasla man la adda nak ti paraiso kas inta iya-akkang ti saksaka ta iti napuraw nga kadaratan. O apo, kastoy latta kuman iti biag, adadu iti isasangbay iti ragsak ngem iti ladingit. Ngem ana ngarud ket, biag met ket biag, kayat tay man wenno saan, nasken nga adda nga agpada. Dagitoy nga parikot iti mangpatebker ken mangpasayaat kadatayo para iti nasaysayaat metla nga masangbayan.Idi ngarud ta mabatug ta maysa a dakkel nga bato, siak inka inawis nga aginana. Oras ket nagsardeng sipud itatangad ta iti langit. Arapaap ken kari nga inaramid ta nga dwa, sapay la kuma ta intantu matungpal. Nu man pay han pay nga maymaysa, dumteng tu ti panawen para kadayta.Lumablabbagan iti laod a kas ipapakada iti init. Sapay la kuman ta awan iti ingga na daytoy nga pasamak iti biagkon. Dagitay panagtungtungtong ta nga nagmalmalem, dagitay istorya nga nagpaelllek ken nagpaladingit kanyata. Dagitay arapaap, karkari nga kasla awanen iti sabali nga aldaw. Nu mabalin la kuma, han nga aginnibbat dagiti im-ima tan.Aldaw iti naglabas, ket siak tuy agur-uray iti isasangbay mo nga aggapu iti adayo nga lugar idin ta naguni iti telepono iti imak. Timek ti maysa a babai, innak nangngegan. Segundo iti napalabas, ket di nak met makasaon, lua ketdin iti mata iti agayusen. Anyan aya nga pasamak iti biag daytoy ada itan nga gundaway.Indaras koi ti napan ket nasangpetan ka nga agin inana. Nakaisem ka pay a kas awan iti parikot nga dimdimteng iti sipud panagbiag mo. Apay aya, ta di nak inyuray? Apay ta siak, inka matten inbatin? Di met aya, intan tu agkallaisa ket agbiag tu a nadur-as kadwa dagiti agbalin nga annak ta? Apay ta nagsapan? Kasanu dagiti inta inkari? Dagitay arapaap, sinon ti mangkadwa kanyak nga mangtupal? Awanen, awanen, ta sika pimmusay metten. Anyan aya ti gasat iti biag kon, apay ta sika nga innak ayayten, sika pay ti napukaw? Kasanok nga irugi, sabali man a paset iti biag kon, ita ta sika, awan metten? Diko kayat iti sabali, ta sika laeng manipud idi. Kenka, innak inkari ta idtoy ikarik manen. Sika, immuna nga ayat, dikan to pulos malipatan. Linaksid nak man nga di nagpakada, daydi ar-arapaap, dagiti panagkibkibin ken panagkuykuyog nga awan inggat ragsak, itan ingga laeng iti pakalaglagipak kenka, o ayat.Kas sika ita maitabtabon, toy pusok kasla rumwaren. Kasano ket sika laeng ti nakadawi tuy panagayat ko nga awan dua dua. Sika man ket maitabonen, dagiti panawen ken nagkadkadwaan ta ket agnanayon iti pusok. Sapay la kuma ta naparagsak ka sipud naam-ammu ka ket awanen ti sabali nga makaparagsak kanyak a kas pinangparagsak mo. Inayat ka idi ken ayaten ka tunggal panagbiag ko.

Ti Mail-iliw la unay,Mie Shell