Upload
others
View
3
Download
0
Embed Size (px)
Citation preview
Höfuðáverkar meðal íþróttamanna
Ragnar Hjörvar Hermannsson Sonja Dögg Jónsdóttir
Tryggvi Kaspersen
Lokaverkefni til BS-gráðu Sálfræðideild
Heilbrigðisvísindasvið
Höfuðáverkar meðal íþróttamanna
Ragnar Hjörvar Hermannsson Sonja Dögg Jónsdóttir
Tryggvi Kaspersen
Lokaverkefni til BS-gráðu í sálfræði
Leiðbeinandi: Guðmundur Bjarni Arnkelsson
Sálfræðideild
Heilbrigðisvísindasvið Háskóla Íslands Júní 2014
Ritgerð þessi er lokaverkefni til BS gráðu í sálfræði og er óheimilt að afrita ritgerðina á nokkurn hátt nema með leyfi rétthafa.
© Ragnar Hjörvar Hermannsson, Sonja Dögg Jónsdóttir og Tryggvi Kaspersen 2014
Prentun: Háskólaprent
Reykjavík, Ísland, 2014
3
Formáli
Þetta ritverk er hluti af BS - gráðu í sálfræði við Háskóla Íslands. Höfundar þessa
lokaverkefnis vilja þakka öllum sem hafa stutt okkur við gerð þess. Stuðningur fjölskyldu,
vina og samstarfsfélaga er órjúfanlegur þáttur stórrar ritsmíðar. Sérstakar þakkir fær
leiðbeinandinn okkar Guðmundur Bjarni Arnkelsson fyrir frábæra leiðsögn, hjálpsemi og
þolinmæði. Einnig þökkum við Hafrúnu Kristjánsdóttur, sviðstjóri íþróttasviðs við
Háskóla Reykjavíkur, fyrir nauðsynlega hjálp við öflun þátttakenda og góða ráðgjöf. Að
lokum viljum við þakka Jónasi Halldórssyni, sérfræðingur í klínískri taugasálfræði, fyrir
sitt sérfræðiálit auk Önnu Kristínu B. Jacobsen og Hönnu Valdísi Hallsdóttur fyrir góðann
grunn til að byggja okkar rannsókn á.
Ragnar Hjörvar Hermannsson, Sonja Dögg Jónsdóttir og Tryggvi Kaspersen
28. maí 2014
4
Heilaáverkar eiga sér stað þegar utanaðkomandi kraftar verka á heilann. Þeir geta
valdið breyttri heilastarfsemi eða skemmd í heilavef. Heilaáverkar hafa verið
rannsakaðir meðal almennings hérlendis en hafa lítið verið skoðaðir meðal
íþróttamanna. Í þessu rannsóknarverkefni var megintilgangurinn að öðlast frekari
upplýsinga um íþróttatengd höfuðhögg sem leiddu til heilaáverka. Við athuguðum
meðal annars tíðni og alvarleika höfuðhögga, hvort leikmaður hélt áfram í keppni
eða á æfingu og hvaða atburðarrás átti sér stað eftir höfuðhögg. Í þessari rannsókn
voru leikmenn fót-, hand- og körfubolta á Íslandi til athugunar.
Niðurstöður sýndu að um 40% boltaíþróttamanna hlaut höfuðhögg sem leiddi
til einkenna heilahristings eða alvarlegri einkenni heilaáverka. Þátttakendur hlutu
fleiri höfuðhögg að meðaltali en fyrri íslenskar rannsóknir á almenningi benda til.
Einnig gefa niðurstöður okkar til kynna að höfuðhögg meðal íþróttamanna eru ekki
eins alvarleg og hjá almenningi. Það gæti stafað af því að færri orsakavaldar
alvarlegra höfuðhögga eru ekki til staðar á íþróttavelli. Flest höfuðhögg þátttakenda
áttu sér stað á íþróttavelli, fleiri í keppni en á æfingu. Alvarlegri höfuðhögg gerðust
frekar í keppni, þrátt fyrir það héldu margir áfram, meðal annars vegna þrýstings frá
þjálfara eða öðrum þrýstingsvöldum.
5
Efnisyfirlit
Inngangur ......................................................................
Heilaáverkar ................................................................................................................... 6
Matstæki ........................................................................................................................ 7
Skammtímaafleiðingar ................................................................................................... 8
Langtímaafleiðingar ....................................................................................................... 9
Tíðni höfuðhögga .......................................................................................................... 9
Höfuðhögg í íþróttum .................................................................................................. 11
Þekking íþróttamanna á afleiðingum höfuðáverka ...................................................... 13
Áframhaldandi þátttaka eftir höfuðhögg ..................................................................... 14
Aðferð .............................................................................................................................
Þátttakendur ................................................................................................................ 16
Mælitæki ...................................................................................................................... 16
Framkvæmd ................................................................................................................. 17
Tölfræðileg úrvinnsla .................................................................................................. 18
Niðurstöður ....................................................................................................................
Aldur við höfuðhögg og tíðni þeirra ............................................................................ 20
Fjöldi höfuðhögga í boltaíþróttum .............................................................................. 22
Alvarleiki höfuðhögga ................................................................................................. 22
Áframhaldandi þátttaka eftir höfuðáverka .................................................................. 25
Atburðarrás eftir höfuðhögg........................................................................................
Umræða ..........................................................................................................................
Heimildir.........................................................................................................................
Viðauki 1.........................................................................................................................
Viðauki 2.........................................................................................................................
6
Íþróttamenn verða oft fyrir áverkum hvort sem það er í keppni, á æfingum eða á
áhugamannaleik. Við alvarlegan áverka leita flestir læknisaðstoðar en sumir áverkar eru
ekki alltaf sýnilegir og því getur reynst erfitt að bregðast skjótt við. Íþróttameiðsl af þeim
toga gætu verið skemmdir á innviðum líkamans og haft slæmar og langvarandi afleiðingar
í för með sér.
Heilaáverkar Heilinn er nauðsynlegur fyrir alla líkamsstarfsemi og því er mikilvægt að hann verði ekki
fyrir skemmdum (Carlson, 2011). Flestum er því umhugað um að fá ekki þungt höfuðhögg
sem í kjölfarið geta sett úr skorðum eðlilega heilastarfsemi. Þegar utanaðkomandi kraftar
verka á heilann geta þeir valdið breyttri heilastarfsemi eða skemmd í heilavef. Í þeim
tilfellum hefur einstaklingur hlotið heilaáverka (e. traumatic brain injury, TBI) (Ghajar,
2000).
Annars vegar eru til heilaáverkar sem orsakast vegna beittra aðskotahluta sem ná
til heilavefs í gegnum höfuðkúpuna. Hinsvegar er algengara að heilaáverki verði án þess
að nokkuð nái inn fyrir höfuðkúpuna (Halldórsson, 2013). Til síðarnefnda flokksins telst
algengasta form heilaáverka, heilahristingur (e. concussion). Þá sveiflast heilinn til og frá
í höfuðkúpunni við kröftugt högg (Erlanger og fl., 2003).
Algeng einkenni í kjölfar heilahristings eru svimi, ruglingur eða óráð, ógleði og
uppköst, svefnvandamál og hugræn skerðing. Önnur einkenni sem geta komið fram eru
vandamál með skynjun, talerfiðleikar, óvenjulegar skapsveiflur, blæðing í auga eða úr
eyra, doði í fingrum og tám og skert hreyfigeta (Erlanger og fl., 2003; Halldórsson, 2013).
Til þess að koma í veg fyrir að einkenni heilahristings versni er mikilvægt að fólk fái næga
hvíld og hugarró eftir höfuðhöggið. Oftast nær tekur það fullorðna sjö til tíu daga að jafna
7
sig af heilahristingi en það getur tekið lengri tíma hjá börnum og unglingum (McCrory
o.fl., 2012).
Í alvarlegri tilvikum geta komið fram langvarandi taugaskemmdir. Þessar
skemmdir koma þó ekki ávallt fram um leið og höfuðhöggið á sér stað heldur byggjast
þær upp og koma fram seinna (e. secondary brain injury). Helstu orsakavaldar annars stigs
heilaáverka eru heilabólgur (e. brain swelling) (Ghajar, 2000).
Þar sem afleiðingar heilaáverka eru ekki alltaf áberandi eru matstæki oft notuð til
þess að skera úr um hver skaðinn er. Einnig geta einkennin varað í mislangan tíma og haft
ólíkar birtingarmyndir, því eru heilaáverkar yfirleitt flokkaðir sem vægir, miðlungs eða
alvarlegir.
Matstæki Glasgow Coma Scale er matstæki heilaáverka og metur það hreyfigetu (e. motor
response), svörun (e. verbal response) og viðbragð augna (e. eye opening) á skala frá 3
upp í 15 stig (Ghajar, 2000; Halldórsson, 2013). Hærri stigafjöldi felur í sér vægari
heilaáverka en færri stig fela í sér alvarlegri áverka (Schretlen, 2003; Heegaard og Biros,
2007). Samhliða Glasgow Coma Scale er einnig miðað við hve lengi einstaklingurinn
hefur verið meðvitundarlaus (e. loss of consciousness) og hversu lengi hann missir minni
við höfuðhöggið (e. post traumatic amnesia) (Landlæknisembættið, 2002).
Sports concussion assessment tool er matstæki sem heilbrigðisstarfsmenn á
íþróttaleik geta notað þegar leikmenn hljóta höfuðhögg. Það samanstendur af Glasgow
coma scale, líkamsskoðun, jafnvægisprófi og spurningum um hugræna getu og líðan
leikmanns. Heilbrigðisstarfsmenn geta því stuðst við matstækið í ákvarðanatöku varðandi
áframhaldandi þátttöku leikmanns við íþróttaiðkun (McCrory o.fl., 2012; SCAT3, 2013).
8
Sneiðmyndataka er í sumum tilfellum notuð við alvarleikamat höfuðáverka. Sú
aðferð gefur ekki skýrt til kynna hvort að heilaáverki hafi einhvern tímann átt sér stað,
nema við alvarlegan áverka. Þess vegna er ekki alltaf hægt að aðgreina heilaáverka frá
öðru ástandi heilans á sneiðmynd (Corrigan og Bogner, 2007).
Þau ólíku einkenni sem geta komið fram í kjölfar höfuðhöggs geta varað í
mislangan tíma. Skammtímaeinkenni heilaáverka geta varað í nokkra daga eða mánuði
eftir höfuðhöggið en langtímaeinkenni vara lengur.
Skammtímaafleiðingar Skammtímaafleiðingar eru þau einkenni sem koma fram samdægurs og höfuðhögg á sér
stað. Ýmis viðmið eru notuð við mat á því hversu lengi skammtímaeinkenni vara eftir
höfuðhögg. Í þessu lokaverkefni er miðað við að skammtímaeinkennin vari ekki lengur en
í þrjá mánuði í senn en langtímaeinkenni vari lengur en þrjá mánuði.
Niðurstöður í íslensku BS-verkefni bentu til þess að eftir því sem alvarleiki
höfuðhöggs var meiri, því algengari voru ákveðin skammtímaeinkenni. Óalgeng einkenni
líkt og blæðing úr eyra, krampar og flog komu oftar fyrir í kjölfar alvarlegri heilaáverka
(Anna Kristín B. Jacobsen, 2014). Því gætu skammtímaeinkenni verið tengd fyrrnefndum
alvarleikastigum heilaáverka.
Rannsóknir á heilahristingi meðal íþróttamanna hafa leitt í ljós að höfuðverkur,
svimi, ruglingur, óráð og þokukennd sýn séu algengustu skammtímaeinkennin (Delaney,
Lacroix, Leclerc og Johnston, 2002; Guskiewicz, Weaver, Paclua og Garrett Jr., 2000).
Ýmsar aðrar rannsóknir hafa verið framkvæmdar á afleiðingum höfuðáverka hjá
íþróttamönnum og hafa þær leitt í ljós svipaðar niðurstöður (Erlanger og fl., 2003;
Meehan, d’Hemecourt og Comstock, 2010).
9
Langtímaafleiðingar
Algengustu viðmið fyrir tímalengd langtímaafleiðinga virðast vera nokkrum mánuðum
eða árum eftir að höfuðhögg á sér stað (Anna Kristín B. Jacobsen, 2014; Dikmen,
Machamer, Powell og Temkin, 2003; Ruttan, Martin, Liu, Colella og Green, 2008). Sumir hafa einkenni í marga mánuði en aðrir ævilangt. Yfir tímabilið getur orðið
mikill bati hjá einstaklingum á ýmsum einkennum (Anna Kristín B. Jacobsen, 2014;
Dikmen o.fl., 2003; Hoofien, Gilboa, Vakil og Donovick, 2001). Talið er að mesti batinn
eigi sér stað á 6 til 18 mánuðum eftir miðlungs alvarlega og alvarlega höfuðáverka en þar
eftir hægir á batanum en þó ná ekki allir fullum bata (Ruttan o.fl., 2008).
Höfuðáverki sem er metinn alvarlegur virðist vera tengdur erfiðleikum í ýmsum
daglegum verkum og taugavirkni seinna á ævinni. Skerðingin á sér stað meðal annars í
hugarstarfsemi, tómstundaiðju, velgengi á vinnustað og hreyfifærni þremur til fimm árum
eftir áverkann (Dikmen o.fl., 2003)
Oft eru langtímaeinkenni heilaáverka alvarlegri en skammtímaeinkennin því að í
mörgum tilfellum felast þau í skertri hugrænni getu til langs tíma (Anna Kristín B.
Jacobsen 2014; Schretlen og Shapiro, 2003). Líf einstaklinga eftir heilaáverka getur
gjörbreyst þar sem þeir gætu þurft á hjálp að halda við dagleg verk sem reyndust þeim
auðveld fyrir áverkann. Vegna þess hve alvarlegar afleiðingar höfuðáverkar hafa í för með
sér hafa margir rannsakendur kannað hversu algengir þeir eru meðal almennings ásamt
nýgengi, hversu mörg ný tilfelli eiga sér stað á ákveðnu tímabili.
Tíðni höfuðhögga Rannsókn á sjúkraskrám í Evrópu leiddi í ljós að nýgengi heilaáverka var 235 á hverja
100.000 íbúa (Tagliaferri, Compagnone, Korsic, Servadei og Kraus, 2006). Að sama skapi
sýndi austurrísk rannsókn fram á nýgengi upp á 303 á hverja 100.000 íbúa meðal
10
inniliggjandi, útskrifaðra, göngudeilda sjúklinga og látinna sjúklinga í Austurríki
(Mauritz, Brazinova, Majdan og Leitgeb, 2014). Nýgengi heilaáverka eftir landsvæðum
virðist vera mismunandi þar sem það er 344 á hverja 100.000 Asíubúa en 103 á hverja
100.000 Bandaríkjamenn (Tagliaferri o.fl., 2006).
Fyrrnefndar rannsóknir studdust við sjúkrasögu og virðast þær hafa færri tilfelli en
þær sem nota spurningalista við gagnasöfnun. Rannsókn þar sem stuðst var við
spurningalista leiddi í ljós að 61% þátttakenda höfðu hlotið heilaáverka (Setnik og
Bazarian, 2007). Til samanburðar hafa niðurstöður spurningalista íslenskrar rannsóknar
bent til hárrar tíðni. Tæplega helmingur þátttakenda, 19 ára og yngri, hafði orðið fyrir
heilaáverka og 7% greindu frá langtímaeinkennum sem uppfylla viðmið um miðlungs
hömlun (Halldórsson, 2013).
Það er þó enginn hægðarleikur að meta tíðni heilaáverka. Sá vandi orsakast eflaust
að hluta til vegna tilvistar og notkunar mismunandi matstækja við alvarleikamat
heilaáverka ásamt því að alvarleikastig heilaáverka eru ekki auðveldlega aðgreinanleg
(Frost, Farrer, Primosch og Hedges, 2012). Með notkun spurningalista við öflun gagna á
heilaáverkum gæti átt sér stað ofmat á tíðni heilaáverka. Spurningalistar reiða sig á minni
þátttakenda og gætu því leitt til ónákvæmari upplýsinga heldur en sjúkraskrár.
Fjöldinn allur af fólki fer ekki á sjúkrahús eftir höfuðhögg jafnvel þótt um þung
högg sé að ræða. Um 42% fólks sem hlotið hafa einkenni heilaáverka leita sér ekki
læknishjálpar í kjölfarið (Setnik og Bazarian, 2007). Það er því lítið vitað um algengi
heilaáverka meðal almennings vegna þess hvernig upplýsinga er aflað. Einnig hafa
rannsóknir á föngum og ungum fíkniefnaneytendum bent til þess að mikill fjöldi
höfuðhögga eða heilaáverka eru ekki tilkynnt (Corrigan og Bogner, 2007).
Til þess að öðlast frekari vitneskju um raunverulegan fjölda höfuðáverka meðal
almennings er hægt að leggja spurningalista fyrir úrtak og alhæfa um þýði út frá
11
niðurstöðum spurningalistans í stað þess eingöngu að telja skráð tilfelli í sjúkraskrám.
Slíkar rannsóknir hafa verið framkvæmdar hérlendis og einstaka erlendar rannsóknir en
aðallega er notast við upplýsingar úr sjúkraskrám (Anna Kristín B. Jacobsen, 2014;
Halldórsson, 2013; Setnik og Bazarian, 2007).
Það að fá höfuðáverka virðist auka líkurnar á því að fá annan (Guskiewicz o.fl.,
2003). Þetta gæti meðal annars stafað af kringumstæðum. Þeir sem hafa fengið
höfuðáverka eru oftar en ekki að stunda hættulegra athæfi en aðrir. Íþróttaiðkendur falla
vel í þann hóp og er íþróttaiðkun einn af helstu orsakavöldum heilaáverka í
Bandaríkjunum. Mikil óvissa ríkir um fjölda íþróttatengdra heilaáverka sökum fyrrnefndra
vanda við öflun upplýsinga um tíðni þeirra. Talið er að um 1,6 til 3,8 milljónir
Bandaríkjamanna hljóti heilaáverka vegna íþróttaiðkunar en sú tala gæti verið hærri
(Langolis, Rutland-Brown og Wald, 2006). Lítið sem ekkert er vitað um tíðni heilaáverka
meðal íslenskra íþróttamanna og því er þörf á að kanna það nánar.
Höfuðhögg í íþróttum Algengasta orsök heilaáverka meðal íþróttamanna er samstuð milli tveggja eða fleiri
leikmanna. Þeir sem stunda íþróttir sem krefjast mikils hraða, snerpu og þar sem möguleiki
er á hnefahöggum (e. punches), viðhöggum (e. blocks) og tæklingum (e. tackles) eru í
meiri hættu á að fá heilaáverka (Delaney o.fl., 2002; Herrera og Cooper, 2008).
Högg eða árekstrar í íþróttaiðkun geta valdið því að heilavefurinn skelli á hrjúft
innanvert yfirborð höfuðkúpunnar og skaddist. Annars vegar geta línulegir kraftar eða til
dæmis högg á framanvert höfuðið valdið því að höfuðið kippist snögglega aftur og síðan
fram. Hinsvegar getur heilaáverki orðið við snögga hringhreyfingu höfuðs þegar högg
stefnir ekki á miðás þess. Heilaáverkar vegna snúningskrafts eru taldir
alvarlegri. (Anderson, Heitger og Macleod, 2006; Cantu og Hyman, 2012).
12
Í keppnisíþróttum er oft mikið undir í leiknum og hart barist um sigur. Þar af
leiðandi er keppnisandinn mikill og íþróttamenn eru reiðubúnir til að grípa til róttækari
aðgerða en á æfingu. Meiðsli eru því töluvert algengari í keppnum heldur en á æfingum.
Heilaáverkar meðal bandarískra íþróttamanna í gagnfræðaskóla eru um tvisvar sinnum
fleiri í keppni en á æfingu (Meehan o.fl., 2010).
Þeir íþróttamenn sem líklegastir eru til að verða fyrir heilaáverkum eru meðal
annars fótboltamenn, íshokkíleikmenn og bardagaíþróttamenn (Delaney o.fl., 2002;
Herrera og Cooper, 2008). Út frá þessum rannsóknarniðurstöðum verður fótbolti sem og
handbolti og körfubolti til athugunar í þessu lokaverkefni. Þessar íþróttir eru jafnframt
með þeim fjölmennustu hérlendis (ÍSÍ, 2012).
Boltaíþróttirnar þrjár eru að mörgu leyti svipaðar íþróttir, þó gilda mismunandi
reglur innan þeirra. Töluvert meiri snerting er leyfð í handbolta en þar er ekki refsað fyrir
að nota hendur til þess að stöðva, umlykja eða grípa í mótherjann þó það sé óheimilt eins
og má sjá í leikreglum HSÍ nr. 8.2/2010. Í körfubolta eru slíkar snertingar óleyfilegar líkt
og stendur í reglum Alþjóðakörfuknattleiksambandsins grein 33/2012. Þegar leikreglur
fótbolta eru skoðaðar sést að leyfileg snerting er meiri en í körfubolta en aðeins minni
samanborið við handbolta. (Fiba, 2012; Fifa, (e.d.); Handknattleikssamband Íslands,
2010).
Orsakir vægra heilaáverka í fótbolta eru öðruvísi en í handbolta og körfubolta. Um
59,3% þeirra verða vegna þess að leikmenn skalla bolta. Rannsókn benti til að samstuð og
hnoð orsaki um þriðjung heilaáverka karlkyns fótboltaleikmanna. Á hverju
fótboltaleiktímabili í gagnfræðaskóla hljóta um 1 af hverjum 100 fótboltaleikmönnum
heilaáverka (Powell og Barber-Foss, 1999).
Í handbolta verða að meðaltali 1,5 meiðsl í hverjum leik á stórmóti (Langevoort,
Myklebust, Dvorak og Junge, 2007). Um 18% af heildarmeiðslum þýskra karlkyns
13
handboltaleikmanna voru höfuðmeiðsl en 15% meðal kvenna (Luig og Henke, 2010).
Höfuðmeiðsl leiða ekki ávallt til heilaáverka þar sem þeir skipuðu um 4% af
heildarmeiðslum karla og kvenna á sex handboltamótum á árunum 2001 til 2004
(Langevoort o.fl., 2007).
Meðal körfuboltaleikmanna á gagnfræðaskólastigi í Bandaríkjunum hljóta um 0,75
af hverjum 100 körlum heilaáverka en 1 af hverjum 100 meðal kvenna (Powell og Barber-
Foss, 1999). Gögn um heimsóknir á bráðamóttökur Bandaríkjanna á árunum 2001 til 2005
benda til þess að 2,4% af öllum meiðslum í áhugamannaleik, æfingu eða keppni
körfuboltaíþróttarinnar eru heilaáverkar (Gilchrist, Thomas, Wald og Langlois, 2007).
Heilaáverkar virðast því vera algengt vandamál íþróttaiðkenda erlendis.
Þekking íþróttamanna á afleiðingum höfuðáverka
Stundum tilkynna íþróttamenn ekki meiðsl þegar þau eiga sér stað. Á einu ári hlutu 62,7%
fótboltaleikmanna einkenni heilaáverka en einungis 19,8% þeirra áttuðu sig á því að þeir
hefðu hlotið einkennin (Delaney o.fl., 2002). Þar af leiðandi leita þeir sér ekki
læknishjálpar og því verður höfuðhöggið ekki skráð í sjúkrasögu. Fyrirlögn spurningalista
fyrir íþróttamenn gæti því leyst það vandamál sem felst í því að finna þann fjölda
heilaáverka sem eru ekki tilkynntir til heilbrigðisstofnana.
Það er því hægt að velta fyrir sér hvort að fræðsla um alvarlegar afleiðingar
höfuðáverka hafi skilað sér í gegnum tíðina. Rannsóknir á þekkingu almennings á
afleiðingum heilaáverka hafa sýnt fram á ranghugmyndir um málefnið. Um 42% fólks
álítur svo að annað högg sem kemur stuttu eftir það fyrra geti bætt úrvinnslu á minni.
Sömuleiðis telja tveir þriðju fólks að einungis sé hægt að komast að því hvort einstaklingur
hafi orðið fyrir heilaáverka með röntgen myndgreiningu (Guilmette og Paglia, 2004).
Einnig kom fram að um 60% þátttakenda töldu að einstaklingar sem fá alvarlegan
14
heilaáverka gætu að lokum snúið aftur í fyrri störf (Gouvier, Prestholdt og Warner 1988;
Willer, Johnson, Rempel og Linn, 1993).
Vanþekking á afleiðingum höfuðhöggs gæti að hluta til ollið því að íþróttamenn
og ábyrgðaraðilar keppnisíþrótta taki óupplýstar ákvarðanir varðandi áframhaldandi
þátttöku leikmanna í kjölfar höfuðhöggs. Íþróttamenn gætu tekið þá ákvörðun að halda
áfram í leik þrátt fyrir að hafa hlotið heilaáverka og einkenni sem honum fylgja sökum
ranghugmynda eða vanþekkingar um höfuðhögg. Einnig geta heilbrigðisstarfsmenn og
ábyrgðarmenn gefið rangar ráðleggingar varðandi áframhaldandi þátttöku í leik eða á
æfingu og þar af leiðandi leitt til þess að leikmaður fái ekki rétta meðferð eftir höfuðhöggið
(Cusimano, Chipman, Volpe og Donnelly, 2009).
Áframhaldandi þátttaka eftir höfuðhögg
Samhliða vanþekkingu á afleiðingum eða einkennum heilaáverka geta aðrar ástæður verið
að verki, svo sem hópþrýstingur liðsmanna eða annarra, keppnisskap og sú ímynd sem
leikmaður vill halda. Ljóst er að margir leikmenn fela íþróttameiðsl líkt og heilahristing
til þess að koma í veg fyrir að vera teknir út af leikvelli og missa hlutverk sitt í keppnisleik
(Ackery, Provvidenza og Tator, 2009; Cusimano o.fl., 2009). Á hinn bóginn geta
íþróttamenn talið að það sé hagstæðara fyrir sig sjálfa, velgengni liðsins og þeim sem er
umhugað um hans heilsu að hann hætti þátttöku við höfuðáverka. Þeir geta talið að
mikilvægara sé að viðhalda góðri heilsu til lengri tíma í stað þess að hljóta varanlegan
áverka sem verður þeim dragbítur í næstu keppnum. Meðvitaðir að það er ekki til góðs
fyrir þá að halda áfram ef meiðslin hafa áhrif á frammistöðu sína.
Því miður er vægi leiksins stundum hærra metin en heilbrigði leikmanns. Ýmsir
þættir geta stuðlað að þrýstingi til að halda áfram þátttöku í leik eftir höfuðhögg svo sem
þjálfari, liðsfélagar, fjölskylda og aðrir. Því er áhugavert að kanna hvað gerist í kjölfar
höfuðáverka íþróttamanns á leikvelli.
15
Margt getur haft áhrif á ákvörðunartöku leikmanns undir vissum kringumstæðum
og því óljóst hvort að sá hinn sami dragi sig í hlé í kjölfar höfuðhöggs. Líklegt er að það
fari eftir alvarleika höfuðhöggsins sem leikmaðurinn fær ásamt því hugarfari sem hann
hefur gagnvart þessu tiltekna höfuðhöggi. Leikmaður gæti því haldið áfram í mikilvægum
leik eftir að hafa hlotið höfuðhögg en við aðrar aðstæður farið af velli. Í efri deildum
boltaíþrótta gæti verið meira í húfi vegna hærri krafa eða fjárhæða á bak við hvern leik.
Því gætu þessir þættir stuðlað að aukinni áhættu á heilaáverkum meðal leikmanna í efri
deildum samanborið við leikmenn neðri deilda.
Lítið er vitað um tíðni heilaáverka meðal íþróttamanna á Íslandi. Því er þörf á
frekari rannsóknum á algengi heilaáverka meðal íþróttamanna hérlendis (Viðar
Guðjónsson, 2014). Þetta gæti opnað augu almennings, þeirra sem stunda íþróttir auk
annarra viðriðinna fyrir alvarleika heilaáverka. Þar með stuðlað að forvarnarstarfsemi og
vakið upp umræðu um efnið. Sömuleiðis myndu niðurstöður slíkra rannsókna gefa okkur
vísbendingar um hverjir áhættuþættir heilaáverka eru, við hvaða aðstæður heilaáverkar
eiga sér oftast stað svo hægt sé að að grípa inn í aðstæður til að fyrirbyggja höfuðmeiðsl
íþróttamanna og stuðla að almennri heilsu þeirra.
Markmið rannsóknarverkefnisins var að öðlast frekari upplýsinga um höfuðhögg
á íþróttavettvangi sem leiddu til heilaáverka. Til athugunar var alvarleiki höfuðhögga,
tíðni þeirra, hvort leikmaður hélt áfram í keppni eða á æfingu í kjölfar þess og hvaða
atburðarrás átti sér stað eftir höfuðhögg.
16
Aðferð
Þátttakendur Þátttakendur sem samþykktu þátttöku og kláruðu spurningalistann voru 319, sjá mynd 1
(aldursspönn var 18 til 35 ár, M = 23 ár). Hlutfall karla (49,5%) og kvenna (50,5%) var nánast
jafnt. Þátttakendur voru boltaíþróttamenn, sjálfboðaliðar, sem valdir voru með
hentugleikaúrtaki. Flestir þátttakendur (41%) voru að æfa handbolta þegar þeir svöruðu
spurningalistanum, þar á eftir fótboltamenn (28%) og loks körfuboltamenn (14%).
Alls voru 45 lið innan meistaraflokka boltaíþrótta sem voru hvött til þátttöku (28
karlalið og 17 kvennalið). Flest lið voru í handbolta (22), færri í körfubolta (12) og fótbolta
(11). A-landslið kvenna í fótbolta og handbolta voru einnig hvött til þátttöku. Þátttakendur í
öðrum keppnisíþróttagreinum voru útilokaðir frá frekari úrvinnslu vegna lítillar þátttöku.
345 (41,8%) byrjuðu ekki á
spurningalistanum
147 (30,1%) kláruðu ekki
allar spurningarnar
Um 17,4% boltaíþróttamenn
skoðuðu ekki spurningalistann
15 (5%) samþykktu ekki
þátttöku
Mynd 1. Flæðirit sem sýnir brottfall þátttakenda
Mælitæki Spurningalisti rannsóknarinnar var að hluta til byggður á eldri spurningarlista (Anna Kristín
B. Jacobsen, 2014; Halldórsson, 2013; Halldorsson o.fl., 2012). Núverandi spurningarlisti
svipar til þess fyrri en nú hafa spurningar um áhættusækni og almennar spurningar um
ferðamáta, ökupunkta, starf, menntun þátttakenda, menntun foreldra og búsetu verið
fjarlægðar. Spurningum um íþróttaiðkun og þrýsting eftir höfuðáverka var bætt við (sjá
viðauka 1).
17
Líklegt er að margir viti ekki hvað felst í einkennum heilaáverka. Þess vegna var spurt
um höfuðhögg og afleiðingar þeirra til þess að öðlast upplýsingar um heilaáverka sem höggin
gætu hafa valdið.
Í upphafi spurningarlistans eru þátttakendur spurðir um fæðingarár, hvort þeir hafi
hlotið höfuðhögg eða einkenni heilahristings og hversu mörg höfuðhögg þeir hafi hlotið um
ævina. Að hámarki getur hver þátttakandi svarað spurningum um sex alvarlegustu
höfuðhöggin að hans mati. Fyrirmæli spurningalistans benda þátttakendum á að veita fyrst
upplýsingar um alvarlegasta höfuðhöggið að þeirra mati.
Spurt er um þyngd hvers höfuðhöggs, hvort þátttakandi hafi missti meðvitund,
upplifði minnisleysi, hvar höggið átti sér stað og orsök þess. Einnig er spurt um hvort
þátttakandi hafi upplifað einhver einkenni samdægurs og hvort farið hafi verið með hann á
slysadeild.
Ef höfuðhögg á sér stað á íþróttavelli er spurt hvort það hafi átt sér stað í keppni eða á
æfingu. Í slíkum tilfellum er þátttakandi spurður um viðkomandi íþrótt. Því næst er spurt um
áframhaldandi þátttöku í íþróttinni eftir höfuðhöggið, hvort ábyrgðarmenn beittu þrýstingi til
áframhaldandi þátttöku og hver viðbrögð þeirra voru við höfuðhögginu.
Þegar spurningum um öll höfuðhögg hefur verið svarað er spurt um
langtímaafleiðingar þeirra. Spurningarnar skiptast upp eftir einkennum og dæmi um þau eru
verkir, viðvarandi sýnileg merki, taugafræðileg einkenni, hreyfifærni og langvarandi hugrænir
erfiðleikar. Að lokum eru þrjár almennar spurningar um kyn og íþróttaiðkun.
Framkvæmd Spurningalistinn var á rafrænu formi og saminn á vefsíðunni www.questionpro.com. Hafrún
Kristjánsdóttir, sviðsstjóri íþróttasviðs við Háskóla Reykjavíkur, hafði umsjón með öflun
þátttakenda boltaíþrótta. Tengiliðir innan hverrar íþróttagreinar voru beðnir að deila vefslóð
spurningalistans á samskiptasíður keppnisliða í boltaíþróttum (sjá viðauka 2). Hvatt var til
18
þátttöku hvort sem fólk hafði hlotið höfuðhögg eða ekki. Áætlaður heildarfjöldi íþróttamanna
á samskiptasíðum var um 1000 manns.
Tölfræðileg úrvinnsla
Fjórir þátttakendur sem aldrei höfðu æft boltaíþróttir af neinu tagi voru útilokaðir frá frekari
úrvinnslu. Til viðbótar var útilokaður þátttakandi sem taldi sig hafa fengið fleiri en 100
höfuðhögg um ævina. Undirritaðir telja að ólíklegt sé að sá aðili hafi hlotið hundrað
höfuðhögg sem leiddu til heilahristings. Mögulega hefur sá þátttakandi misskilið spurninguna
eða ekki lesið hana til fulls. Einnig voru 43 þátttakendur útilokaðir sem vissu ekki hversu
mörg höfuðhögg þeir höfðu hlotið. Í heildina voru 48 þátttakendur útilokaðir frá frekari
úrvinnslu. Öll úrvinnsla fór fram á gagnasafni II nema annað sé tekið fram, sjá mynd 2.
Við flokkun alvarleika hvers höfuðhöggs var tekið mið af tímalengd
meðvitundarleysis og minnisleysis í kjölfar höfuðhöggs. Alvarleikastigin eru smávægileg (e.
minimal), væg (e. mild), miðlungs (e. moderate) og alvarleg (e. severe). Í kjölfar smávægilegra
höfuðhögga er ekkert meðvitundarleysi eða minnisleysi. Flokkunarkerfið byggist á
matstækinu “Head injury severity scale” sem felst meðal annars í stigafjölda í fyrrnefndu
matstæki Glasgow Coma scale, tímalengd meðvitundarleysis og minnisleysis (Halldórsson,
2013; Åstrand og Romner, 2012).
Við tölfræðilega úrvinnslu og gerð mynda var notað tölfræðiforritið SPSS, Statistical
Package for the Social Sciences, og töflureikninn Microsoft Excel.
19
131 þátttakendur fengu höfuðhögg einhverntíman um
ævina
188 (58,9%) þátttakendur sögðust
ekki hafa fengið höfuðhögg um ævina
319 þátttakendur samþykktu þátttöku
og kláruðu spurningalistann
88 vissu hversu mörg höfuðhögg þeir höfðu hlotið
43 (32,8%) vissu ekki hversu
mörg höfuðhögg þeir höfðu hlotið
83 voru að æfa eða höfðu æft boltaíþrótt
Fjórir voru ekki að æfa eða höfðu aldrei æft
boltaíþrótt ásamt einum þátttakanda með
afbrigðilegan fjölda höfuðhögga um ævina
113 (40%) hlutu höfuðhögg
einhverntíman um ævina
169 þátttakendur sögðust ekki hafa
fengið höfuðhögg um ævina
282 voru að æfa boltaíþrótt þegar
þeir svöruðu spurningunum
37 (11,6%) voru ekki að æfa
boltaíþrótt þegar þeir svöruðu
spurningunum
Gagnasafn I
Gagnasafn II
Mynd 2. Flæðirit sem sýnir gagnasafn I og II
20
Niðurstöður
Tæplega helmingur þátttakenda sem voru að æfa boltaíþrótt þegar þeir svöruðu
spurningalistanum höfðu hlotið höfuðhögg sem leiddu til einkenna heilahristings eða
alvarlegri einkenni heilaáverka (sjá gagnasafn I á mynd ). Af þeim höfðu tæplega
helmingur handboltaiðkenda hlotið höfuðhögg, sjá töflu 1. Færri hlutu höfuðhögg meðal
fótboltaiðkenda og álíka margir körfuboltaiðkendur. Niðurstöður eru í samræmi við það
að meiri snerting er leyfð í handbolta en í hinum íþróttunum.
Tafla 1. Hlutfall boltaíþróttamanna sem hafa hlotið heilaáverka
Íþrótt % N 95% CIHandbolti 48,5 132 39,6-57,3%Fótbolti 35,6 90 21,6-49,6%Körfubolti 29,5 44 6,4-52,6%Fótbolti og önnur boltaíþrótt 25,0 16 0-68,8%Samtals 40,0 282 32,9-47,2%
Héðan af verður unnið úr gagnasafni II, sjá mynd .
Aldur við höfuðhögg og tíðni þeirra
Unglingsaldurinn og upphaf þrítugsaldurs virðist vera það tímabil sem algengast er að fá
höfuðhögg. Meirihluti höfuðhögganna eiga sér stað á aldursbilinu 15 til 20 ára, sjá mynd
3. Niðurstöður okkar benda til þess að fá höfuðhögg atvikast á öðrum tímabilum ævinnar.
Annars vegar gæti það orsakast af því að þátttakendur láta ekki í té öll höfuðhögg vegna
gleymsku. Hinsvegar gæti það verið vegna þess að að þátttakendur hafi ekki náð vissum
aldri. Fyrri rannsóknir hérlendis benda til að tíðni höfuðhögga á þessum aldursbilum sé
meiri (Anna Kristín B. Jacobsen, 2014; Halldorsson, 2012). Rannsókn okkar gæti því
verið að vanmeta tíðni höfuðáverka meðal íþróttamanna á Íslandi.
21
Mynd 3. Stuðlarit sem sýnir fjölda höfuðhögga við þann aldur sem þau áttu sér stað
Flestir þátttakendur hlutu eitt höfuðhögg (47%) en færri hlutu tvö höfuðhögg
(24%), sjá mynd 4. Rúmlega helmingur (53%) þátttakenda hljóta fleiri en eitt höfuðhögg
sem er töluvert meira en fyrri rannsóknir gefa til kynna. Meðalfjöldi höfuðhögga hjá
þátttakendum var 2,2 högg um ævina sem er töluvert hærra en í almennu þýði. Það bendir
til þess að íþróttamenn hljóti fleiri höfuðhögg en almenningur (Anna Kristín B. Jacobsen,
2014; Halldórsson, 2013).
Mynd 4. Dreifing höfuðhögga meðal þátttakenda
0
5
10
15
20
25
0 5 10 15 20 25 30 35
Fjöl
di h
öfuð
högg
a
Aldur þátttakenda
0
10
20
30
40
1 2 3 4 5 6 Fleiri
Fjöl
di þ
áttta
kend
a
Fjöldi höfuðhögga um ævina
22
Fjöldi höfuðhögga í boltaíþróttum Flest höfuðhögg þátttakenda áttu sér stað á íþróttavelli. Við handbolta- og fótboltaiðkun
atvikuðust álíka mörg höfuðhögg. Í körfubolta áttu sér stað töluvert færri.
Mun fleiri högg áttu sér stað í keppnum boltaíþróttanna (76) samanborið við á
æfingum (30), sjá mynd 5. Mesti munurinn var í fótbolta (14,3% á æfingu) en minni mun
má sjá í handbolta (37,0% á æfingu) og körfubolta (38,9% á æfingu). Mögulega stafar
hlutfallslegur munur á fjölda höfuðhögga í keppni og á æfingu af áhættuhegðun
leikmanna. Í handbolta er snerting milli leikmanna órjúfanlegur þáttur af íþróttinni og því
ekki mikill munur á höfuðáverkum í keppni eða á æfingu. Annað gildir um fótbolta þar
sem snerting hefur ekki eins mikið vægi.
Mynd 5. Fjöldi höfuðhögga í íþróttagrein eftir æfingu eða keppni
Alvarleiki höfuðhögga Algengast var að höfuðhögg voru smávægileg, sjá töflu 2. Niðurstöður okkar benda til
þess að smávægileg höfuðhögg eru hlutfallslega fleiri meðal íþróttamanna hérlendis
samanborið við almenning (Anna Kristín B. Jacobsen 2014; Halldórsson, 2013). Það gæti
stafað af því að íþróttavettvangur sé umhverfi án þekktra áhættuþátta fyrir alvarlega
heilaáverka líkt og ökutæki (Halldorsson o.fl., 2012).
0
10
20
30
40
Handbolti Fótbolti Körfubolti Aðraríþróttir
Fjöl
di h
öfuð
högg
a
Á æfinguÍ keppni
23
Tafla 2. Tíðni höfuðhögga innan alvarleikaflokka
Alvarleikastig % N Smávægilegt 64,5 107 Vægt 27,7 46 Miðlungs 6,6 11 Alvarlegt 0,6 1 Vill ekki svara 0,6 1 Samtals 100 166
Smávægileg og væg höfuðhögg voru algengust í öllum boltaíþróttum, sjá töflu 3.
Höfuðhögg í handbolta og fótbolta eru álíka alvarleg. Þar sem þátttakendafjöldi í
körfubolta er lítill, gæti verið að rétt mynd af dreifingu alvarleikastigs komi ekki í ljós.
Tafla 3. Tíðni höfuðhögga í íþrótt eftir alvarleikastigi
Íþrótt Alvarleikastig Handbolti Fótbolti Körfubolti Smávægilegt 29 26 17 Vægt 15 12 1 Miðlungs 2 3 0 Alvarlegt 0 1 0 Samtals 46 42 18
Fjöldi skammtímaeinkenna í kjölfar höfuðhöggs gefur upplýsingar um alvarleika
höfuðhögga. Skammtímaeinkenni boltaíþróttanna voru álíka mörg og sömu fjögur
einkenni voru algengust innan íþróttanna, sjá töflu 4. Þetta gæti bent til þess að álíka
heilaáverkar áttu sér stað í íþróttunum. Skyntruflanir innan fótbolta voru þó töluvert
algengari en í hinum íþróttunum. Langtímaeinkenni voru til staðar hjá sjö þátttakendum
(8,4%).
24
Tafla
4. T
íðni
skam
mtím
aein
kenn
a se
m fy
lgja
höf
uðhö
ggum
bol
taíþ
rótta
man
na
Skam
mtím
aein
kenn
i H
andb
olti
%
Fótb
olti
%
Kör
fubo
lti
%
Höf
uðve
rkur
(sem
byr
jaði
inna
n 24
tím
a fr
á hö
fuðh
öggi
) 31
67
,4
32
76,2
11
61
,1
Svim
i eða
sker
t jaf
nvæ
giss
kyn
28
60,9
32
76
,2
11
61,1
M
ikil
þrey
ta
24
52,2
23
54
,8
8 44
,4
Ógl
eði e
ða u
ppkö
st
17
37,0
18
42
,9
9 50
,0
Rug
lingu
r eða
órá
ð 11
23
,9
13
31,0
3
16,7
M
inni
s- e
ða e
inbe
iting
arer
fiðle
ikar
9 19
,6
14
33,3
4
22,2
A
ukið
næ
mi f
yrir
skæ
ru lj
ósi e
ða h
ljóði
9
19,6
9
21,4
2
11,1
G
lóða
raug
a eð
a bl
æði
ng í
auga
6
13,0
9
21,4
2
11,1
Sk
yntru
flani
r 5
10,9
16
38
,1
0 0
Erfið
leik
ar m
eð a
ð ta
la sk
ýrt
3 6,
5 3
7,1
1 5,
6 D
oði í
fing
rum
eða
tám
3
6,5
2 4,
8 0
0 V
eit e
kki
2 4,
3 0
0 0
0 En
gin
eink
enni
2
4,3
1 2,
4 1
5,6
Óve
njul
egar
skap
svei
flur
1 2,
2 1
2,4
0 0
Hre
yfig
eta
og m
eðvi
tund
fóru
min
nkan
di e
ftir þ
ví se
m le
ið
1 2,
2 1
2,4
0 0
Önn
ur e
inke
nni
1 2,
2 0
0 0
0 K
ram
par e
ða fl
og
0 0
1 2,
4 0
0 B
læði
ng ú
r eyr
a 0
0 0
0 0
0 M
eðal
fjöld
i ein
kenn
a á
höfu
ðhög
g 3,
2 -
4,1
- 2,
8 -
Hei
ldar
fjöld
i höf
uðhö
gga
inna
n íþ
rótta
grei
nar
46
- 42
-
18
-
25
Eins og áður hefur komið fram áttu sér stað fleiri höfuðhögg í keppni en á æfingu.
Hlutfallslega áttu sér stað fleiri væg höfuðhögg (83%) í keppni heldur en smávægileg
(65%), sjá töflu 5. Þessar niðurstöður benda til þess að alvarlegustu höfuðhöggin verða í
keppnum en ekki á æfingum.
Tafla 5. Alvarleikastig höfuðhögga á æfingu og í keppni
Alvarleikastig Smávægilegt Vægt Miðlungs Alvarlegt Keppni 50 25 3 1 Æfing 27 5 2 0 Samtals 77 30 5 1
Tæplega helmingur þátttakenda voru frá keppni eða æfingu í kjölfar höfuðhöggs.
Alvarleikastig höfuðhögga virðist vera tengt fjarveru leikmanns frá keppni og æfingu. Við
alvarlegustu höfuðhöggin var um fjórðungur boltaíþróttamanna ekki fjarverandi frá
keppni eða æfingum. Hlutfallslega voru fleiri tilvik (38%) þar sem þátttakandi var
fjarverandi í eina til tvær vikur við alvarlegustu höfuðhöggin.
Aðsókn í heilbrigðisþjónustu jókst með auknu alvarleikastigi höfuðhöggs.
Samhliða varð heilbrigðisþjónustan sérhæfðari. Við rúmlega helming höfuðhögga var
ekki farið á bráðadeild eða heilsugæslu. Þátttakendur fóru í skoðun eða lítilsháttar
aðhlynningu eftir 60 (36%) atvik, við 14 atvik var farið á sjúkradeild eða gjörgæslu.
Hlutfallslega voru sjúkrahúsheimsóknir helmingi færri í kjölfar smávægilegra höfuðhögga
(34%) heldur en vægra (68%).
Áframhaldandi þátttaka eftir höfuðáverka Þegar alvarleiki höfuðhöggs jókst þá hækkuðu hlutfallslega þau tilvik sem íþróttamaður
hættir í æfingu eða keppni, sjá mynd 6. Við smávægileg höfuðhögg er algengara að
íþróttamenn héldu áfram í keppni eða á æfingu (61%) en við væg höfuðhögg (50%).
26
Mynd 6. Súlurit sem sýnir tíðni fyrir áframhaldandi þátttöku í keppni eða á æfingu eftir alvarleika höfuðhöggs
Tilvik áframhaldandi þátttöku voru fleiri í keppni heldur en á æfingu, sjá töflu 6.
Hlutfallslega voru fleiri tilvik þar sem hætt var þátttöku eftir höfuðhögg á æfingu heldur
en í keppni.
Tafla 6. Áframhaldandi þátttaka í keppni eða á æfingu í kjölfar höfuðhöggs
% % N Áframhaldandi þátttaka í keppni 60,5 - 46 Hætt þátttöku í keppni 39,5 - 30 Áframhaldandi þátttaka á æfingu - 46,4 13 Hætt þátttöku á æfingu - 53,6 15 Samtals 100 100 104
Meðal íþróttamanna meistaraflokks voru jafn mörg tilvik þar sem þeir hættu eða
héldu áfram í keppni eða á æfingu. Í öðrum flokkum var algengara að halda áfram keppni
eða æfingu (63%), sjá mynd 7.
0
10
20
30
40
50
Fjöl
di ti
lvik
a
Alvarleikastig höfuðhöggs
Hélt áframHætti
27
Mynd 7. Fjöldi tilfella sem þátttakandi innan og utan meistaraflokks hélt áfram eða hætti í kjölfar höfuðhöggs
Atburðarrás eftir höfuðhögg
Í 11 tilvikum (10,4%) fannst íþróttamanni hann verða fyrir þrýstingi til að halda áfram í
leik eða æfingu eftir höfuðhögg, sjá töflu 7.
Tafla 7. Fjöldi tilvika þar sem þrýstingur til að halda áfram var til staðar eftir höfuðhögg
Þrýstingur % NJá 10,4 11Nei 79,2 84Veit ekki 9,4 10Vil ekki svara 0,9 1Samtals 100 106
Algengast var að mikilvægi leiks olli þrýstingi til að halda áfram leik eða æfingu
eftir höfuðhögg, sjá töflu 8. Þjálfari var næst algengasti þrýstingsvaldurinn. Aðrir
ábyrgðarmenn virðast hafa lítil áhrif á þátttakendur sem urðu varir við þrýsting. Þessar
niðurstöður benda til þess að fleiri en einn orsakavaldur stuðlar að þrýstingi til að halda
áfram í keppni eða á æfingu.
0
5
10
15
20
25
30
35
Hélt áfram Hætti
Fjöl
di h
öfuð
högg
a
Viðbrögð þátttakanda
Í meistaraflokki
Utan meistaraflokks
28
Tafla 8. Tíðni tilvika þar sem aðilar eða kringumstæður skapa þrýsting
Orsakavaldur þrýstings%
Tilvik þar sem orsakavaldur á vel
við eða mjög vel viðMikilvægi leiks eða æfingar 82,0 9Þjálfari 72,7 8Liðsfélagi 36,4 4Foreldri 36,4 4Liðslæknir 18,2 2Sjúkraþjálfari 18,2 2Aðrir 18,2 2Andstæðingur 9,1 1Dómari 9,1 1N - 11
Spurning um líðan var algengasta viðbragð í kjölfar höfuðhöggs, sjá töflu 9. Það
gefur vísbendingu um að heilsa leikmanns sé í fyrirrúmi. Á hinn bóginn voru tilvik þar
sem heilsa leikmanns var ekki höfð í forgangi, lítið var gert úr höfuðáverka ásamt
hvatningu til áframhaldandi þátttöku.
Tafla 9. Skilaboð til þátttakenda eða viðbrögð annarra eftir höfuðhögg
Atvik í kjölfar höfuðhöggs % NSpurð/ur um mína líðan 70,8 75Gert mikið úr höfuðáverkanum 21,7 23Hvattur til að halda áfram 12,3 13Engin sérstök skilaboð 9,4 10Mikilvægi leiksins var haft í forgangi 7,5 8Sagt að harka það af mér 7,5 8Gert lítið úr höfuðáverkanum 5,7 6
Alvarleikastig höfuðhöggs getur útskýrt atburðarás sem á sér stað eftir höfuðhögg.
Algengasta viðbragð annarra í kjölfar höfuðhöggs, óháð alvarleikaflokkun þess, var að
spyrja um líðan leikmanns, sjá töflu 10. Hvatning til áframhaldandi þátttöku var meiri
þegar höfuðhöggin voru vægari. Vert er að nefna að í tilvikum vægra og
miðlungsalvarlegra höfuðhögga þá fannst þátttakendum að mikið hafi verið gert úr
29
áverkanum. Mögulega endurspeglaði þetta vanþekkingu á alvarleika heilaáverka og að
upplifun þeirra á áverkanum gat verið brengluð.
Tafla 0. Skilaboð eða viðbrögð annarra í kjölfar höfuðhöggs eftir alvarleikastigi þeirra
AlvarleikastigAtvik í kjölfar höfuðhöggs Smávægilegt Vægt Miðlungs AlvarlegtSpurður um mína líðan 48 22 3 1Gert mikið úr höfuðáverkanum 15 7 1 0Hvattur til að halda áfram 9 4 0 0Engin sérstök skilaboð 7 3 0 0Mikilvægi leiksins var haft í forgangi 7 1 0 0Sagt að harka það af mér 6 1 1 0Gert lítið úr höfuðáverkanum 3 3 0 0Man ekki 3 1 0 0
30
Umræða
Á síðustu árum hafa nokkrar rannsóknir hér á landi skoðað tíðni höfuðáverka meðal
almennings (Anna Kristín B. Jacobsen, 2014; Halldórsson, 2013). Þó hafa engar
rannsóknir skoðað sérstaklega tíðni meðal íþróttamanna. Megintilgangur rannsóknarinnar
var að öðlast frekari upplýsinga um íþróttatengd höfuðhögg sem leiddu til heilaáverka.
Við athuguðum meðal annars alvarleika höfuðhögga, hvort leikmaður hélt áfram í keppni
eða á æfingu og hvaða atburðarrás átti sér stað eftir höfuðhögg.
Niðurstöður okkar sýna að tæplega helmingur (40%) þátttakenda hlaut höfuðhögg
sem leiddi til einkenna heilahristings eða alvarlegri heilaáverka. Sú niðurstaða er í
ósamræmi við aðrar rannsóknir sem benda til þess íþróttamenn eru í meiri áhættu að fá
höfuðhögg en aðrir (Delaney o.fl., 2002; Herrera og Cooper, 2008; Langlois, Rutland-
Brown og Wald, 2006). Fyrrum rannsóknir hérlendis sem notast við spurningalista gefa
til kynna að höfuðáverkar meðal almennings eru hlutfallslega fleiri en niðurstöður okkar
á boltaíþróttamönnum benda til (Anna Kristín B. Jacobsen, 2014; Halldórsson, 2013). Við
gagnaúrvinnslu hefðu rannsakendur mögulega átt að taka mið af þeim þátttakendum sem
kláruðu ekki spurningalistann. Hlutfall þátttakenda sem fengu höfuðhögg um ævina hefði
hækkað talsvert við slíka úrvinnslu.
Hæsta hlutfall höfuðhögga var meðal handboltaiðkenda, tæplega helmingur þeirra
hafði hlotið höfuðhögg sem leiddi til heilaáverka. Rúmlega þriðjungur fótboltaiðkenda
hafði hlotið höfuðhögg en aðeins færri meðal körfuboltaiðkenda. Hjá þessum
íþróttaiðkendum átti meirihluti höfuðhögga sér stað á íþróttavelli og áttu flest sér stað í
handbolta, örlítið færri í fótbolta og fæst í körfubolta. Erlendar rannsóknir hafa sýnt að
íþróttir sem krefjast mikillar snerpu og snertingar á milli leikmanna geta leitt til
höfuðáverka (Essential Sports Medicine, 2008; Delaney o.fl., 2002) Meðal boltaíþróttanna
31
er mesta snerting leyfð í handbolta og gæti valdið auknu samstuði milli leikmanna (Fiba,
2012; Fifa, (e.d.); Handknattleikssamband Íslands, 2010). Það var því áætlað að handbolti
myndi leiða til flestra höfuðhögga. Þótt það hafi verið hlutfallslegur munur milli
boltaíþróttiðkenda sem hlutu höfuðhögg þá er ekki hægt að álykta um hvort önnur íþrótt
sé hættulegri en hin sökum þess að niðurstöður gætu hafa stafað af hreinni tilviljun.
Flest höfuðhögg áttu sér stað á aldrinum 15 til 20 ára en færri á öðrum tímabilum
ævinnar. Það samræmist ekki fyrrum rannsóknum hérlendis (Anna Kristín B. Jacobsen,
2014; Halldorsson, 2012). Í fyrsta lagi gæti það bent til þess að þátttakendur séu að gleyma
höfuðhöggum fyrr á ævinni. Í öðru lagi gæti það stafað af því að þátttakendur hafa ekki
náð tilteknum aldri.
Rúmlega helmingur þátttakenda hlaut tvö eða fleiri höfuðhögg sem er hærra
hlutfall en aðrar fyrrnefndar innlendar rannsóknir benda til (Anna Kristín B. Jacobsen,
2014; Halldórsson, 2013). Þetta bendir til þess að boltaíþróttamenn hljóta að meðaltali
fleiri höfuðhögg heldur en almenningur. Ástæðan fyrir því gæti verið vegna aukinna líka
leikmanna að lenda í samstuði eða árekstri við annan leikmann eða reka höfuð í leikmuni.
Í boltaíþróttum áttu sér stað töluvert fleiri höfuðhögg í keppni en á æfingum og
rennir það stoðum undir niðurstöður Meehans (2010). Við keppni eru leikmenn reiðubúnir
til að grípa til aukinnar áhættuhegðunar því það er meira undir í keppni en á æfingu.
Hlutfall höfuðhögga í keppni samanborið við á æfingum var þó töluvert hærra innan
fótbolta samanborið við hand- og körfubolta. Líkt og áður hefur verið nefnt þá getur þessi
munur stafað af því að í fótbolta er almennt minni snerting milli leikmanna heldur en í
handbolta. Þar af leiðandi hefur áhættuhegðun í fótboltakeppnum meira vægi til að stuðla
að höfuðhöggum.
Til þess að öðlast nánari upplýsingar um höfuðhögg boltaíþróttamanna voru
afleiðingar athugaðar, svo sem alvarleiki, skammtíma- og langtímaafleiðingar.
32
Niðurstöður okkar benda til þess að smávægileg höfuðhögg eru algengari samanborið við
fyrri rannsóknir á almenningi (Anna Kristín B. Jakobsen, 2014). Smávægileg höfuðhögg
voru í meirihluta í öllum boltaíþróttunum. Það tengist ef til vill því að algengir
orsakavaldar alvarlegra höfuðhögga eru ekki til staðar á íþróttavelli. Sennilegra er að
hljóta alvarlegri áverka annars staðar þar sem ökutæki, fall úr mikilli hæð og hart undirlag
er ekki til staðar á íþróttavelli (Halldorsson, 2012). Þó að meirihluti höfuðáverka hafi verið
smávægilegur þá ber ekki að taka þeim léttúðlega þar sem öll höfuðhögg geta leitt til
einkenna eins og til dæmis svima, höfuðverkjar, uppkasta eða alvarlegri einkenna.
Langtímaafleiðingar voru til staðar hjá einungis sjö þátttakendum sem er töluvert lægra
hlutfall en fyrri íslenskar rannsóknir gefa til kynna. Talið var að íþróttamenn hlytu fleiri
langtímatímaeinkenni vegna þess að þeir eru í áhættuhóp til að verða fyrir höfuðáverkum
(Langlois, Rutland-Brown og Wald, 2006).
Niðurstöður okkar benda til að alvarlegri höfuðhögg eigi sér frekar stað í keppnum
en á æfingum. Einnig kom í ljós að því alvarlegri sem höfuðhöggin voru því lengur voru
þátttakendur frá keppni eða æfingu. Þrátt fyrir það voru margir þátttakendur sem tóku sér
ekki hlé frá íþróttaástundun þó að höfuðáverkinn hafi valdið tímabundnu
meðvitundarleysi eða minnisleysi. Rannsóknir benda til að ráðlagður hvíldartími eftir
heilaáverka sé vika til 10 dagar (McCrory o.fl, 2012).
Í mörgum tilvikum héldu þátttakendur áfram í keppni eða á æfingu í kjölfar
höfuðhöggs. Algengast var að halda áfram við smávægileg höfuðhögg en eftir því sem
höggin urðu alvarlegri því oftar hættu leikmenn í keppni eða á æfingu. Algengara var að
leikmenn héldu áfram í keppni heldur en á æfingu eftir höfuðhögg sem samræmist fyrri
rannsóknum (Ackery, Provvidenza og Tator, 2009; Cusimano o.fl., 2009). Í þessum
tilvikum virðist vera að leikmenn séu frekar reiðubúnir að harka af sér meiðsl og þar að
leiðandi setja mikilvægi leiks ofar en sína eigin heilsu. Í fjórum tilvikum var augljóst að
33
mikilvægi leiks var haft í fyrirrúmi þar sem leikmenn héldu áfram í keppni gegn
ráðleggingum þjálfara eða annarra ábyrgðarmanna. Algengara var að leikmenn utan
meistaraflokks héldu áfram í keppni eða á æfingu í kjölfar höfuðhöggs. Mögulegar
ástæður fyrir því gætu verið minni aðbúnaður í þeim flokkum og vanþekking yngri
leikmanna á afleiðingum höfuðhögga.
Þrýstingur frá kringumstæðum eða öðrum aðilum til að halda áfram er mögulegur
orsakavaldur til áframhaldandi þátttöku eftir höfuðhögg. Við tíunda hvert tilvik
höfuðhöggs í boltaíþróttum fannst þátttakanda hann vera undir þrýstingi til að halda áfram.
Mikilvægi leiks og þjálfari voru helstu þrýstingsvaldar sem er í samræmi við fyrri
rannsókn (Ackery, Provvidenza og Tator, 2009). Margar ástæður gætu verið að baki því
að leikmenn verði fyrir þrýstingi til áframhaldandi þátttöku. Löngun liðsmanna og þjálfara
til að viðhalda góðri ímynd íþróttafélagsins ásamt vanþekkingu á mögulegum afleiðingum
höfuðhögga eru dæmi um slíkar ástæður.
Óháð alvarleika höfuðhöggs þá var algengasta viðbragð annarra í kjölfar höggsins
athugun á líðan leikmanns. Þessar niðurstöður benda til þess að aðstandendum er umhugað
um heilsu leikmanna og grunur um að áverki sé til staðar. Boltaíþróttamanni fannst í
rúmlega fimmtungi tilvika að mikið hafi verið gert úr höfuðáverkanum. Mögulega gefur
þetta okkur vísbendingu um að þátttakendur geri sér ekki alltaf grein fyrir því hve alvarleg
höfuðhögg geta verið ásamt því að upplifun þeirra á höfuðáverkanum gefi ekki rétta mynd
af honum.
Vert er að nefna að rannsóknin er ekki gallalaus. Fjölmargir þátttakendur vissu
ekki hversu mörg höfuðhögg þeir hefðu hlotið. Ekki var gefið nógu skýrt til kynna í
spurningunni sjálfri að þátttakendur ættu einungis að gefa upp fjölda þeirra höfuðhögga
sem leiddu til heilahristings eða alvarlegri heilaáverka (sjá viðauka 1). Einhverjir
34
þátttakendur hafa eflaust haldið því fram að þeir ættu að leggja í té öll höfuðhögg, óháð
afleiðingum, sem þeir hafa hlotið um ævina.
Þátttakendur voru beðnir að rifja upp alvarlegustu höfuðhögg allt frá fæðingu.
Talið var að höfuðhögg sem leiða til heilaáverka væru minnisstæðir atburðir og því auðvelt
fyrir þátttakendur að endurheimta. Við teljum okkur hafa reitt okkur of mikið á getu
þátttakenda til upprifjunar líkt og fyrri rannsóknir (Anna Kristín B. Jacobsen, 2014).
Frekari rannsóknir á þessu viðfangsefni gætu stuðst við þrengri tímaramma og mögulega
leitt til nákvæmari niðurstaðna. Líklega voru þeir aðallega að telja upp höfuðhögg sem
voru þeim ofarlega í minni sé horft til aldursdreifingar höfuðhögga í þessum niðurstöðum
og niðurstöður annarra íslenskra rannsókna.
Heiti rannsóknarinnar eða spurningalistans og hvernig hann birtist þátttakendum
gæti hafa haft áhrif á svörun þátttakenda. Þar sem heiti rannsóknarinnar höfðar til íslenskra
íþróttamanna gæti myndast ákveðið hugarfar meðal þátttakenda ásamt því hvernig þeir
voru hvattir til þátttöku. Þeir gætu þá fremur gefið upplýsingar um íþróttatengd höfuðhögg
í stað allra höfuðhögga um ævina. Til að sporna gegn þessu er hægt að láta markhóp halda
að þeir séu að svara almennum spurningalista um höfuðhögg og hvatning til þátttöku sé
eins fyrir alla.
Lengd spurningalistans var breytileg eftir því hvort þátttakandi hlaut höfuðhögg
sem leiddi til heilaáverka ásamt höfuðhöggafjölda um ævina. Það gæti mögulega útskýrt
brottfall þátttakenda sem hlutu höfuðhögg og þar með lækkað heildarhlutfall þeirra sem
hlutu höfuðhögg. Við teljum að fjöldi spurninga í spurningalistanum hafi líklega verið
ofaukið og endurtekningar á spurningum fyrir hvert höfuðhögg getur valdið brottfalli
þátttakenda. Frekari rannsóknir gætu tekið mið af þessum göllum.
Þar sem rannsóknin byggist á hentugleikaúrtaki og þátttakendur voru
sjálfboðaliðar er ekki hægt að alhæfa umfram gögn rannsóknarinnar. Á hinn bóginn gefa
35
niðurstöður rannsóknarinnar upplýsingar um höfuðáverka meðal boltaíþróttamanna
hérlendis. Þessar upplýsingar samanstanda meðal annars af tíðni, alvarleika höfuðhögga,
staðsetningu þeirra, einkenni og atburðarrás í kjölfar þeirra.
Rannsóknir á þessu viðfangsefni gætu kannað höfuðáverka innan annarra
íþróttagreina. Hægt er að kanna betur hvort nauðsyn sé á vitundarvakningu varðandi
alvarleika höfuðáverka í íþróttum hérlendis. Einnig væri kjörið að endurtaka okkar
rannsókn með hliðsjón af göllum, stærra úrtaki og frekari gagnaúrvinnslum. Meðal annars
væri hægt kanna betur langtímaeinkenni og þar af leiðandi auka þekkingu okkar á
höfuðáverkum enn frekar.
36
Heimildir
Ackery, A., Provvidenza, C. og Tator, C. H. (2009). Concussion in hockey: compliance with return to play advice and follow-up status. The Canadian Journal of Neurological Sciences, 36(2), 207-212.
Anderson, T., Heitger, M. og Macleod, A. D. (2006). Concussion and mild head injury. Practical Neurology, 6(6), 342-357.
Anna Kristín B. Jacobsen. (2014). Höfuðhögg og heilaáverkar meðal barna, unglinga og ungs fólks á Íslandi: Algengi, nýgengi, skammtíma- og langtímaafleiðingar. BS-ritgerð: Háskóli Íslands, Sálfræðideild. Sótt af slóðinni: skemman.is
Åstrand, R., & Romner, B. (2012). Classification of Head Injury. Management of Severe Traumatic Brain Injury (bls. 11-14). Springer Berlin Heidelberg.
British Journal of Sports Medicine ( e.d.). SCAT3-Sport Concussion Assessment Tool – 3rd edition. Sótt 4. maí 2014 af http://bjsm.bmj.com/content/47/5/259.full.pdf.
Cantu, R. C., & Hyman, M. (2012). Concussions and Our Kids. New York: Houghton Mifflin Harcourt.
Carlson, N. R. (2012). Physiology of Behavior (11.útgáfa). Pearson.
Corrigan, J. D. og Bogner, J. (2007). Screening and identification of TBI. The Journal of Head Trauma Rehabilitation, 22(6), 315-317.
Cusimano, M. D., Chipman, M. L., Volpe, R. og Donnelly, P. (2009). Canadian minor hockey participants' knowledge about concussion. The Canadian Journal of Neurological Sciences, 36(3), 315-320.
Delaney, J. S., Lacroix, V. J., Leclerc, S. og Johnston, K. M. (2002). Concussions Among University Football and Soccer Players. Clinical Journal of Sports Medicine, 12, 331-338.
Dikmen, S. S., Machamer, J. E., Powell, J. M. og Temkin, N. R. (2003). Outcome 3 to 5 years after moderate to severe traumatic brain injury. Archives of physical medicine and rehabilitation, 84(10), 1449-1457.
Erlanger, D., Kaushik, T., Cantu, R. C., Barth, J. T., Broshek, D. K., Freeman, J. R. og Webbe, F. M. (2003). Symptom-based Assessment of the Severity of a Concussion. Journal of Neurosurgery, 98, 477-484.
Fiba. (29. apríl 2012). Official Basketball Rules 2012. Sótt 20. mars 2014 af http://www.fiba.com/downloads/Rules/2012/OfficialBasketballRules2012.pdf.
Fifa. (e.d.). Laws of the game. Sótt 20. mars 2014 af http://www.fifa.com/mm/document/footballdevelopment/refereeing/81/42/36/log2013en_neutral.pdf.
Frost, R. B., Farrer, T. J., Primosch, M. og Hedges, D. W. (2013) The Prevalence of Traumatic Brain Injury in the General Population: A Meta-Analysis. Neuroepidemiology, 40(3), 154-159.
37
Ghajar, J. (2000). Traumatic Brain Injury. The Lancet, 356, 923-929.
Gilchrist, J., Thomas, K. E., Wald, M. og Langlois, J. (2007). Nonfatal traumatic brain injuries from sports and recreation activities-United States, 2001-2005. Morbidity and Mortality Weekly Report, 56(29), 733-737.
Gouvier, W. D., Prestholdt, P. H. og Warner, M. S. (1988). A survey of common misconceptions about head injury and recovery. Archives of Clinical Neuropsychology, 3(4), 331-343.
Guilmette, T. J. og Paglia, M. F. (2004). The public’s misconceptions about traumatic brain injury: A follow up survey. Archives of Clinical Neuropsychology, 19(2), 183-189.
Guskiewicz, K. M., McCrea, M., Marshall, S. W., Cantu, R. C., Randolph, C., Barr, W., Onate, J. A. og Kelley, J. P. (2003). Cumulative Effects Associated with Recurrent Concussion in Collegiate Football Players: The NCAA Concussion Study. The Journal of the American Medical Association, 290(19), 2549-2555.
Guskiewicz, K. M., Weaver, N. L., Padua, D. A. og Garrett, W. E. (2000). Epidemiology of Concussion in Collegiate and High School Football Players. The American Journal of Sports Medicine, 28(5), 643-650.
Halldorsson, J. G., Flekkoy, K. M., Arnkelsson, G. B., Tomasson, K., Magnadottir, H. B. og Arnarson, E. O. (2012). The Scope of Early Traumatic Brain Injury as a Long-term Health Concern in Two Nationwide Samples: Prevalence and Prognostic Factors. Brain Injury, 26(1), 1-13.
Halldórsson, J. G. (2013). Early Traumatic Brain Injury in Iceland: Incidence, Prevalence, Long-term Sequelae and Prognostic-factors. Doktorsritgerð: Háskóli Íslands, Heilbrigðisvísindasvið.
Handknattleikssamband Íslands. (e.d.). Leikreglur. Sótt 20. mars 2014 af http://www.hsi.is/library/Skrar/Motamal/Leikreglur/Leikreglur%202010.pdf.
Heegaard, W. og Biros, M. (2007). Traumatic Brain Injury. Emergency Medical Clinics of North America, 25, 655-678.
Herrera, J. E. og Cooper, G. (ritstjórar). (2008). Essential Sports Medicine. New Jersey: Human Press.
Hoofien, D., Gilboa, A., Vakil, E. og Donovick, P. J. (2001). Traumatic brain injury (TBI) 10-20 years later: a comprehensive outcome study of psychiatric symptomatology, cognitive abilities and psychosocial functioning. Brain injury, 15(3), 189-209.
Íþróttasamband Íslands. (e.d.). Starfsskýrslur ÍSÍ-Iðkendur 2012. Sótt 20. mars 2014 af isi.is/library/Skrar/Efnisveita/Tolfraedi/Iðkendur%202012.pdf.
Landlæknisembættið. (2002). Klínískar leiðbeiningar um stigun á alvarleika höfuðáverka. Læknablaðið, 88(4), bls. 304-305. Sótt 11. apríl 2014 af: http://www.laeknabladid.is/media/skjol/2002-04/f4ny.pdf
38
Langevoort, G., Myklebust, G., Dvorak, J. og Junge, A. (2007). Handball injuries during major international tournaments. Scandinavian journal of medicine & science in sports, 17(4), 400-407.
Langlois, J. A., Rutland-Brown, W. og Wald, M. M. (2006). The epidemiology and impact of traumatic brain injury: a brief overview. The Journal of head trauma rehabilitation, 21(5), 375-378.
Luig, P. og Henke, T. (2010). Safety in Sports. Sótt af http://www.safetyinsports.eu/upload/products/WP%204%20Report%20Basketball%20(D2a)%20FINALsmall.pdf.
Mauritz, W., Brazinova, A., Majdan, M. og Leitgeb, J. (2014). Epidemiology of traumatic brain injury in Austria. Wiener Klinische Wochenschrift, 126, 42-52.
McCrory, P., Meeuwisse, W. H., Aubry, M., Cantu, B., Dvořák, J., Echemendia, R. J. o.fl. (2012). Consensus statement on concussion in sport: the 4th InternationalConference on Concussion in Sport held in Zurich, November 2012. British Journal of Sports Medicine, 47(5), 250-258.
Meehan, W. P., d’Hemecourt, P. og Comstock, R. D. (2010). High School Concussions in the 2008-2009 Academic Year Mechanism, Symptoms, and Management. TheAmerican journal of sports medicine, 38(12), 2405-2409.
Powell, J. W. og Barber-Foss, K. D. Traumatic Brain Injury in High-School Athletes. The Journal of the American Medical Association, 282(10), 958-963.
Ruttan, L., Martin, K., Liu, A., Colella, B. og Green, R. E. (2008). Long-term cognitive outcome in moderate to severe traumatic brain injury: a meta-analysis examining timed and untimed tests at 1 and 4.5 or more years after injury. Archives of physical medicine and rehabilitation, 89(12), S69-S76.
Schretlen, D. J. og Shapiro, A. M. (2003). A Quantitative Review of the Effects of Traumatic Brain Injury on Cognitive Functioning. International Review of Psychiatry, 15, 341-349.
Setnik, L. og Bazarian, J. J. (2007). The characteristics of patients who do not seek medical treatment for traumatic brain injury. Brain Injury, 21(1), 1-9.
Tagliaferri, F., Compagnone, C., Korsic, M., Servadei, F. og Kraus, J. (2006). Review Article: A systematic review of brain injury epidemiology in Europe. Acta Neurochirurgica, 148, 255-268.
Viðar Guðjónsson. (2014, 1. febrúar). Meiri varkárni gagnvart höfuðmeiðslum. Morgunblaðið. Sótt 13. apríl 2014 af http://www.mbl.is.
Willer, B., Johnson, W. E., Rempel, R. G. og Linn, R. (1993). A note concerning misconceptions of the general public about brain injury. Archives of Clinical Neuropsychology, 8(5), 461-465.