ELDO-INFO 2017

Eldo-Info Nuusbrief – 14 Februarie 2020

www.hseldo.co.za • Tel: 012 660 2066 • Christopherweg 26, Eldoraigne

GEDAGTE VIR DIE WEEK

Ons word deur die Heilige Gees toegerus om diensbaar te wees. Elkeen in wie die Gees van God woon, moet

diensbaar wees aan die Here en aan mense. Daarom kom woon die Gees in jou en rus jou toe met krag van bo. Ons

word ook as kerk van die Here toegerus deur die Gees om God se gestuurdes in hierdie wêreld te wees. Die gawes

van die Gees wat ons ontvang, gaan nié oor jouself nie!

Jesus kom wys al in Johannes 13 vir ons wat opregte diensbaarheid beteken: Om bereid te wees om jouself te

verneder, sodat ander verhoog kan word. Jesus se diensbaarheid kom wys vir ons hoe God se koninkryk lyk – waar

niemand té belangrik is om enige iemand anders te dien nie! Daarin is juis leiers ook bereid om hulleself op te offer

ter wille van ander!

“Diens” is seker een van die heel belangrikste woorde wat jy in die evangelie van Jesus Christus sal kry.

Nêrens kry ons ‘n beter voorbeeld as Johannes 13 nie, waar Jesus sy dissipels se voete was. In die Bybel gaan die

woord “diens” dikwels saam met ander woorde soos: liefde, omgee, onselfsugtig,gemeenskap, vrede en opoffer.

Dit is duidelik: Diens kos jou iets! Dit vra dat jy nie altyd eerste in die ry staan nie, en dat jy heel konkreet van jou

kosbare tyd,energie, geld en besittings sal prysgee. Diens is egter ten diepste nie iets wat jy doen omdat jy voel jy

“moet” dit doen nie. Dít is nié diensbaarheid deur die Heilige Gees nie. Diensbaarheid deur die Heilige Gees is

gedring deur liefde en omgee wat net die Heilige Gees vir jou gee! Dit groei in jou hart en jy “kan nie anders nie”, as

om te dien.

Kom ons gee en dien. Kom ons luister na die pyn van ander en help hulle. Kom ons wees gasvry, sonder om te kla.

Kom ons getuig vir die Here om die wêreld vir Hom te wen. Kom ons dien en “was voete” sonder om onsself hoër, as

ander te ag. Kom ons dien deur getrou vir mense te bid, sonder dat hulle eers daarvan hoef te weet! Kom ons dien

die mense wat dit die minste van ons verwag! Kom ons dien, sonder die behoefte aan eer en erkenning.

Kom ons leef net ‘n bietjie stadiger en luister wie en wat God op ons hart lê, want besige, uitgebrande mense sukkel

om God se stem te hoor. Hulle sukkel ook om tyd en energie te vind om ander te dien.

Moenie besiger wees, as wat die Here jou wil hê nie. Dien deur die Heilige Gees!

Geskryf deur Ernst vanaf

https://ngkwonderboom.co.za/www/index.php/argi

ewe/dagstukkie/2622-diensbaar-deur-die-gees

2

SPORT

NETBAL

Op 8 Februarie het die netbal hul jaarlikse fondsinsamelingsgeleentheid op die vierkant aangebied. Die formaat was

anders, as vorige jare en hul het ‘n bring-en-braai saam met die hele gesin geniet.

Vanes-Mari Proudfoot, voormalige Protea-netbalspeelster, het die gehoor toegespreek waarna die Bulle en Stormers se

rugbywedstryd uitgesaai is. Halftyd het almal ook ‘n rondte Bingo gespeel.

Dankie aan die nuwe netbaldirekteur, Stephanie van Jaarsveld, vir hierdie heerlike geleentheid om mekaar beter te leer

ken. Ons sien uit na die netbalseisoen wat voorlê.

Vanes-Mari saam met die netbalafrigters

3

VISVANG

Rindt Olivier is ingesluit in die 0/16-Zululand Provinsiale span wat tydens Maart in Durban aan ‘n nasionale kompetisie

gaan deelneem. Baie geluk met hierdie besonderse prestasie, so ver weg van die see af, Rindt!

Rindt Olivier

KULTUUR

SANG

Die sangoudisies vir 2020 het plaasgevind op 3 en 4 Februarie 2020.

Net so bietjie meer as 60 leerders aangemeld vir hul oudisie waarin hulle ‘n stem- en gehoortoets moes aflê, asook ‘n

lied van hul keuse a capella moes uitvoer.

Hierdie leerders sal in volgende week uitvind, of hulle in een of meer van die volgende kategorieë ingedeel is:

Soliste

Duette

Kleiner groepe (trio’s, kwartette, kwintette)

Serenade (Eldo-Sêrre)

Natuurlik neem hulle outomaties deel aan ons groot produksie (Musiekblyspel van 2020).

Die personeel wat die afrigting gaan hanteer, is baie opgewonde oor die oorweldigende reaksie en opkoms van ons eie

Eldo’s!

4

DEBAT

Ons Eldo-debatspanne is besig om vurig voor te berei vir die opkomende ATKV-debatkompetisie. Hierdie jaar se

onderwerpe toets beslis ons leerders se navorsingvaardighede en redenasievermoëns. Maar ons is nie bekommerd nie –

ons Eldo-leerders pak hindernisse met ʼn glimlag aan.

Die senior tema is: Die onttrekking van multinasionale maatskappye aan Suid-Afrika behoort die land tot voordeel te

strek.

Die junior onderwerp redeneer of Geskiedenis ʼn verpligte vak behoort te wees in Suid-Afrikaanse hoërskole.

Ons het vyf senior spanne en een junior span wat aan hierdie jaar se kompetisie deelneem. Ons leerders sien uit om hul

intellektuele spiere by die eerste rondte by Hoërskool Linden op, 6 en 7 Maart 2020, te oefen.

WERKSWINKELS

Kom deel in Hoërskool Eldoraigne se eerste kombinasie-kultuurwerkswinkels, waar leerders van die laerskole tot

hoërskool, graad 9, kan inskakel by kort oggendkursusse in Dans, Sang, Kuns en Drama.

Hierdie kursusse is ontwerp om reeds bestaande talent te ontwikkel, asook om nuwe talent te ontdek. Leerders sal

verseker by ‘n goed georganiseerde programaanbieding deur professionele en ervare sprekers in die onderskeie

afdelings baatvind. Hulle kan ook daarna uitsien om aan ‘n praktiese komponent deel te neem.

Ons sien geweldig baie daarna uit om elke nuwe gesiggie te ontmoet.

Wanneer: Saterdag, 22 Februarie 2020

Waar: Hoërskool Eldoraigne (Dramateater, Kleinteater, Saal/Onthaallokaal, Kunslokaal)

Tyd: 09:00

Moenie hierdie geleentheid misloop nie!

5

WELWILLENDHEID

ADOPT-A-BABY PROJEK

Die Welwillendheidskomitee is tans besig met ‘n projek om items vir 4 kinders by New Beginningz te verskaf. Die items

sluit die volgende in: wetwipes, doeke, nie-bederfbare kositems en klere. Indien iemand wil bydra tot hierdie projek kan

die items by juf. Solani van Onselen se klas, NL, afgegee word.

Die kinders se geslagte en ouderdomme is as volg:

Rereilwe is ‘n 5-maande oue dogtertjie

Lebogang is ‘n 6-jarige dogtertjie

Chaun-Lee is ‘n 1-jarige seuntjie

Nipho is ‘n 5-jarige seuntjie

6

SOSIAAL

SWEDEEDSE BESOEK

Die Sweedse skoolverlaters vanuit Karlskrona het ons op Donderdag, 6 Februarie, besoek. Die program word deur die

Departement van Onderwys georganiseer en ons eie Distrik 4 is hoofsaaklik daarmee gemoeid. Hoërskool Eldoraigne is

een van drie skole wat deel is van hierdie projek en ons het oor die afgelope klompie jare werklik ervaar dat hierdie

projek 'n besondere groeigeleentheid vir ons eie leerders inhou. Die ander betrokke skole is Pretoria Technical High

School en 'n skool in Atteridgeville, Bokgone.

Tydens die besoek aan ons skool, het ons hulle blootgestel aan ons kultuuraktiwiteite en hulle ook die geleentheid gegee om te debatteer oor sosiale vraagstukke, soos die onderskeie lande dit ervaar. Hierdie was ‘n ongelooflike geleentheid wat vir ons kinders die geleentheid gebied het om as ambassadeurs vir ons skool en mooi land op te tree en ook om te deel en interaktief te wees met die Sweedse delegasie om sodoende waardevolle kommunikasievaardighede op te doen. Die Sweedse delegasie was baie verras oor die gehalte van ons skool se kultuur-, asook die verskeidenheid buitemuurse aktiwiteite wat aangebied word. Op Sondag, 9 Februarie, het tien Eldo-leerders elk 'n Sweedse leerling by hulle tuisgaanplek in Arcadia vir die dag gaan

haal en die leerders van Swede blootgestel aan ‘n normale Sondag by ‘n Suid-Afrikaanse familie. Leerders is saam kerk

toe geneem en vir die res van die dag blootgestel aan tipiese Suid-Afrikaanse roetines en gewoontes. Die ouers het baie

moeite gedoen om die kuier vir die buitelanders so aangenaam moontlik te maak en die Sweedse leerders is getrakteer

op uitstappies na onder andere die Rietvleidam, Voortrekkermonument, Lion Safari’s en restaurante of huisbraaie.

Agt leerders uit hierdie groep is uitgenooi na die afskeidsgeleentheid by die Sweedse Ambassade wat plaasgevind het op

11 Februarie. Drie leerders: Tavlyn-Anne Robinson, Juarita Labuschagne en Annine Stoltz, het toesprake gelewer wat

die skool se beeld en etos uitgestraal het. Die Sweedse onderwysers het die leerders gekomplimenteer oor hulle

selfvertroue en taalvaardigheid.

Hierdie was ‘n besondere geleentheid vir die leerders betrokke om waardevolle kommunikasievaardighede te oefen en

te leer oor ander kulture en waardering vir beide wêrelde ervaar het.

7

LIEF EN LEED

Juf. Melanie Potgieter se kleinkind is gebore.

Juf. Ennes Kotzé het ‘n operasie ondergaan en sterk in die hospitaal aan.

VERJAARSDAE

Baie geluk aan die volgende personeellede wat onlangs verjaar het. Ons wens julle ‘n besonderse lewensjaar toe vol

vreugde en voorspoed!

Mnr. Jannie du Toit Juf. Marietjie van der Merwe

(9 Feb. 2020) (11 Feb. 2020)

Juf. Ella Huysamen Juf. Charl-Mari Steyn

(12 Feb. 2020) (14 Feb. 2020)

8

GHOLFDAG

11 MAART 2020