Upload
others
View
0
Download
0
Embed Size (px)
Citation preview
Aneks 1 Qëndrimi Institucional i Dhomës Kombëtare (mbi “Planin e Masave për Reduktimin e Kredive te Këqija”)
Problematika e evidentuar, Angazhimet dhe Premisat:
1. Përjashtimi dhe mospjesëmarrja e plotë e DHKPGJP-së dhe anëtarësisë së saj
nënjëçështje të lidhur drejtpërdrejt me profesionin e përmbaruesit dhe shërbimin
ekzekutues nëtërësi
2. Evidentimi i precedentit tëmëparshëm tëpërjashtimit të DHKPGJP-së
nëiniciativatligjvënëse të amendimit të K.Pr.Civile në vitin 2013 dhe në vitin 2014
precedenti i imponimit tëudhëzimit 1665/2014
3. Angazhimi i menjëhershëm i DHKPGJP-së në mbrojtje të interesave të ligjshme të
profesionit tëpërmbaruesit privat.
4. Pjesëmarrja e DhomësKombëtare tëPërmbaruesveGjyqësorë Privatë nëfazën e 3-të dhe
finale tëReformës nëDrejtësi me ekspertët e saj dhe ndihmën e ekspertëve të “Twinning
Project” dhe UIHJ (OrganizatësBotërore tëPërmbaruesveGjyqësorë Privatë)
ANEKS 2
Nga Vendimi i Këshillit Drejtues të Dhomës Kombëtare të Përmbaruesve Gjyqësorë
Privatë (datë 14.10.2015)
Të formalizojë dhe të shprehë qëndrimin e të gjithë trupës përmbarimore nëpërmjet
një dokumenti formal zyrtar, i cili do të mbështetet në diskutimet dhe procesverbalin
përfundimtar të zhvillimit të kësaj mbledhjeje. Ky qëndrim, pasi të formalizohet nga shkresa
zyrtare e përgatitur për këtë qëllim do të dërgohet dhe mbrohet në emër të Dhomës Kombëtare
përballë të gjitha institucioneve apo organizmave të përfshirë në një proces që lidhet me
draftimin e kuadrit ligjor të sistemit përmbarimor në Shqipëri, apo që kanë interes për këtë
proces. Qëndrimi i Dhomës Kombëtare do të jetë i njëjtë me atë që ka paraqitur në “reformën
për drejtësi”, i cili është një proces që ka filluar prej 11 muajsh dhe Dhoma është pjesëmarrëse
aktive, së fundi me praninë e ekspertëve të saj. Ndryshimet e pritshme ligjore të propozuara
nga Dhoma për profesionin e përmbaruesit gjyqësor privat, do të marrin ekspertizën e të gjithë
trupës përmbarimore, e cila do të përfaqësohet në Komisionin e Reformës për Drejtësi nga
ekspertët e saj, anëtarë të DHKPGJP-së
Aneks 2 Pika 2-të e Planit të Masave
Vështrim i Detajuar
NR. Masa ligjore Komente
2 Amendime tek K.Pr.Civile 2.1 Vendosja e tarifës së suksesit për
përmbaruesit gjyqësorë (e kombinuar me
amendamente të mundshme) tek ligji “Për
shërbimin përmbarimor gjyqësor privat”.
Kjo logjikë e interesit të ngushtë vetjak,
provokon rrethin vicioz: shitblerje e
autoritetit përmbarimor-shkatërrimi i
procesit në mungesëtëgarancisë
ekonomike-çarmatim i plotë procedural
i debitorit përballë procesit-prishja e
balancës si detyrim që buron nga neni 32
i ligjit 10031.
2.2 Rishikimi i nenit 609 i K.Pr.Civile,
duke synuar vendosjen e një afati
parashkrimi (nga momenti ipërfundimit
tëprocedurës ekzekutuese)
Lidhur me tëdrejtën e debitorit për të
bërënjëkërkesëpërpavlefshmëri.
dhe/ose
Të hiqet e drejta për
tëkërkuarpavlefshmërinë e titullit ekzekutiv
nërastin kur debitori pretendon që detyrimi
ekziston nënjë masë më tëvogël, duke
hequr nga paragrafi i parë i nenit 609
shprehjen “ose ekziston nënjë masë më
tëvogël”. Ndërkohë, debitori duhet ta
pretendojëkëtë të drejtënëpërmjetnjë padie
për shkaktim dëmi.
Kjo masë praktikisht synon shmangien e
përgjegjësive qëvijnë nga njëvërtetim
detyrimi arbitrar servirur nga Banka.
Detyrimi që rrjedh nga kontrata e
kredisë nuk provohet nga një gjykim
themeli, neni 609 ështëmundësia e vetme
për debitorin, mundësi që synohet të
eliminohet
2.3Të rishikohet vazhdimësia e
procedimeve gjyqësorepërrivlerësimin e
kolateralit pas përfundimit të
ekzekutimit të tij.
Në K.Pr.Civile nuk jepet shprehimisht
çfarë ndodh nënjë proces gjyqësor lidhur
me kundërshtimin e vlerësimit të kryer nga
një ekspert i caktuar nga
përmbaruesigjyqësor, i cili vazhdon,
ndërkohë që ekzekutimi i kolateralit ka
përfunduar. Ky ështënjëshqetësim, i cili
duhet të merret në konsideratëpër t’u
rregulluar.
Shqetësim i shkaktuar nga ndryshimi i
bërë prej ligjit 122/2013, i cili sanksionoi
vetëmpërkreditë bankare vlefshmërinë
prej 20 ditësh tëmasës së pezullimit. Pas
këtij afati, përmbaruesigjyqësorështë në
kolaps procedural. I nevojshëm kthimi
ivlefshmërisë sëmasës së sigurimit për të
evituar pasojat e pariparueshme
tëpalëve nëproces.
2.4 Rishikimi i nenit 511 i K.Pr.Civile
Vendimi ilëshimit të urdhrit të ekzekutimit
duhet tëpërcaktojë që interesi kontraktor
llogaritet nga data kur urdhri i ekzekutimit
ështëlëshuar deri nëdatën e plotësimit të
detyrimit qëpërmban ky urdhër
Ky ndryshim tenton bërjen fakt të kryer
të interesave dhe kamatvonesave të
rritura nëmënyreprogresive duke
renduar pozitën e debitorit, si edhe duke
e parë si faktor pengues përpërfundimin
e dosjeve përmbarimore.
2.5Kufizimi i tëdrejtës sëkundërshtimit
të veprimeve përmbarimore,për shkak të
njoftimit tëçdo veprimi përmbarimor, si
p.sh., njoftimi ilajmërimitpër ekzekutim
vullnetar.
Cenim i hapur dhe idrejtpërdrejtë i të
drejtave themelore të debitorit, rritja e
ekspozimit ndaj arbitraritetit dhe
mosrespektimit të rregullave
procedurale nga ana e subjektit
përmbarues
2.6 Çmimi në ankande
Procesi i ankandit i ndjekur nga
përmbaruesi duhet të marrë në
konsideratëçmimet referencë tëpërcaktuara
nga autoritetet (si çmim dysheme p.sh.) dhe
çmimi ivlerësuar i kolateralit në momentin
e lëvrimit tëkredisë (si çmim tavan), duke
hequr nëkëtëmënyrë tëdrejtën e palëvepër
tëkundërshtuar vendimin e përmbaruesit.
Caktimi içmimeve apriori nga
përmbaruesi cenon tëdrejtën e pronës.
Kjo vlerëështë e
përcaktuarnjëanshmërisht, injoron
ndryshimin e vlerës me kalimin e kohës
dhe konsumimit të tij. Heqja e sëdrejtës
sëkundërshtimitështë privim i sëdrejtës
së pronarit për ta gëzuar sendin e tij.
Propozimtërësisht joligjor dhe
përcaktues imarrëdhënieve
tënjëanshmërisë.
Vështrim i Detajuar i Planit të Masave
Pika 2.1
Vendosja e tarifës së suksesit për përmbaruesit gjyqësorë
Në kuadër të legjilacionit shqiptar
Në referim të -nenit 515 të K.Pr.Civile, ku legjislatori qartësisht ka parashikuar: “Urdhri i
ekzekutimit vihet në ekzekutim nga shërbimi përmbarimor gjyqësor shtetëror ose privat me anë
të përmbaruesit gjyqësor...”, rrjedhimisht kuptohet se të vetmet subjekte që kanë të drejtën të
vendosin në ekzekutim një titull ekzekutiv, duke ushtruar forcën e ligjit mbi debitorin e pabindur
vullnetarisht janë përmbaruesit gjyqësorë shtetërorë ose privatë. Këtu vlen të theksohet se asnjë
autoritet tjetër nuk mund të mbartë atribute ligjore për mbledhjen e detyrimeve apo borxheve prej
subjekteve publike apo private brenda territorit të Republikës së Shqipërisë.
Qëllimi i kësaj dispozite për të vendosur përmbaruesit gjyqësorë (privatë ose shtetërorë), këtë
autoritet publik të krijuar dhe rregulluar nga ligji, si të vetmen mundësi zgjedhjeje për një proces
ekzekutimi, lidhet më së miri edhe me parimin e barazisë së “armëve” ndërmjet palëve në një
proces të rregullt gjyqësor, vazhdimësi e të cilit konsiderohet të jetë edhe procesi përmbarimor.
Pra, sa më sipër, përmbaruesi gjyqësor e ka për detyrë ligjore ruajtjen dhe garantimin e të
drejtave themelore të debitorit përgjatë kryerjes së veprimeve detyruese dhe ekzekutuese të
procesit përmbarimor.
I udhëhequr nga parimi se një përmbarues gjyqësor privat duhet të përmbushë interesat ligjore të
kreditorit, por në çdo kohë duhet të garantojë të drejtat e debitorit, legjislatori ka parashikuar
edhe mënyrën e pagimit të detyrës që kryen ky funksionar publik.
Konkretisht, në nenet 515 dhe 525 të K.Pr.Civile, si edhe në nenet 47 dhe 48 të ligjit nr. 10031,
datë 11.12.2008 “Për shërbimin përmbarimor gjyqësor privat” është parashikuar qartësisht
mënyra e caktimit të masës së tarifave përmbarimore si edhe mënyra e pagesës së tyre.
Duke pasur në konsideratë faktin se detyra e përmbaruesit gjyqësor privat, sa i përket aspektit
procedural, është e njëjtë dhe e detyrueshme për t’u zbatuar nga të gjitha subjektet përmbaruese,
legjislatori ka vendosur tarifa të njëjta për çdo subjekt përmbarues, duke ndryshuar vetëm nga
lloji i detyrimit që ekzekutohet apo vlera e tij monetare.
Pra, përcaktimi i tarifës përmbarimore në një kornizë të përcaktueshme dhe të detyrueshme
ligjore për t’u zbatuar nga të gjithë përmbaruesit gjyqësorë privatë vendos një standard të lartë
garancie dhe pavarësie ekonomike për autoritetin publik të përmbaruesit, duke shmangur
çdo diskutim/marrëveshje ekonomike me kreditorin, çka do të dëmtonte rëndë procesin
përmbarimor.
Në vazhdimësi të parimit të garancisë ekonomike, legjislatori ka parashikuar në nenin 525 të
K.Pr.Civile se tarifa përmbarimore paguhet fillimisht nga kreditori i procesit dhe me përfundimin
e tij i ngarkohet debitorit. Parapagimi i tarifës përmbarimore detyrimisht e vendos përmbaruesin
gjyqësor në pozitat e zbatimit rigoroz të ligjit, si ndaj palës kreditore (e cila ka paguar dhe kërkon
përmbushjen e kërkesës, punën e kryer), por edhe ndaj palës debitore (pasi zvogëlon
maksimalisht mundësinë e kryerjes së veprimeve arbitrare për qëllime të ngushta ekonomike).
Arkëtimi i tarifës përmbarimore në fillim të procesit e bën të padiskutueshëm autoritetin ligjor të
përmbaruesit, për të cilin kanë nevojë të dyja palët, si kreditori ashtu edhe debitori. Një autoritet i
lëkundur apo vulnerabël ekonomikisht do të sillte si pasojë veprime të paligjshme përmbarimore
të kryera për përfitime dhe interesa të ngushta ekonomike.
Në kuadër të Kodit Global të Ekzekutimit të Detyruar
(si produkt i mundësisë ndërkombëtare të qeverisjes së mirë, parimeve të sigurisë juridike
transparencës, Shtetit të së Drejtës dhe të Drejtave të Njeriut)
Vullneti dhe dakordësia e perbashket e demokracive perendimore shprehet tek Kodi Global mbi
ekzekutimin e detyruar, “Global Code of Enforcement-May 2015” Pjesa I-parimet themelore,
neni 5 “Tarifat e ekzekutimit” i cili përcakton shprehimisht:
“Tarifat e shërbimit përmbarimor paguhen nga debitorët, por ato parapaguhen fillimisht nga
kreditorët, përveç rasteve përjashtimore të ligjit (veçanërisht për rastet e pagimit të detyrimeve
ushqimore për rritjen e fëmijëve). Në rastet kur debitorët janë insolvabël, kostot e tarifave
përballohen nga kreditorët.
Nëse gjykata vendos se kreditorët kanë abuzuar me të drejtën e tyre për të kërkuar ekzekutim
përmbarimor, ajo mund t’i detyrojë kreditorët të paguajnë jo vetëm tarifat përmbarimore, por
edhe humbjet e pësuara të debitorëve prej procesit përmbarimor.Shtetet duhet të sigurojnë që të
vendoset një sistem tarifash apo kostosh që paguhen për shërbimin e detyrueshëm përmbarimor
dhe këto tarifa duhet që të jenë fikse, të parashikuara, transparente dhe të arsyeshme”.
Ky parim, ashtu sikurse i gjithëKodi Global mbi Ekzekutimin e Detyrueshëm, po ratifikohet nga
të gjitha shtetet dhe anëtarësitë e UIHJ-së (Organizata Botërore e Funksionarëve Gjyqësorë),
anëtare e së cilës është edhe Shqipëria, me DHKPGJP-në.
Në kuadër të Planit të Propozuar të Masave (dhe efektit asgjesues të shërbimit të
përmbarimit gjyqësor)
Vendosja e tarifës së suksesit të përmbaruesit gjyqësor (e kombinuar me amendamente të
mundshme) tek ligji “Për shërbimin përmbarimor gjyqësor privat”, në vlerësimin e DHKPGJP-
së do të rezultonte shkatërrim tërësor për shërbimin përmbarimor gjyqësor privat në Republikën
e Shqipërisë.
Përcaktimi i tarifës përmbarimore, në formën e një tarife suksesi, do të krijonte fenomenin e
shitblerjes së autoritetit përmbarimor gjatë zhvillimit të procesit dhe nuk do të ekzistonte më
qetësia ekonomike, e cila krijon sigurinë ligjore për të kryer apo për të përfunduar me sukses
veprimet procedurale përmbarimore.
Mënyra e pagesës me tarifë suksesi është artikuluar në mënyrë të përsëritur edhe më parë nga
kreditori bankar i përfaqësuar nga Shoqata Shqiptare e Bankave (AAB).
Argumentet e prezantuara nga ky grup interesi, të cilat janë po ashtu edhe argumentimet e
lobuara të këtij materiali planveprues, nuk shkojnë më tej sesa shfaqja e një pragmatizmi të
drejtpërdrejtë dhe të ngushtë interesi, ku kërkohet të shmanget pagimi dhe investimi ekonomik
për punën e përmbaruesit gjyqësor privat, edhe pse kjo ngarkesë-pagesë në fund të procesit nuk
është e kreditorit, por e debitorëve.
Pra, kreditori nuk ka asnjë kosto në këtë proces, nëse ai zhvillohet ligjërisht në të gjitha fazat e
tij, pasi koston e bart vetë shkaktuesi i procesit, debitori. Këtu duhet theksuar fakti se ky grup
interesi (kreditori bankar), kryen një biznes të qartë fitimprurës, i cili (si çdo sipërmarrje),
sigurisht që parashikon risqet e veta që në krijimin e tij, aplikimin e kredidhënies, ndjekjen e saj,
por po kështu edhe insolvabilitetin e debitorëve nëse bëhet fjalë për një shërbim që kërkon
parapagimin tarifor, siç është edhe shërbimi përmbarimor privat apo shtetëror. Vetë “risku” i
insolvabilitetit të debitorëve është thjesht çështje e kredidhënies fillestare dhe e “skanimit” të
mangët të gjendjes së klientëve apo kredimarrësve fillestarë, nëse procesi përmbarimor
zhvillohet sipas ligjit.
Ligji ka parashikuar veprime të qarta për përmbaruesin gjyqësor, i cili kërkon sekuestron mbi
pasuritë e debitorëve dhe nëse ky proces rezulton pa sukses kur përmbushet i plotë me të gjithë
hapat ligjore, sigurisht që barra e kostos bie dhe duhet t’i mbetet kreditorit, ashtu sikurse barra e
punës që duhet kryer dhe i mbetet përmbaruesit gjyqësor.
Puna e kryer në një proces ligjor dhe korrekt përmbarimor s’mund të ekuivalentohet asnjëherë
me rezultatin e pritshëm dhe të dëshiruar nga kreditorët, pasi puna e kryer përmbarimore
sipas ligjit, hapave proceduralë dhe ushtrimit profesional të detyrës publike, nuk ka asnjë
lidhje me rezultatin final: ka sukses apo jo përmbushja e dëshirës së kreditorit.
Si shembull tipik janë me qindra raste të sotme të debitorëve që s’kanë asnjë pasuri të luajtshme
apo të paluajtshme, vlera monetare apo aktivitet tregtar, tek i cili përmbaruesi gjyqësor mund të
ushtrojë kompetencat e veta ligjore, duke sekuestruar asetet e tyre.
Përmbaruesit në këto raste kërkojnë, kryejnë me dhjetëra veprime shkresore, ligjore dhe praktike
dhe pavarësisht nga këto, nuk nxjerrin asnjë rezultat të pritur apo të dëshiruar nga kreditorët, për
shkaqe të pavarura nga puna e tyre, ku në shumicën e tyre, spikasin: kolateralet fiktive, debitorët
anonimë apo debitorët e larguar që nuk kanë asnjë pasuri.
Puna e përmbaruesit në të tilla raste, edhe pse e kryer me zell dhe ligjërisht, sipas nocionit “tarifë
suksesi”, do të duhej të mos paguhej fare, pasi ajo nuk solli produktin e pritshëm për kreditorët.
Por, tarifa përmbarimore në parim logjik dhe juridik s’mundet të jetë një tarifë që varet nga
kënaqësia e përmbushur e kreditorëve, por vetëm nga korrektesa e përmbushjes së detyrimeve të
përcaktuara dhe procedurale ligjore, të cilat për vetë faktin se vlerësohen aq të qarta dhe të
detyrueshme për t’u kryer, paguhen paraprakisht, e për pasojë bartin edhe pasoja penale e civile
për moskryerjen apo keqkryerjen e tyre nga përmbaruesi gjyqësor.
Ligji është i qartë në këtë drejtim: incentivat e përmbaruesit janë vetëm hapat e detyruar
proceduralë.
Të njëjtat argumente janë prezantuar edhe nga specialistët/konsulentët financiarë të Bankës
Botërore, të cilët përpiqen ta justifikojnë kthimin e tarifës përmbarimore në tarifë suksesi për të
nxitur (ndikuar) përmbaruesin gjyqësor që të veprojë më shpejt ndaj debitorit. Në fakt, ky
argument dhe kjo logjikë veprimi “minon” procesin e rregullt përmbarimor dhe hedh poshtë të
gjitha përpjekjet e legjislatorit për të krijuar pavarësinë ekonomike dhe garancinë ligjore të
përmbaruesit gjyqësor, si rrjedhojë e të cilave garantohet një proces i rregullt përmbarimor për
palën debitore.
Ndikimi që synon të vendoset tek përmbaruesit gjyqësorë nëpërmjet tarifës së suksesit, ka edhe
një rrezik të dukshëm po aq sa madhor: kjo do ta vendoste subjektin përmbarimor në “llogoren
sulmuese”, në të njëjtat pozita me kreditorin, përballë një debitori të dobët dhe tërësisht të
pambrojtur proceduralisht.
Ky është rasti të theksojmë se përmbaruesi gjyqësor nuk duhet të bëhet palë me kreditorin apo
me debitorin e procesit, sikurse mund të ndodhë lehtësisht nëse përmbaruesit do t’i mohohet, pa
fajin e tij, suksesi i arritur proceduralisht sipas ligjit, kur/nëse nuk do të paguhej për shkak të
paaftësisë paguese të debitorit.
Nëse përmbaruesi gjyqësor privat do të përpiqej njëkohësisht për të ekzekutuar paralelisht si
detyrimin e kreditorit, po aq sa për të arkëtuar “tarifën e suksesit”, atëherë nuk mund të flasim
më për garanci procedurale dhe zbatim të paanshëm të dispozitave ligjore.
Rastësi ose jo, ky propozim për ndryshimin e mënyrës së pagesës së shërbimit përmbarimor si
edhe propozimet e tjera bashkëngjitur tij vijnë dhe prezantohen nga specialistët e Bankës
Botërore nën emërtimin ose qëllimin madhor për ndikim dhe përmirësim në ulje të kredive me
probleme në Shqipëri. Në fakt, këto duket dhe janë të njëjta me propozimet e drejtpërdrejta dhe
të përsëritura të Shoqatës Shqiptare të Bankave (AAB), të kryera edhe më parë.
Sikurse edhe më parë, në vitin 2013, kur vetëm me nismën e AAB-së u kryen ndryshimet
drastike në K.Pr.Civile me justifikimin e “thjeshtimit të procedurave të ekzekutimit të
kolateralit”, duket se sërish, sot, AAB-ja kërkon të gjejë një “fajtor” për numrin e lartë të kredive
me probleme në vendin tonë (mbi 22%), megjithëse është pikërisht ky kreditor, i cili ka përfituar
më shumë nga shërbimi përmbarimor gjyqësor privat këto 5 vite.
Këtu duhet të përmendim dhe të theksojmë se ndryshimet e kryera në K.Pr.Civile me ligjin
122/2013 në më shumë se gjysmën e tyre kishin të bënin thjesht dhe vetëm me kufizimin e të
drejtave të debitorëve shqiptarë, duke specifikuar tekstualisht rastin e kreditorëve bankarë në
procesin përmbarimor.
E njëjta situatë paraqitet të jetë edhe në këtë rast, pasi në çdo propozim për amendim të
dispozitave të K.Pr.Civile, kërkohet dhe synohet që: ose të hiqen, ose të kufizohen të drejtat
e palëve debitorebrenda një procesi të ekzekutimit të detyrueshëm përmbarimor.
Pika 2.2
Rishikimi i nenit 609 i K.Pr.Civile
duke synuar:
- vendosjen e një afati parashkrimi (nga momenti i perfundimit te procedures ekzekutuese)
lidhur me te drejten e debitorit per te bere nje kerkese per pavlefshmeri
dhe/ose
- Heqjen esë drejtës për të kërkuar pavlefshmërinë e titullit ekzekutiv në rastin kur debitori
pretendon që detyrimi ekziston në një masë më të vogël, duke hequr nga paragrafi i parë
i nenit 609 shprehjen “ose ekziston në një masë më të vogël”. Ndërkohë, debitori duhet ta
pretendojë këtë të drejtë nëpërmjet një padie për shkaktim dëmi.
Është më se e dukshme dhe e qartë se:
Me anë të këtij propozimi, synohet të kushtëzohet e drejta e debitorit për të kundërshtuar për
shkaqe ligjore ekzistencën e detyrimit që rrjedh nga titulli ekzekutiv apo për të kërkuar
korrigjimin e vlerës së tij.
Një ndryshim i tillë do t’i hiqte debitorit çdo mundësi për t’u mbrojtur nga papërgjegjshmëria e
kreditorit në lëshimin e vërtetimit të detyrimit që rrjedh nga kontrata e kredisë bankare. Detyrimi
që rrjedh nga një titull ekzekutiv kontrate kredie bankare, nuk verifikohet nga një proces
gjyqësor themeli përpara nisjes së procedurës përmbarimore, por thjesht provohet në mënyrë të
njëanshme nga ana e vetë kreditorit. Ndaj, edhe mundësia e vetme që ka debitori për t’u mbrojtur
nga një detyrim i shtuar në vlerë apo kur nuk ekziston fare, duke disponuar mbi procesin
përmbarimor, shprehet vetëm në nenin 609 të K.Pr.Civile.
Pika 2.3
Rishikimii vazhdimësisë së procedimeve gjyqësore për rivlerësimin e kolateralit pas
përfundimit të ekzekutimit të tij.
Në K.Pr.Civile nuk jepet shprehimisht çfarë ndodh në një proces gjyqësor lidhur me
kundërshtimin e vlerësimit të kryer nga një ekspert i caktuar nga përmbaruesi gjyqësor, i cili
vazhdon, ndërkohë që ekzekutimi i kolateralit ka përfunduar. Ky është një shqetësim, i cili duhet
të merret në konsideratë për t’u rregulluar.
Kjo problematikë e prezantuar dhe e konstatuar me të drejtë sot/tani, nuk ka ekzistuar para vitit
2013, pasi kjo është rrjedhojë e drejtpërdrejtë e ndryshimit të bërë në nenin 610 të K.Pr.Civile,
me ligjin nr. 122/2013, kur vetëm për rastin e kredive bankare nëse gjykata vendos masën e
pezullimit të ekzekutimit, ajo ka një afat vlefshmërie vetëm për 20 ditë. Kalimi i afatit 20-
ditor e vendos në kolaps procedural përmbaruesin gjyqësor, pasi procedura përmbarimore
ecën, ndërkohë gjykata vijon hetimin gjyqësor brenda kohës së arsyeshme dhe nga e cila
(ose përgjatë saj) mund të rrjedhë një vlerë e ndryshme çmimi për sendin e sekuestruar, i
cili edhe mundet të jetë shitur...?!
Ky është një shembull konkret i “bumerangut juridik”, ku ndryshimet e pamenduara, të
paprofesionalizuara, të njëanshme dhe të imponuara nga një grup interesi apo interes i caktuar, u
votuan nga ligjvënësit, të cilët sot duhet të bëjnë prapë ndryshim.
Pra, sot është inevojshëm kthimi i vlefshmërisë së masës së sigurimit, e cila duhet të mbajë të
ngrira veprimet përmbarimore mbi sendin dhe të mos kryhen veprime, të cilat shkaktojnë pasoja
të pariparueshme për palët në proces (kreditor, përmbarues dhe debitor).
Pika 2.4
Rishikimi i nenit 511 i K.Pr.Civile. (Vendimi i lëshimit të urdhrit të ekzekutimit duhet të
përcaktojë që interesi kontraktor llogaritet nga data kur urdhri i ekzekutimit është lëshuar deri
në datën e plotësimit të detyrimit që përmban ky urdhër).
Një ndryshim i tillë do të ishte me vlerë dhe do t’i vinte në ndihmë procesit përmbarimor, vetëm
nëse gjykata do të detyrohej të përcaktonte llogaritjen e interesit si edhe duke treguar se cili
interes duhet të merret për bazë: interesi kontraktor apo ai ligjor.
Përpjekja e ndërmarrë me këtë propozim/ndryshim synon të bëjë fakt të kryer përllogaritjen e
interesave dhe kamatëvonesave të aplikuara rëndom nga kreditorët bankarë në mënyrë të
pandalshme dhe tejet të rënda për palët debitore. Të ashtuquajturat “vërtetime detyrimi” që
lëshohen nga kreditorët bankarë në mënyrë të pakontrolluar gjyqësore, shpeshherë janë bërë
pengesë për mbylljen dhe përfundimin e dosjeve përmbarimore. Rrjedhimisht, nga kjo praktikë e
ndjekur nga kreditorët debitorët kanë vetëm një mundësi për t’u mbrojtur, atë të ofruar nga neni
609 i K.Pr.Civile.
Pika 2.5
Kufizimi i të drejtës së kundërshtimit të veprimeve përmbarimore, për shkak të njoftimit të
çdo veprimi përmbarimor, si p.sh., njoftimi i lajmërimit për ekzekutim vullnetar.
E drejta e kundërshtimit të veprimeve përmbarimore e parashikuar nga neni 610 i K.Pr.Civile
është një e drejtë procedurale dhe lidhet drejtpërdrejt me subjektin përmbarimor, për sa i përket
zbatimit të ligjit dhe afateve nga ana e tij. Ky propozim i parashtruar duket tërësisht në cenim të
të drejtave themelore të debitorit, duke e ekspozuar këtë të fundit ndaj arbitraritetit apo gabimeve
procedurale që mund të shkaktohen nga subjekti përmbarues.
Pika 2.6
Çmimi në ankande. (Procesi i ankandit i ndjekur nga përmbaruesi duhet të marrë në
konsideratë çmimet referencë të përcaktuara nga autoritetet (si çmim dysheme p.sh.) dhe çmimi i
vlerësuar i kolateralit në momentin e lëvrimit të kredisë (si çmim tavan), duke hequr në këtë
mënyrë të drejtën e palëve për të kundërshtuar vendimin e përmbaruesit gjyqësor).
Përcaktimi i kufijve të çmimit të sendit apriori nga përmbaruesi gjyqësor do të cenonte rëndë të
drejtën e pronës që gëzon debitori mbi sendin e tij, të garantuar nga Kushtetuta e Republikës së
Shqipërisë.
Më qëllim që të garantohet e drejta e pronës në të gjitha elementet e saj, legjislatori ka
parashikuar se në rast të kryerjes së veprimeve ekzekutive përmbarimore mbi sendin e
sekuestruar debitorit, medoemos duhet të përcaktohet vlera që ky send ka në tregun e lirë në
momentin e sekuestrimit.
Paragjykimi që synohet të vendoset për vlerën maksimale të sendit e kushtëzon këtë vlerë në
mënyrë të njëanshme me çmimin e pranuar nga vetë kreditori në momentin e dhënies së kredisë
bankare, porse kjo vlerë nuk prezumohet të jetë e njëjtë pas disa vitesh.
Përveç shkaqeve të njëanshmërisë nuk duhet apo mundet të anashkalohet fakti i ndryshimeve që
pëson tregu i shitjes së pasurive të luajtshme apo të paluajtshme me ndryshimin e kontekstit
kohor, si edhe konsumimi i sendit ndërmjet/përgjatë viteve.
Propozimi për t’i hequr të drejtën e kundërshtimit të vlerës së sendit kreditorit sërish cenon rëndë
të drejtën e pronarit për të gëzuar (përfituar) sendin e tij. Ndaj, kjo ndërhyrje e propozuar për
nenin 564 të K.Pr.Civile është tërësisht e pavend dhe aspak ligjore, pasi krijon raporte
njëanshmërie të dukshme në barazimin e të drejtave midis palëve të procesit.
ANEKS 3 Një model suksesi nga rajoni dhe një qasje e izoluar nga realiteti
shqiptar
Sugjerime për zgjidhjen e situatës me “kreditë e këqija” / “Podgorica”, si model suksesi
nga rajoni dhe një qasje e izoluar nga realiteti shqiptar
Në rajon njihet fenomeni apo modeli Podgorica si një model suksesi për uljen e kredive tëkëqija
nga niveli 22% nënjë nivel prej17%. Ky model suksesi nuk i referohet në thelb ligjit të ri të
falimentit, por monitorimit të rreptë të bankave dhe konsensusit tëpërgjithshëm.
Konsensusi i përgjithshëmnënkuptonpjesëmarrjen e tëgjithë aktorëve tërëndësishëm që mund
dhe duhet të japin kontribut.
Tek materiali shpjegues bashkangjitur planit të veprimit citohet se: “baza e çdo sistemi ligjor
ështënjë ekzekutim eficent dhe i drejtë”.
Pra, edhe pse bankat e njohin rëndësinë primare të ekzekutimit, hartimi i plan-veprimit i lëjashtë
debatit përmbaruesitgjyqësorë. Me emërtesën “banka”nënkuptohet edhe ekspertiza e
konsulentëve të BankësBotërore.
Këtu vlen të theksohet: “Nuk mund të materializohet dhe kanalizohet nëmënyrën e duhur vullneti
politik nëseçështja mbetet të diskutohet dhe vendoset nga sistemi bankar, si i vetmi grup
interesi.
Kjo qasje kontradiktore nga ana e bankave është thelbi i pretendimeve të tyre tëdobëta,
periferike, të pabazuara dhe plot “non-sense”, por gjithsesi të rrezikshme dhe serioze në terma
të pasojave që mund të sjellin.
Ky plan-masash është nëkundërshtim total edhe tëidesë apo filozofisë tëpërcjellë nga shefi i
misionit të FMN-së nëShqipëri z. Nadeem Ilahi, i cili kundërshtoi izolimin e problemit
dhekërkimin e së keqes tek tëgjithë aktorët, jo vetëm tek ekzekutimi.
Qasja e izoluar e problemit jep zgjidhje të izoluar dhe fiktive ose thëne qartë e lë të pazgjidhur
problemin, por kësaj here me një kosto dhe barrë të rëndë në dëm të sistemit të ekzekutimit dhe
të të gjithë debitorëve si palë të procesit.
Modeli “Podgorica” orienton që monitorimi i rreptë i bankave është faktor suksesi dhe nëkëtë
drejtim masat për të cilat autoritetipërgjegjësështë Banka Qendrore janë të paorientuara
strategjikisht, në kuptim të:
Strategjisë sëpërcaktuar të kredive me probleme
Mungesës së objektivave operacionale
Eliminimit nëmënyrë sistematike dhe të organizuar të problemit, ku parësore do të duhet
të jetëkërkesa e bankave kupër çdo kredimarrës do të duhet të bëhet një analizë e kthimit
tëkredisë së tij, probabilitetit dhe mundësisë që kanë ato (kreditë) për t’u kthyer.
Në mungesë tënjë analize të tillë të detajuar, qëështëkërkesë e domosdoshme dhe detyrim për
bankat, problemi nuk mund t’i delegohet asnjë shkaku tjetër, aq më pak, përmbarimitgjyqësor.
Ligjet dhe rregulloret e trajtimit të kredive me probleme ishin në themel të adresimit dhe uljes
reale të të tyre, referuar modelit “Podgorica”, si shkaqe dhe alternativa tëvërteta rikuperimi.
Referuar këtij rasti kaq tëprekshëm dhe real adresimi,që i është bërë problemit tek materiali
shpjegues bashkangjitur planit të masave, tek 2 faktorë të cilët pretendohen të jenë: pengesat
ligjore ekzekutuese dhe direktivat e DhomësKombëtare.Kjo, tingëllon dhe rezulton epërciptë, e
pambështetur nga pikëpamja argumentuese ligjore dhe veçanërisht nga benefitet praktike që
mund të sjellë.
Ilustrimi me poshtë pranëvendos 2 modele qasjesh rreth problemit të “kredive tëkëqija”, qasja e
izoluar e sëcilës duke përsëriturvetëmpërmbaruesin, ekzekutimin si faktorështytës, kontraston
hapur dhe dukshem me qasjen e vërtete, reale, që konsiston në: një analizë nëtërësi dhe
kompleksitet faktorësh, nga ato me influencuesit (faktori specifik bankar) tek ato më pak
ndikuesit -duke qenë shumë larg sëvërtetës dhe duke sjellë mëpas dështimin e strategjive
tëpërpiluara sipas këtij modeli.
Qasje e plotë e problemit
- Faktorët makroekonomikë
- Faktorët specifikë bankarë
(Rritja e shpejtë e kreditimit, monitorimi i rreptë i bankave tregtare veçanërisht për dokumentacionin shoqërues të kredidhënies (bilancet e dyfishta dhe kolateraleve fiktiv), sistemi monitorues i riskut, interesat bankare,auditimi, cilësia e portofolit të kredive, përqendrimi i kredidhënies ne sektore specifike, mungesa e diversifikimit te portofolit, mungesa e trajnimit të punonjësve bankarë, analiza e kthimit të kredisë dhe planit të detajuar të kthimit të kredisë)
- Faktorët socialë, politikë, juridikë
- Pasojat e krizës financiare
Qasje e izoluar e problemit
Faktori juridik i ekzekutimit
Ekzekutimi i detyruar
Mungesa e incentivave të përmbaruesve privatë
Rregullimi i dobët i përmbaruesve privatë
Trajnimi i përmbaruesve privatë
Problematika lidhur me direktivat e Dhomës Kombëtare të përmbaruesve gjyqesorë privatë
Tiranë më 06.11.2015