Upload
molomo-molatelo-juventus
View
972
Download
12
Embed Size (px)
Citation preview
THETOGO SEKASEKA SONETE
BY: MOLOMO JUVENTUS
GO MOHLARE.
Go mohlare.1. Re llišwa ke bolwetši go re lomeletša go phela,2. Legadima le lona le re rathaganyetša tseba;3. Fela go go rema le nna ke a swanela,4. O rata go phela, le nna ke a tseba.5. Banake ge ngwako ba go hloka ga ke rweše6. Wena molato le gannyane ngwanešu-7. Fela ke a go rema ke go betle ke ithweše,8. Banake ba kolobe o tswaletšwe seo go Rrawešu?9. Sepela go mpega moo o go tshephilego,10. Le nna ke tla yo iphetolela ka wa ka.11. Ka pelo o ka nthoga ka moo o ratilego,12. Nna ke lebeletše go šireletša digotlane tša ka.13. Ga se wena o senyegelwago ke bophelo o nnoši lehono-14. Magagaborena e sa le ba eya e bile ke nankhono.
SERETO SE KE SONETE YA SEISEMANE.
Sereto se se theilwe godimo ga dilo tša tlhago ka gobane tlhago e bonwa bjalo ka mogwera wa motho.
SEBOPEGO SA KA NTLE.Morumokwano wa abab, cdcd, efef, ggMethalotheto ye lesomenne.
SEBOPEGO SA KA GARE.Sereto se arogantšwe ka ditemana tše tharo tšeo di nago le methalotheto ye mene ye mene gammogo le temanapedi yeo e nago le methaladi ye mebedi.
MOOKO WA SERETO.Sereto se bolela ka sehlare seo se lego bohlokwa maphelong a batho. Sereti se bolela le sehlare bjalo ka motho, go bolela gore ba bolaya ke malwetši mme o bona bokaone a reme sehlare a ye naso gae gore a tle a kgone go šireletša bana ba gagwe. Moreti o bolela gore le ge sehlare se ka ya go mmega, yena o tla ipolelela. Mafelelong sereto se leka go eletša sehlare gore ga se yena a le nnoši yoo a senyegelwago ke bophelo ka ge ba bangwe sa le ba eya le lehono ga se ba boya.
2. Maemo a molaodišiMaemo a molaodiši a tšweletša ke ka fao moreti a itswalanago le ditiragalo tša
sereto. A tšweletša ke makgokedi ao a itšego go swana le “o” “ke” “ka”. Moreti a ka
diriša “ke” ge a bolela ditiragalo tšeo di amanago le yena gomme ke moo re bolelago
gore ke maemo a pele. Ge moreti a diriša lekgokedi “ka” “o” ke moo re rego ke
maemo a bobedi.
Maemo a molaodiši ke ya bobedi ka ge moreti a reta a lebišitše go mohlare
Mothalotheto wa bone moreti o dirišetše “o”
3. Tirišo ya mantšuKa tirišo ya mantšu mongwadi o kgetha mantšu ao a itšego sebakeng sa mantšu a
tlwaelo. Maikemišetšo a kgetho yeo ya gagwe ke go godiša maatlakgogedi gore mmadi
a se lape go bala sereto seo. Moreti a ka diriša mantšu a a latelago:
Mantšu a kgale: nankhono (14) lentšu le ga le sa dirišwa kudumehleng
ya selehono, ka ge o dirišwa “lehono”.
Mainagokwa . Mohlala: magaga+borena= magagaborena (14) lentšu
le le bopilwe ka diripa tše pedi tša polelo.
4. Tirišo ya mafoko.Peakanyo ya mafoko ke setlabelo se bohlokwa seo se ka dirago gore moreti a kwešiše
seo se bolelwago go ya le ka moo dikgopolo tša thetotumišo di beakantšwego ka gona.
Mafoko a go hloka madiri, ao a hlamilwego ka mainatheto,
potšišoretoriki/makgethepolelo gammogo le ao a tšweletšago tlhalošo le kanegelo, a
dirišwa gantši go gatelela bogale bja magale.
Potšišoretoriki
Phapantšho. Mothalotheto wa bohlano moreti o diriše phapantšho ya mantšu. Mantšu a se
a tle ka mokgwa wa tlwaelo.
Kelelathale \ Enjampemente: mothalotheto wa bohlano (5) go elelela go wa bošupa (7).
mohlala: mothalotheto wa boseswai(8) moreti o gatelela gore le ge a remile mohlare bana bagagwe ga ba swanelwa ke go koloba ka ge mohlare o tswatšwe go šireletša
5. Peakanyo ya ditemana.Ditemana tša thetotumišo di beakanywa go ya le ka dikgopolo tša sereti. Ditemana di
swanetše go laetša matseno, telefatšo ya matseno, tšwetšopele gammogo le theto.
Ditemana di beakantšwe gabotse go ya le ka peakanyo ka dikgopolo.
6. PapelanoKe thekniki yeo e šomišwago ke moreti go gatelela goba go tšweletša moko wa sereto
ka go boeletša diripa tša polelo. Papelano yeo e ka lebana le ditumanoši,ditumammogo, dinoko, mantšu, dikafoko le dikgopolo. Go na le mehuta ya papelano ye mmalwa. Yona ke ya go swana le papelano ya medumo, dinoko, mantšu, dikafoko, mafoko le dikgopolo. Mohola wo mogolo wa papelano ke go gatelela kgopolo yeo e rilego
Papelano ye e tsepama: Mothalotheto wa boraro le wa bone(3-4)
“le nna ke…..
“le nna ke…..”
Poeletšogare: mothalotheto wa boraro le wa bone (3-4). “le nna ke….”
“ le nna ke…..”
7. Tshwantšhokgopolo Ka tshwantšhokgpolo mmadi o kgona go bona selo seo se retwago ke moreti ka leihlo la
moya. Moreti a ka tšweletša tshwantšhokgoplo ka tirišo ya dikapolelo, kgetho ya mantšu, dika
le diema le tirišo ya dikarolo tše dingwe tša polelo. Mohola wo mogolo wa tshwantšhokgopolo
ke go godiša molaetša wa mongwadi goba moreti. Mohola wo mongwe wa
tshwantšhokgopolo ke go tliša maatlakgogedi gore mmadi a se lape go bala le go goroša
molaetša ka tsela ya go kgahliša.
Tirišo ya dikapolelo Mothofatšo: mothalotheto wa bone (4) moreti o bolela le mohlare
bjalo ka motho.
MOŠOMO WA KA PHAPOŠING.Ditaelo: šomiša linki ye e latelago go leka go hwetša mošomo wa ka phapošing ka tirišo ya inthanete.https://todaysmeet.com/Grade101. O tla hwetša seswantšho sa mebala ye mebotse kudu.
2. O tla thoma ka go ngwala leina la gago ka gare ga lepokisi leo le lego ka fase ga moo o ngwadilwego “join” ka seisemane, yeo e šupago gore “tsenela”
3. ka morago ga go ngwala leina la gago ka lepokising, o swanelwa ke go romela ka go tobetša “join” ka fase ga lepokisana.
4. O tla tšwelela lepokisana le lengwe ka morago ga go tobetša “join”. Lepokisi leo le ngwadilwe “message” ka seisemane, yeo e šupago gore molaetša gomme ke moo o ngwalago karabo ya gago gona. Ge o feditše wa tobetša “say” yeo e no šupago gore romela.
5. Ge o rometše ke moo o tla kgonago go bona seo o se ngwadilego lepokisaneng leo le laetšago dikarabo tša barutwana ba bangwe. Lebelela mohlala wo o laelago.