FISKRÉTTIR

VIP Humar 8.890-kr kg

Helluhraun 16-18 • 220 Hafnarfirði • Opið virka daga 11-18:30 • laugardaga 12-15

TILBÚIN BEINT Á GRILLIÐ

pren

tun.is

Grillspjót 2.990-kr kg

TILBÚNIR Í OFNINN

Mættur fullur eldmóðs í FjörðinnBergur Þorri Benjamínsson lenti í alvarlegu vinnuslysi aðeins tvítugur að aldri og eftir stranga endurhæfingu tók við nýtt líf í hjólastól. Bergur Þorri er talsmaður Sjálfsbjargar og hefur undanfarin ár unnið ötullega að málefnum fatlaðra. Hann ætlar ekki að hætta fyrr en hann sér árangur.

Miðapantanir í síma 565 5900 og á midi.is

Fös 27 marsSun 12 apríl. Kl. 20 00

Fim 16 apríl. Kl. 20 00Sun 19 apríl Kl. 20 00

NÆSTU SÝNINGARKonuborn

UPPSELTUPPSELT

Leikstjórn Björk Jakobsdóttir

Gunni og Felix kynna

Miðapantanir í síma 565 5900 og á midi.is

Sun 29 mars. Kl. 13 00Sun 12 apríl

Sun 26 apríl. Kl. 13 00Sun 03 maí Kl. 13 00

Sun 29 mars. Kl. 13 00Sun 12 apríl

Sun 26 apríl. Kl. 13 00Sun 03 maí Kl. 13 00

NÆSTU SÝNINGARNÆSTU SÝNINGAR

UPPSELTUPPSELT

Fréttir Umræðan Tilveran Íþróttirgaflari.is fimmtudagur 26. mars 2015 5. tbl. 2. árg.

Hætt að beita börnum í innheimtuaðgerðum2

4 Útilokar ekki endurkomu í stjórnmálinKíkt í kaffi: Fagnar fyrirhuguðu hundagerði6

2 - gaflari.is

Flensan óvenju-skæð í veturLæknar hafa vart undan

FRÉTTIR Samkvæmt upplýsingum frá landlæknisembættinu dró verulega úr virkni inflúensunnar í síðustu viku. Inflúensan hefur engu að síður verið óvenjuskæð í vetur og hafa læknar á heilsugæslunni hér í Hafnarfirði varla haft undan að taka á móti sjúklingum. Margt gæti skýrt þessa svæsnu vetrarflensu, einhverjir af þeim stofnum inflúensunnar sem hafa gengið í vetur hafa ekki verið í þeirri bólusetningu sem notuð var í haust. Velja þarf stofna sem eru inní bóluefninu með allöngum fyrirvara og ekki alltaf sem fullkomin vörn næst. Einnig hefur veturinn verið umhleypingasamur en erfitt að fullyrða um hvort það geri okkur veikari fyrir umgangspestum.

Álagið á heilsugæsluna í Hafn-arfirði verið mikið í allan vetur, mest núna í febrúar og mars mánuði. Oft hefur ástandið verið þannig að ekki næst að sinna öllum sem leita eftir þjónustu hvort heldur á dagtíma eða á vaktþjónustu heilsugæslunnar. Þar kemur auðvitað líka til mannekla í heilsugæslunni og hefur Gaflari heimildir fyrir því að læknar hér í Hafnarfirði séu afar ósáttir við hversu mikið vanti á að hið opinbera bæti við stöðugildum lækna eftir því sem fjöldi íbúa eykst. Læknir sem Gaflari ræddi við á dögunum sagði að reglugerð um að allir eigi rétt á þjónustu á heilsugæslunni væri lítils virði þegar ekki er séð til þess að mönnun sé þannig að mögulegt sé að veita þjónustuna sem þörf er á.

Hætt að beita börnum í innheimtuaðgerðumFRÉTTIR Ákveðið hefur verið að breyta innheimtu-reglum vegna vangoldinna leikskólagjalda. Á fundi bæjarráðs kom fram að fullt tilefni sé til að breyta því verklagi sem hefur tíðkast árum saman hjá Hafnarfjarðarbæ þ.e. að víkja börnum foreldra sem ekki greiða gjöldin úr leikskóla. Á síðasta ári var fjórum börnum vikið úr leikskóla vegna skulda foreldra þar af voru tvö þeirra frá leikskólanum í allt að 15 vikur.

Rósa Guðbjartsdóttir, formaður bæjarráðs, segir að eftir skoðun á verklaginu hafi þótt tímabært að breyta þessum reglum. „Óskað var eftir því að skoðað yrði hvernig tekið er á slíkum málum í nágrannasveitarfélögunum og eftir það varð úr að breyta verkferlum í átt til þess sem eru viðhafðir hjá Reykjavíkurborg. Það felst einkum í því að um leið og skuldari pantar tíma hjá félagsráðgjafa vegna vangoldinna leikskóla-, frístundaheimils- og matarskulda er uppsögn frestað í þrjá mánuði. Einnig verður gerð sú breyting að gert verður ráð fyrir að

viðkomandi skuldari óski sjálfur eftir viðtali hjá félags-ráðgjafa og er honum bent á það í uppsagnarbréfi frá fjárreiðudeild. Ferlið verður allt skýrara með þessum nýju reglum.“

FRÉTTIR „Á hverju ári slasast eða veikist fólk með þeim skelfilegu af-leiðingum að það lamast. Líf þess og þeirra nánustu umturnast og í nánast öllum tilvikum missir fólk vinnuna og þar af leiðandi verður sá slasaði nánast tekjulaus fyrir utan örorkubætur sem í boði eru fyrir fólk í þessari stöðu sem er ekki neitt til að hrópa húrra yfir,“ segir Pétur Sigurgunnarsson í Markómerkjum, sem ætlar að hefja landssöfnun, ásamt MND- og Sem samtökunum, til styrktar fólki sem bundið er við hjólastól. Pétur hefur fengið í lið með sér þrjú fyrirtæki hér í bæ til að ríða á vaðið og styrkja verkefnið en leitar að fleiri samstarfsaðilum og hvetur áhugasama til að hafa samband í gegnum tölvupóstfangið vidstolum@vidstolum.is. „Söfnunina köllum við: „Við stólum á þig“. Ég ætla að láta framleiða innkaupatösku sem bæjarfélög og fyrirtæki geta sett merki sitt á gegn gjaldi sem fer upp í framleiðslukostnað töskunnar. Hug-myndin er svo að fá félagasamtök til að ganga í hús og selja töskurnar ásamt rúllu af maíspokum. Ágóði af sölunni rennur í sjóð sem fólk í hjólastól getur sótt í.“ Pétur er þar einkum að hugsa um

þá sem þurfa að fara í dýrar breytingar á húsnæði. „Allir vilja að sjálfsögðu búa áfram heima eftir svona áfall. Svo að það geti orðið þarf húsnæðið að vera þannig að fólk í hjólastólum geti farið um hindrunarlaust. Sumir eiga þess hins vegar ekki kost vegna þess að það fylgir því mikill kostnaður að breyta íbúð svo að fólk í hjólastólum geti búið þar.“

Pétur segir að kerfið bjóði ekki

upp á öryggisnet fyrir fólk í þessari stöðu, því miður. „Það eina sem er í boði er svokallað „Sérþarfalán“ frá Íbúðalánasjóði sem er lán að hámarki átta milljónir með veði í íbúðinni, verðtryggt og ber 4,2% vexti. Það er ekki upplífgandi verandi kominn á örorkubætur og standa frammi fyrir því að búa á meðferðarstofnun sem eftir er fjarri sínum nánustu ættingjum.“

Við stólum á þig

Birna hjá RB rúmum, Pétur hjá Markómerki, Bergur hjá Aðalskoðun, Sigfús hjá Rafgeymasölunni ásamt Guðjóni frá MND félaginu ætla að leggja sitt að mörkum til landsöfnunarinnar: Við stólum á þig.

Kjóll5.910

Kringlunni og Litlatúni Garðabæ

Flensan hefur leikið Hafnfirðinga grátt í vetur.

gaflari.is - 3

Kjóll5.910

Kringlunni og Litlatúni Garðabæ

4 - gaflari.is

Þjóðhátíðarnefnd auglýsir eftir skemmtiatriðum á 17. júní. Í dagskránni er gert ráð fyrir barna og fjölskylduskemmtunum á Thorsplani, leiktækjum og ýmsum sýningum og götuuppákomum í miðbænum. Vinsamlega sendið inn hugmyndir að allskonar atriðum og uppákomum á framkvæmdastjóra 17. júní Geir Bjarnason geir@hafnarfjordur.is eða skriflega til Hafnarfjarðarbæjar, Strandgötu 6, 220 Hafnarfjörður merkt 17. júní. Tekið verður við hugmyndum til 15. apríl.

17. JÚNÍ SKEMMTIATRIÐI

Hætti ekki fyrr en ég sé árangurBergur Þorri Benjamínsson, fæddist á Akureyri fyrir þrjátíu og sex árum síðan. Hann er sannur Eyfirðingur, sonur Huldu Magneu Jóndóttur, kennara við Hrafnagilsskóla og Benjamíns Baldurssonar kúabónda , og bjó á Ytri Tjörnum í Eyjafjarðarsveit til 20 ára aldurs. „Eins og gefur að skilja var nóg að gera í sveitinni þegar maður var ungur en þegar ég var 20 ára ákvað ég að fara í byggingarvinnu enda var ég þá kominn með annan fótinn á Akureyri. Sú ákvörðun átti því miður eftir að hafa afleiðingar,“ segir Bergur Þorri þegar ég spyr hann um unglingsárin fyrir norðan. „Ég átti hefðbundna æsku, frjáls á æskustöðvunum, gekk í Verkmenntaskólann á Akureyri og var þar á náttúrufræðibraut eins og allir félagarnir.“

Féll í gegnum þak ásteinsteypt gólfÞú lendir ungur í skelfilegu vinnuslysi. Geturðu rifjað þetta upp fyrir lesendum og hvaða afleiðingar það hafði fyrir þig? Dagurinn er 27. júlí 1999, mér var skutlað í vinnuna, það var nokkuð gott veður. Ég fór að vinna í nýju verki,að rífa þak húss sem var þá Íþróttaskemman á Akureyri, en rétt fyrir kl 10, að mig minnir, var ég dottinn í gegnum þak sömu byggingar og lá við hliðina á stiga sem ég hafði

dottið á,“ segir Bergur Þorri. Fallið var hátt og Bergur Þorri lenti á bakinu, tólfti brjóskliður brotnaði í mél og sá ellefti hliðraðist og skaddaðist mænan það mikið að Bergur Þorri er með hreina lömun frá mitti og niður. Bergur Þorri ræðir í dag um slysið af bæði yfirvegun og æðruleysi en fyrstu árin eftir slysið einkenndust af reiði og vanmætti.

Maður verður alltafað halda áframFimmtán ár eru liðin frá því að Bergur Þorri féll í gegnum þak Íþróttaskemmunnar. Hvað skyldi hafa hjálpað Bergi Þorra mest að vinna úr þessu áfalli? „Ég var þarna í mjög góðum tengslum við fjölskyldu og vini, sem skipti alveg gríðarlega miklu máli. Það hjálpaði mér þó mest að sjá aðra í svipaðri stöðu. Ég man alltaf eftir því að fyrst kom strákur frá Vík í Mýrdal og ræddi við mig og þá svona lyftist á mér brúnin. Síðan kom Jóhann Rúnar í Keflavík í heimsókn til mín. Hann mætti á sínum Galant sportbíl, skellti hjólastólnum inn í bílinn sinn og rauk af stað, fumlaust og án vandræða. Þá sá ég að þetta var alveg hægt. Ég hef líka oft sagt þetta við aðra, að festa sig ekki inn í sjálfum sér. Maður verður alltaf að halda áfram. Ég veit að þetta hljómar klisjukennt en þannig er þetta

bara. Eftir að ég jafnaði mig á mínu slysi þá tók ég mér langan tíma í að koma sjálfum mér í gegnum háskóla. Ég prófaði fyrst tölvunarfræði en kláraði að lokum viðskiptafræði frá Háskólanum á Akureyri og seinna kennsluréttindi á meistarastigi líka.“

Allir eiga að hafa valÍ dag ertu varaformaður Sjálfsbjargar og talsmaður samtakanna. Hvað kallaði þig til þeirra verka? „Óbilandi réttlætiskennd! Ég held að allir í kringum mig hafi prentað þessa réttlætiskennd í mig. Foreldrar mínir, bræður, afar og ömmur, að ég tali ekki um alla þá sem komu í heimsókn t.d á kontórinn hjá Baldri afa, þar sem heimsmálin voru rædd í botn,“ segir Bergur Þorri og það er alveg ljóst að stundirnar á kontórnum eru honum kærar. „Ég ber líka þá pólitísku kennd í brjósti að allir eigi að hafa val, hvar sem þeir standa. Ég spyr mig líka oft af hverju ég ætti að þurfa að neita mér um að sjá eða upplifa allt það sem aðrir njóta, hvort sem það er leiksýning, bílasýning, fjölskylduviðburðir í óaðgengilegu húsnæði, aðgangur að hinum ýmsu fyrirtækjum – ég neita að taka þátt í slíkum veruleika.“

Bergur Þorri flutti í Hafnarfjörð fyrir tveimur árum. Hann elti ást-ina, hafði eignaðist kærustu, Helgu Magnúsdóttur, sem í dag er unnusta hans og Helga bjó í Firðinum fagra. Helga er menningarfulltrúi ameríska sendiráðsins á Íslandi og samtals eiga þau fjögur börn úr fyrri

samböndum. Bergur Þorri vill búa með fjölskyldu sinni í bæjarfélagi þar sem boðleiðir eru stuttar og þjónusta við fyrstu hendi. „Ég vinn reyndar í 105 Reykjavík, en þegar maður er kominn heim þá er stutt í alla þjónustu, hvort sem það er klipping, blómabúð, eða hvað eina. Bæjarfélagið stendur sig ágætlega að þjónusta mig og mína, þó auðvitað megi gera betur.“

Lyftu í Ásvallalaug fyrir 2020!Bergur Þorri getur auðveldlega bent á ýmislegt sem bæta mætti fara. Það fyrsta sem kemur upp í hugann er ferðaþjónusta fatlaðra og sá hildarleikur sem háður var í kringum tilfæringar á þessum málaflokki í byrjun árs. „Ég hef undanfarna mánuði verið upptekinn við að huga að þessum málum og ekki veitir af. Í raun mjög sorglegt hvernig nýrri þjónustu hér á höfuðborgarsvæðinu var ýtt úr vör nánast óundirbúið. Ég var skipaður í svokallað Notendaráð á vegum bæjarins og mér virðist sem Hafnarfjarðarbær vilji gera vel. Ég fór yfir reglurnar, augljóslega sendar frá Reykjavík, og í raun stóð ekki steinn yfir steini. Það átti að innleiða sömu takmarkanirnar hér og í Reykjavík og það gekk auðvitað ekki. Sem betur fer tók bæjarstjórnin vel í mínar hugmyndir og verið er að vinna eftir þeim í dag. En mér finnst líka grátlegt að vegna niðurskurðar hafi þurft að hætta við kaup á lyftu í Ásvallalauginni. Ég ætla vona að hún verði keypt fyrir 2020!“ Sjá nánar á gaflari.is

gaflari.is - 5

Hafnarfjarðarbær óskar eftir að ráða starfsfólk til sumarstarfa.

Eftirfarandi störf eru í boði:

Flokksstjórar í VinnuskólaLeiðbeinendur á íþrótta- og leikjanámskeiðumLeiðbeinendur í skólagörðumLeiðbeinendur á gæsluvöllumFlokkstjórar í sérhópumLágmarksaldur umsækjenda um þessi störf er 21 ár (fæddir 1994) Í fegrunarflokki (blómaflokki)Í sláttuflokkiÍ viðhaldsflokkiAðstoðarleiðbeinendur á íþrótta- og leikjanámskeiðumAðstoðarleiðbeinendur í skólagörðumAðstoðarleiðbeinendur á gæsluvöllumAldur umsækjenda um þessi störf er 17 – 20 ára (fæddir 1995 – 1998). Í flestum tilvikum er vinnutímabilið 6 – 7 vikur. Fjöldi vinnustunda í viku getur verið breytilegur eftir árgöngum. Sótt er um sumarstörf rafrænt á www.hafnarfjordur.is Ath. að umsóknarfrestur er til 1. apríl. Ekki er tekið á móti umsóknum eftir þann tíma. Fyrirspurnir má senda á netfangið: vinnuskoli@hafnarfjordur.is

SUMARSTÖRF HJÁ HAFNARFJARÐARBÆ 2015

Stjórnmálin eru eins og góðkynja vírus

Ertu alkominn heim og kom aldrei annað til greina en að flytja aftur í Hafnarfjörð?Já, ég er kominn heim í hýra Hafnarfjörðinn eftir níu ára útiveru. Það er góð tilfinning, en vissulega tekur tíma að aðlagast á nýjan leik, þótt ég hafi auðvitað fylgst vel með gangi máli og verið í góðu og þéttu sambandi við fólkið mitt og vini á Íslandi í gegnum árin. Ég starfa nú sem svokallaður heimasendiherra í utanríkisráðuneytinu og er með ýmis mál á mínum borðum, svo sem málefni Eystrasaltsráðsins, sem er vettvangur ellefu ríkja í norðanverðri Evrópu. Það kom auðvitað aldrei annað til greina en að flytja aftur í Hafnarfjörðinn, enda hef ég átt íbúð á Völlunum öll árin mín í útlöndum, sem börnin mín hafa nýtt og við hjónin, þegar við höfum skotist heim í frí. Alkominn heim? Það veit enginn ævina sína fyrr en öll er. Er ekki hver vegur að heiman vegurinn heim?Ef þú lítur til baka og metur dvöl þína erlendis sem sendiherra - hvað stendur hæst upp úr og var þetta ekki töluvert öðruvísi en að starfa sem stjórnmálamaður?Þetta voru skemmtileg og lær-dómsrík ár. Ég var í tæp sex ár sendiherra í Svíþjóð og síðan önnur rúm þrjú í Bandaríkjunum. Gott og gefandi á báðum stöðum. Auk þess hafði ég mörg önnur lönd undir mínu umdæmi, svo sem Sýrland, Albaníu og Kýpur út frá Stokkhólmi, og lönd á borð við Mexíkó, Argentínu, Chile og Brasilíu á árum mínum í Washington. Það er ýmislegt líkt með störfum sendiherra og stjórnmálamanns. Mikil og náin samskipti við fólk, og þú þarft að sýna frumkvæði í störfum þínum og vera með marga

bolta á lofti samtímis. Ég hef stundum líkt störfum sendiherra í annasömu sendiráði við starf bæjarstjóra; verkefnin eru afar ólík að gerð og stærð, og að morgni vinnudags veistu ekki hvað kemur uppá yfir daginn umfram það sem á dagskránni er. Hvað er á döfinni hjá þér í nánustu framtíð? Gætirðu hugsað þér að snúa aftur í stjórnmálin – hefur verið pressað á þig að gera það?Í rúm tuttugu ár voru stjórnmálin mitt aðalstarf - fyrst afar ánægjuleg ár sem bæjarfulltrúi og bæjarstjóri og síðan sem ráðherra um skeið, og svo þingmaður um árabil. Stærstan hluta þingmannsáranna var ég í stjórnarandstöðu og það reynir á, því það er erfitt að koma hugðarefnum og stefnumálum áfram verandi í stjórnarandstöðu. En allt var þetta indælt stríð. Þetta var ágætur skammtur þessi langi tími í pólitíkinni. Hins vegar neita ég því ekki að pólitíkin stendur ávallt nálægt hjarta mínu. Og ég fylgist náið með gangi mála í bæjarpólitíkinni í Hafnarfirðinum og ekki síður gangi landsmálanna. Ég hef stundum sagt að stjórnmálaáhugi og stjórnmálaþátttaka sé eins og góðkynja vírus sem þú berð með þér alla ævi. Hann getur legið í láginni um stund og svo blossar hann upp án þess að neitt verði við ráðið. Þessi vírus blossar upp hjá mér annað slagið. Ég hef hins vegar engin plön um að fara á fullt í pólitíkina aftur alveg á næstunni, enda þótt ýmsir hafi nefnt þann möguleika við mig - í gríni og alvöru. En maður skyldi aldrei segja aldrei. Ítarlegra viðtal við Guðmund Árna á gaflari.is

Fyrrum bæjarstjóri okkar Hafnfirðinga, Guðmundur Árni Stefánsson, er kominn heim eftir níu ára dvöl í útlöndum sem sendiherra. Hann segir stjórnmálin eins og góðkynja vírus sem þú losnir aldrei við, og útilokar ekki að snúa aftur á þann vettvang. Gaflari hitti Guðmund Árna og lagði fyrir hann nokkrar spurningar.

6 - gaflari.is

TILVERAN

Fjölskylduhagir? Sjálfstæð kona, þrjú frábær börn, fimm hundar og tveir kettir. Mamma, Lilja Hjartardóttir, býr stutt frá okkur og er stór hluti af daglegu lífi okkar krakkannaHvað kemur þér af stað á morgnana? Vekjaraklukkan og labbarnir mínir. Þegar klukkan hringir þá spretta þeir

KÍKT Í KAFFI Gaflarinn kíkir í kaffi til Deliu Kristínar Howser, starfsmanns Arion banka. Delia er Hafnfirðingur í húð og hár en á ættir að rekja til Reykjavíkur, Vestfjarða og til Tennessee í Bandaríkjunum. Hún er mikill tónlistarunnandi enda var mikið hlustað á klassík, kántrí, swing, djass og blús á æskuheimilinu. Delia er mikill dýravinur og bæjarbúar sjá gjarnan þennan kraftmikla hundaeiganda á gangi um bæinn með Labrador hundana fimm. Skemmtilegast þykir henni að ganga í upplandi Hafnarfjarðar og við Kleifarvatn og njóta náttúrufegurðarinnar sem umlykur fallegan fjörðinn.

Lífið svo miklu auðveldara ef maður er jákvæður

gaflari.isAuglýsingasími

691 7030oli@prentun.is

og hjólreiðar. Forðast hins vegar líkamsræktarstöðvar eins og pestina – hef eytt aðeins of mörgum krónum í aðgangskort sem voru lítið notuð!Helstu verkefnin framundan? Halda áfram að byggja mig upp eftir stóra aðgerð sem ég fór í síðastliðinn október og þar koma hundarnir sterkir inn í að draga mig áfram í göngutúra. Síðan liggur fyrir að ég verð fimmtug á árinu og þarf ég því að leggjast undir feld og ákveða hvernig ég ætla að fagna þessum merkilega áfangaSkemmtilegasta húsverkið? Að ganga frá ryksugunniHvað gefur lífinu gildi? Að fylgjast með börnunum mínum og hversu vel þau eru að standa sig í lífinu. Þau eru ótrúlega dugleg öll þrjú, Lilja Guðrún, Vigdís Ósk og Tómas Geir, og ég er endalaust stolt af þessum grjónum mínumSíðasta sms-ið og frá hverjum? „Læt þig vita eftir smá“ svar frá Tómasi Geir um það hvort hann yrði í kvöldmatÁ laugardagskvöldið var ég: Nýkomin heim frá Cape Town og naut þess að slaka á í sófanum heima eftir langt ferðalag.Ég mæli með: Að fólk sýni meiri samkennd og hætti að setja sig stöðugt í dómarasæti. Maður verður oft dapur þegar maður fellur í þann pytt að lesa athugasemdakerfi fjölmiðla, hversu orðljótt og illt fólk getur verið. Ég kýs frekar að hlýða á og taka þátt í jákvæðri og uppbyggilegri umfjöllun heldur en stöðugu niðurrifi og fortíðarþrasi. Lífið verður svo mikið auðveldara ef maður er jákvæður. Svo mæli ég að sjálfsögðu með að fólk fái sér gæludýr. Bætir mann og þroskar að umgangast þessa félaga og gerir lífið betra. Jú og gefa stefnuljós í hringtorgum. Sjá skondna sögu úr vinnunni á gaflari.is

allir á fætur og því er ekkert í boði að kúra neitt lengurUppáhalds tónlistin? Nánast alæta á tónlist. Er reyndar að vinna í því þessa dagana að líka betur við rapp þar sem miðjan mín er meðlimur í ReykjavíkurdætrumGamli skólinn minn? Öldutúnsskóli

– á ljúfar minningar frá grunnskóla-árunum, kennarar eins og Ellert Borgar, Guðmundur Sveins og Þórir Jóns höfðu mikil áhrif og mótuðu mann. Margir af mínum bestu vinum eru einmitt skólafélagar mínir frá þessum tíma og fyrir liggur að hittast í vor því við eigum 35 ára útskriftarafmæliHver er fyrsta endurminningin? Sennilega þegar Lady, tíkin sem ég ólst upp með, átti hvolpana sína. Við komum heim og þá var hún búin að eiga hluta hópsins á neðri hæðinni, hluta á efri hæðinni í rúminu mínu og átti svo einn í stiganumUppáhaldsflíkin? Góðar útivistar-buxur og Scarpa skórnir mínir. Einnig má nefna fínan svartan kjól sem ég keypti í Macy´s í New York árið 2007 í ógleymanlegri ferð með kærum vinkonumSund eða golf? Sund. Gerði heiðar-lega tilraun til að að láta mér líka vel við golf en það mistókst og því læt ég það veraBjór eða hvítvín? Hvítvín – Pinot Grigio eða Sauvignon Blanc verður yfirleitt fyrir valinu. Annars er kaldur bjór á heitum degi ótrúlega góðurHvers vegna Hafnarfjörður? Fallegasti bær á landinu og þar slær hjartað. Margt má samt bæta, en ég fagna innilega fyrirhuguðu hundagerði. Félagslegi þátturinn verður aldrei ofmetinn því þarna hittist fólk, hundarnir fá frábæra umhverfisþjálfun og þeir sem ekki hafa möguleikann á því að eiga hund en alltaf langað, geta kíkt við. Og ég vil gjarnan sjá fleiri en eitt hundagerði í framtíðinniHelstu áhugamál? Útivist, ferðalög – bæði innanlands og utan, leikhús, kvikmyndir, lestur og samvera með vinum og fjölskylduUppáhalds hreyfingin? Göngur, bæði á fjöllum og sléttlendi, sund

Bragð er að þá barnið finnur

13

4

Í páskaeggjabragðprófun barnanna í DV 2015 lenti hreina Góu páskaeggið í 1. sæti og fékk einfaldlega 10.

Við þökkum smekkfólkinu unga kærlega fyrir hreinskilna dóma.Gleðjið börnin fyrir páskana. Verði ykkur að Góu.

Börnin völdu Hraun-eggið í 3. sæti og Lindor hvíta eggið í 4. sæti.

gaflari.is - 7

Bragð er að þá barnið finnur

13

4

Í páskaeggjabragðprófun barnanna í DV 2015 lenti hreina Góu páskaeggið í 1. sæti og fékk einfaldlega 10.

Við þökkum smekkfólkinu unga kærlega fyrir hreinskilna dóma.Gleðjið börnin fyrir páskana. Verði ykkur að Góu.

Börnin völdu Hraun-eggið í 3. sæti og Lindor hvíta eggið í 4. sæti.

GAFLARI MÆLIR MEÐ...

að veðurguðirnir fari að sjá aumur á okkur vesælum Frónbúum.

Auðvitað viljum við ekki sýna rausnarskap vanþakklæti... en halló yfir 40 lægðir á þremur mánuðum er alveg meira en nóg! Plís... bara smá logn og pínu sól!

að björgunar-sveitamenn fái orður fyrir fórnfýsi og óeigingjart starf í þágu almennings.

að fjölskyldan fari í sunnudagsbíltúr eins og í gamla daga, skoði bátana

og fái sér ís. Svo er tilvalið fyrir hafnfirska foreldra að keyra með grislingana á æskuslóðirnar og sýna þeim hvar þeir slitu barnsskónum og rifja upp góðar minningar.

að Hafnfirðingar versli í heimabyggð og dekri við bragðlaukana með

því að heimsækja nýju fiskbúðina og bragði á nýja brauðinu í Kjötkompaníinu ásamt öllu hinu gúmmelaðinu sem þar fæst.

gaflari.isAuglýsingasími

691 7030oli@prentun.is

Tryggðu þinni auglýsingu pláss í öflugum miðli

Lárus Long Deildarstjóri Upplýsingatæknisviðs Actavis á Íslandi Helgin byrjar snemma

á föstudaginn, þar sem ég sé um morgunkaffið í vinnunni, mikil pressa að velja rétta rúsínubrauðið og gleyma ekki rækjusalatinu. Um kvöldið er stærsti klúbbur á Íslandi með sitt árlega herrakvöld. Þar er ég hluti af góðum

hópi, algjört einvalalið meistara. Einnig er þrítugsafmæli sama kvöld þannig að ég þarf að reyna að lauma mér út við gott tækifæri. Laugardagsmorguninn byrjar e.t.v. á einum sveittum af Jolla ef ég þekki okkur hjónaleysin rétt eftir svona föstudagskvöld. Svo er ég með loforð upp í erminni að fara í fótbolta í Víðó í búning með þeim yngri, peyjanum og pæjunni. Laugardagskvöldið verðu

Sunna Magnúsdóttir, viðskiptafræðingurÁ föstudagskvöldinu

HELGIN MÍN

Útgefandi: Bæjarfréttir ehf. - Kt. 521113-0300 • Ritstjórn og ábyrgðarmenn: Alda Áskelsdóttir, Erla Ragnarsdóttir, Helga Kristín Gilsdóttir (ritstjorn@gaflari.is)

Umbrot & hönnun: Prentunis • Prentun: Prentun.is - Bæjarhrauni 22 Ljósmyndari: Gunnar Freyr Steinsson • Upplag: 10.500 eintök Auglýsingar: Ólafur Guðlaugsson, sími: 544 2100, netfang: oli@prentun.is

kósýkvöld með famelíunni, „motion picture“ fyrir 7-37 ára og snakkerí. Sunnudagurinn nýtist í vinnu og að uppfæra fermingar excel-skjalið með unglingnum. Annars góða helgi kæru Hafnfirðingar.

förum við litla fjölskyldan í pizzupartý í tilefni af 12 ára afmæli systurdóttur minnar. Laugardagurinn byrjar á páskaegglaleit hjá Soginu á vegum Landsvirkjunar og endum svo daginn með góðum mat og notalegu sjónarvarpsglápi. Á sunnudaginn förum við í fermingu bróðursonar mins. Það er því sannkölluð fjölskylduhelgi frammundan.