LDAG News 3 winter 2013/2014 Easy Read (Cymraeg)

30 Mlynedd a Dal i Gyfrif Gaeaf 2013/2014

Ar 14 Hydref 2013 cynhaliwyd digwyddiad i

ddathlu 30 mlynedd o Strategaeth Cymru

Gyfan.

Ysgrifennwyd Strategaeth Cymru Gyfan gan y

Swyddfa Gymreig ym 1983.

Amcan Strategaeth Cymru Gyfan oedd

gadael i bobl ag anabledd dysgu fyw

bywydau cyffredin yn eu cymunedau.

Dywedodd y dylai pobl ag anabledd dysgu:

gael dewisiadau

cael eu trin fel unigolion

cael help a chefnogaeth i fyw yn y

gymuned.

Helpodd Strategaeth Cymru Gyfan bobl ag

anabledd dysgu i ddechrau symud allan o

ysbytai mawr fel Hensol ac Threlái.

(Muy ar dudalen 2)

Newyddion GCADNewyddion GCADNewyddion GCAD Hawdd ei Ddeall

Cylchlythyr Hawdd ei Ddeall

Strategaeth

Cymru Gyfan

1983

“To catch the reader's attention, place an

interesting sentence or quote from the story

here.”

Dudalen 2 Newyddion GCAD Hawdd ei Ddeall

Dechreuodd pobl fyw yn y gymuned gyda

chefnogaeth am y tro cyntaf yng Nghymru.

Gwnaeth Grŵp Cynghori ym maes Anabledd

Dysgu (GCAD), Mencap Cymru a Phobl yn

Gyntaf Cymru Gyfan i gyd helpu i dalu am y

digwyddiad.

Gwnaeth Anabledd Dysgu Cymru a Fforwm

Rhieni a Gofalwyr Cymru Gyfan helpu i

gynllunio’r digwyddiad.

Daeth pobl ag anabledd dysgu, teuluoedd a

phobl sy’n gweithio gyda phobl ag anabledd

dysgu i gyd i’r digwyddiad.

Gwnaeth Roger Banks a Sophie Hinksman

gadeirio’r dydd gyda’i gilydd.

Siaradodd Gwenda Thomas, Dirprwy Weinidog

y Gwasanaethau Cymdeithasol, am y

newidiadau yng Nghymru i bobl ag anabledd

dysgu dros y 30 mlynedd diwethaf.

Siaradodd hefyd am y dyfodol a Bil

Gwasanaethau Cymdeithasol a Llesiant

(Cymru).

(O dudalen 1)

(Muy ar dudalen 3)

Bil

Gwasanaethau

Cymdeithasol

a Llesiant

Gwenda

Thomas

Roger Sophie



here.”

Dudalen 3 Gaeaf 2013/2014

Deddf newydd Cymreig yw hwn ynglŷn â

ffyrdd y gall pobl gael help a chefnogaeth i

fyw eu bywydau.

Siaradodd Pobl yn Gyntaf Caerdydd am eu

prosiect yn ymwneud â’r profiad o fyw yn

Ysbyty Trelái.

Siaradodd Pauline Young am fod yn rhiant i

fab ag anabledd dysgu.

Cafodd pobl yn y digwyddiad gyfle i ddweud

eu storïau eu hunain am fyw yng Nghymru

dros y 30 mlynedd diwethaf.

Cafodd pawb gyfle hefyd i siarad mewn

grwpiau bach am wahanol bethau sy’n rhan

o fywyd cymunedol fel:

gwaith

trawsnewid

trosedd casineb.

Siaradodd pobl am eu bywydau eu hunain a

rhai o’r problemau roedden nhw’n eu

hwynebu.

(O dudalen 2)

(Muy ar dudalen 4)



here.”


Siaradon nhw hefyd ynghylch sut i wneud

pethau’n well.

Gwnaeth pob grŵp nodyn o beth roedd pobl

yn ei feddwl.

Bydd y nodiadau hyn yn cael eu rhoi mewn

adroddiad er mwyn i’r Grŵp Cynghori edrych

arnynt a meddwl beth y bydd arnyn nhw angen

ei wneud.

Gyda’r nos roedd pryd bwyd a disgo.

Siaradodd Jane Hutt, AC a’r Gweinidog Cyllid,

am brosiect Nimrod.

Cychwynwyd prosiect Nimrod ym 1981 gyda

gwasanaethau yn gweithio gyda’i gilydd yn y

gymuned.

Erbyn 1986 roedd prosiect Nimrod yn rhoi

cefnogaeth i 150 o bobl ag anabledd dysgu

yng Nghymru fyw yn y gymuned.

(O dudalen 3)

(Muy ar dudalen 5)

Adroddiad

Jane Hutt



here.”


Ysgrifennwyd Strategaeth Cymru Gyfan ym 1983

oherwydd y gwaith roedd prosiect Nimrod wedi

ei ddechrau.

Mae Jane Hutt yn ymddiriedolwr i Bobl yn

Gyntaf Y Fro.

Roedd yn dweud cymaint roedd Pobl yn Gyntaf

yng Nghymru wedi tyfu dros y ddeng mlynedd

ar hugain diwethaf.

Dywedodd Jane hefyd bod y Fframwaith ar

gyfer Byw’n Annibynnol yr un mor bwysig â’r Bil

Gwasanaethau Cymdeithasol a Llesiant.

Roedd y digwyddiad yn gyfle i edrych yn ôl ar y

30 mlynedd diwethaf.

Roedd yn gyfle hefyd i feddwl ynghylch ble

rydyn ni nawr a ble mae arnon ni eisiau bod

mewn 30 mlynedd.

(O dudalen 4)

Nawr? 30 mlynedd?

Strategaeth



here.”


Iechyd Hawdd ei Ddeall Cymru

Mae gwefan Iechyd Hawdd ei Ddeall Cymru

yn helpu pobl ag anabledd dysgu a’u

teuluoedd i ddod o hyd i wybodaeth hawdd

ei deall am iechyd a lles.

Mae llawer o wybodaeth hawdd ei deall ar y

wefan am bethau fel cael prawf gwaed neu

sut i wneud yn siŵr nad ydych chi’n mynd yn

rhwym.

Mae’r wefan yn Gymraeg ac yn Saesneg.

Mae fideos i helpu pobl ddeall y geiriau ar brif

dudalennau’r wefan.

Os oes arnoch chi eisiau help i ddod o hyd i

wybodaeth ar y wefan neu ei deall, gallwch

chi ffonio’r llinell gymorth ar 0808 808 1111.

Mae Iechyd Hawdd ei Ddeall Cymru yn cael

ei dalu amdano gan Lywodraeth Cymru.

Cafodd y wefan ei gwneud fel rhan o brosiect

am wybodaeth hawdd ei deall.

(Muy ar dudalen 7)



here.”


Gweithiodd Anabledd Dysgu Cymru, Fforwm

Rhieni a Gofalwyr Cymru Gyfan, Mencap

Cymru a Phobl yn Gyntaf Cymru Gyfan gyda’i

gilydd ar y prosiect.

Daeth y prosiect i ben ar 31 Mawrth 2013.

Mae Llywodraeth Cymru yn talu arian fel bo

Samantha Williams yn gallu diweddaru’r

wefan a gwneud yn siŵr bod pobl yn gwybod

amdano.

Samantha Williams yw Swyddog Gwybodaeth

y Grŵp Cynghori ym maes Anabledd Dysgu.

Ym aml mae iechyd pobl ag anabledd dysgu

yn waeth na iechyd pobl eraill.

Nid yw gwasanaethau iechyd bob amser yn

gwneud newidiadau i helpu pobl ag

anabledd dysgu gael gofal iechyd da.

Un ffordd y gall pobl ag anabledd dysgu aros

yn iach yw trwy gael gwybodaeth o safon

dda y gallan nhw ei deall.

(O dudalen 6)

(Muy ar dudalen 8)

Samantha

Williams



here.”


Mae grŵp bach o bobl o’r Grŵp Cynghori yn

edrych pam y mae pobl ag anabledd dysgu

â gwaeth iechyd na phobl eraill a sut i’w

wneud yn well.

Bydd y grŵp yn dweud wrth y Grŵp Cynghori

beth maen nhw wedi ei ddarganfod.

Fe allwch chi edrych ar wefan Iechyd Hawdd

ei Ddeall Cymru yma:

www.iechydhawddeiddeallcymru.org.uk.

Gadewch i Samantha Williams wybod beth

rydych chi’n ei feddwl o’r wefan.

Gallwch chi hefyd siarad â Samantha os oes

gennych chi unrhyw wybodaeth hawdd ei

deall ynghylch iechyd i’w hychwanegu at y

wefan neu os hoffech chi gael posteri a

chardiau i ddweud wrth bobl eraill am y

wefan.

Gallwch chi ffonio Samantha ar 029 20681177

neu anfon e-bost ati yn

[email protected].

(O dudalen 7)

Samantha

Williams

E-bost

http://www.iechydhawddeiddeallcymru.org.uk

mailto:[email protected]



here.”


Daeth Dr Delia Wainwright i gyfarfod y Grŵp

Cynghori ym mis Mehefin i siarad am brosiect

yn ysbytai Gogledd Cymru.

Mae Delia yn Rheolwr Rhaglenni Nyrsys

Anabledd Dysgu gyda Bwrdd Iechyd Prifysgol

Betsi Cadwaladr.

Dechreuwyd y prosiect oherwydd rhai

pryderon am y ffordd yr oedd staff yr ysbyty yn

gofalu am bobl ag anabledd dysgu.

Prif amcan y prosiect oedd ei gwneud hi’n

haws i bobl ag anabledd dysgu gael gafael

ar wasanaethau mewn 3 phrif ysbyty yng

Ngogledd Cymru:

Ysbyty Gwynedd

Maelor Wrecsam

Ysbyty Glan Clwyd.

Gweithiodd Nyrsys Cysylltu ym maes

Anabledd Dysgu ar y prosiect i roi cefnogaeth

i bobl ag anabledd dysgu a’u teuluoedd pan

oedden nhw’n mynd i’r ysbyty am driniaeth

neu’n gorfod aros yn yr ysbyty. (Muy ar dudalen 10)

Prosiect yn ysbytai Gogledd Cymru



here.”


Fe weithion nhw fel Nyrsys Cysylltu Gofal

Trylwyr ym mhob ysybyty.

Mae hyn yn meddwl eu bod yn gweithio gyda

llawer o wahanol bobl i wneud yn siŵr bod

pobl ag anabledd dysgu yn cael gofal iechyd

da pan oedden nhw’n mynd i’r ysbyty.

Gweithiai’r Nyrsys Cysylltu Gofal Trylwyr gyda

staff o wasanaethau iechyd a chymdeithasol

yn ogystal â’r bobl sy’n mynd i’r ysbyty a’u

teuluoedd a’u gofalwyr.

Roedden nhw’n gwneud yn siŵr bod pobl yn

cael gwybodaeth oedd yn hawdd ei deall.

Roedden nhw’n rhoi hyfforddiant a

gwybodaeth i staff ynghylch cefnogi pobl ag

anabledd dysgu.

Roedden nhw’n ymweld â phobl tra oedden

nhw’n aros yn yr ysbyty nes roedden nhw’n

mynd adref.

(O dudalen 9)

(Muy ar dudalen 11)



here.”


Weithiau roedden nhw’n ymweld â phobl ar

ôl iddyn nhw adael yr ysbyty i weld sut roedd

pethau’n mynd.

Gwelodd y prosiect bod gan bron i hanner y

bobl ag anabledd dysgu a aeth i’r ysbyty

Basport Goleuadau Traffig yn barod neu eu

bod wedi llenwi un tra oedden nhw yno.

Mae’r Pasport Goleuadau Traffig yn gallu cael

eu llenwi i mewn gyda help gan deuluoedd,

gofalwyr neu staff cefnogi.

Nid yw’r Pasport Goleuadau Traffig i fod i gael

ei ddefnyddio yn lle asesiad iawn gan staff

iechyd.

Mae’n ffordd hawdd a chyflym i ysbytai ddod

o hyd i wybodaeth bwysig am y claf a’i

anghenion.

Mae’n gallu helpu staff i ddeall sut i

gyfathrebu â’r claf a gweld beth yw’r ffyrdd

gorau o’u cefnogi tra byddan nhw yn yr

ysbyty.

(O dudalen 10)

(Muy ar dudalen 12

Pasport

Goleuadau Traffig



here.”


Dyma rai o’r ffyrdd y gwnaeth y prosiect wella

gwasanaethau ysbyty i bobl ag anabledd

dysgu:

Roedd staff yn gwybod mwy am beth roedd

ar bobl ag anabledd dysgu ei angen ac

roedden nhw’n teimlo’n fwy hyderus i’w

cefnogi.

Roedd gwasanaethau yn y gymuned yn

gwybod mwy am rai o’r problemau oedd yn

wynebu staff oedd yn gweithio ym myd

iechyd.

Roedd iechyd a gwasanaethau cymdeithasol

yn gweithio’n well gyda’i gilydd.

Roedd cleifion a’u teuluoedd a’u gofalwyr yn

teimlo’n llai pryderus ynglŷn â mynd i’r ysbyty

ac roedden nhw’n cael gwell cefnogaeth

pan oedden nhw yn yr ysbyty.

Dyma rai o’r newidiadau y buasai’r prosiect yn

hoffi eu gwneud:

Mae angen ar i ofal mewn ysbyty fod yn fwy

hyblyg. Weithiau mae hyn yn meddwl

gwneud pethau mewn ffordd wahanol.

(O dudalen 11)

(Muy ar dudalen 13)



here.”


Pan fydd pobl yn mynd i’r adran

Ddamweiniau ac Achosion Brys dylai’r

wybodaeth ar y cyfrifiadur ddweud wrth staff

bod gan y person anabledd dysgu.

Gwneud yn siŵr bod gwell gwybodaeth ar

gael pan fydd pobl ag anabledd dysgu yn

mynd i’r ysbyty.

Dylai pob ysbyty gael Nyrs Gysylltu Gofal

Trylwyr.

Dylai’r Nyrs Gysylltu Gofal Trylwyr fod ynghlwm

wrth yr achos cyn i’r person ag anabledd

dysgu fynd i’r ysybyty neu cyn gynted â

phosibl ar ôl iddo gyrraedd.

Dylai gwybodaeth fod yn hawdd i’w deall.

Dylai Pasportau Goleuadau Traffig gael eu

defnyddio.

Dylai pob aelod o staff ysbytai gael eu

hyfforddi.

Dylai staff a theuluoedd a gofalwyr weithio

gyda’i gilydd.

(O dudalen 12)



here.”


Mae Joe Powell yn Gyfarwyddwr Pobl yn Gyntaf

Cymru Gyfan ac yn aelod o’r Grŵp Cynghori.

Y mae wedi bod yn siarad am y ffordd y daeth

yn Gyfarwyddwr cyntaf ag anabledd dysgu.

Pan benderfynodd Pobl yn Gyntaf Cymru Gyfan

geisio dod o hyd i rywun ag anabledd dysgu i

fod yn Gyfarwyddwr newydd, roedd llawer o

bobl yn llawn cyffro.

Ond dywedodd rhai pobl na fuasai byth yn

gweithio gan nad oedden nhw’n gwybod am

neb ag anabledd dysgu fuasai’n gallu gwneud

y gwaith hwnnw.

Roedd Cyngor Cenedlaethol Pobl yn Gyntaf

Cymru Gyfan yn siŵr bod rhywun ag anabledd

dysgu fuasai’n gallu gwneud y gwaith.

Dywedodd Joe Powell nad oedd neb yn

gwybod mewn gwirionedd beth fyddai’n

digwydd, ddim hyd yn oed ef ei hun.

(Muy ar dudalen 15)

Cyfarwyddwr ag anabledd dysgu



here.”


Dywedodd Joe y dylen ni fod yn ofalus i beidio â

cheisio gwneud pethau dim ond am ein bod

ni’n meddwl y dylen ni.

Efallai ei fod yn swnio’n dda i gael person ag

anabledd dysgu fel Cyfarwyddwr i bob mudiad

sy’n gweithio gyda phobl ag anabledd dysgu.

Ond fuasai ddim yn beth da i roi gwaith i bobl

na fuasen nhw byth yn gallu ei wneud yn iawn.

Dywedodd bod Pobl yn Gyntaf Cymru Gyfan

wedi meddwl llawer am hyn cyn penderfynu

rhoi gwaith Cyfarwyddwr i rywun ag anabledd

dysgu.

Doedd Joe erioed wedi bod yn Gyfarwyddwr

o’r blaen ac roedd ganddo lawer i’w ddysgu.

Gweithiodd gydag aelodau eraill o’r staff yn

Pobl yn Gyntaf Cymru Gyfan: John Pearse a

Yvonne Boxall.

Pan ddechreuodd Joe ei waith fel Cyfarwyddwr

roedd yn poeni y byddai rhai pobl yn anhapus

am nad oedd yn dod o un o grwpiau Pobl yn

Gyntaf.

(O dudalen 14)

(Muy ar dudalen 16)

John a Yvonne



here.”


Ond roedd pawb yn garedig iawn ac yn helpu

Joe i ddod i arfer â’i waith newydd.

Dywedodd Joe y bu bron iddo beidio ag anfon

ei ffurflen gais am y swydd.

Nid oedd hyn am ei fod yn meddwl na allai

rhywun ag anabledd dysgu wneud y gwaith.

Roedd am ei fod wedi cael amser caled mewn

gwaith arall pan oedd yn ifanc a gwnaeth hyn

iddo feddwl na allai byth gael gwaith iawn.

Dywedodd Richard Mills o ‘Research Autism’ a

Chymdeithas Genedlaethol Awtistiaeth wrth Joe

ei fod yn meddwl y gallai’n bendant wneud y

gwaith o fod yn Gyfarwyddwr.

Ond dywedodd y buasai angen y gefnogaeth

briodol ar Joe iddo fedru gwneud y gwaith yn

iawn.

Dywedodd y byddai ar unrhyw Gyfarwyddwr

angen cefnogaeth, nid dim ond rhywun ag

anabledd.

(O dudalen 15)

(Muy ar dudalen 17)

Enw

Gyfeiriad

Addysg

Gwaith

Enw



here.”


Roedd gan Bobl yn Gyntaf Cymru Gyfan gynllun

clir yn barod ynglŷn â’r ffordd o ddod o hyd i’r

Cyfarwyddwr newydd a’i gefnogi.

Edrychodd aelod Pobl yn Gyntaf Caerffili ar yr

holl geisiadau ar gyfer y gwaith a phenderfynu

pa bobl i’w cyfweld.

Y cynllun oedd i’r Cyfarwyddwr newydd weithio

am 2 ddiwrnod o’r wythnos am 9 mis gyda

chefnogaeth Yvonne Boxall fel prawf.

Petai’r prawf yn mynd yn dda, yna byddai’r

Cyfarwyddwr newydd yn dechrau gweithio 3

diwrnod yr wythnos gyda chefnogaeth

Cynorthwy-ydd Personol.

Byddai’r Cyfarwyddwr yn rhannu rheolaeth o’r

mudiad gyda’r Rheolwr Busnes, John Pearse.

Ond newidiodd y cynllun hwn.

Doedd dim angen Cynorthwy-ydd Personol ar

Joe.

Doedd arno ddim angen 9 mis cyfan o brawf.

(O dudalen 16)

(Muy ar dudalen 18)

Yvonne

Boxall

John

Pearse



here.”


Roedd yn barod i ddechrau gweithio 3 diwrnod

yr wythnos ar ôl dim ond 6 mis.

Roedd Joe a John hefyd yn teimlo ei bod hi’n

bwysig cadw Yvonne yn rhan o’r tîm rheoli gan

ei bod hi wedi gweithio i Bobl yn Gyntaf Cymru

Gyfan am gymaint o hyd.

Fe ofynnon nhw i Yvonne ymuno â nhw fel aelod

cyfartal o’r tîm rheoli a dywedodd hi y buasai’n

gwneud.

Mae Joe wedi dysgu llawer gan Yvonne ers iddo

ddechrau ac mae’n falch iawn ei bod wedi

dweud y gwnâi hi.

Roedd grwpiau Pobl yn Gyntaf hefyd yn falch

iawn o glywed bod Yvonne yn ymuno â’r tîm

rheoli newydd.

Mae Joe yn gwybod bod ganddo lawer i’w

ddysgu eto ac y byddai hyn yn cymryd amser.

Mae wedi caru pob eiliad fel Cyfarwyddwr Pobl

yn Gyntaf Cymru Gyfan.

(O dudalen 17)

(Muy ar dudalen 19)

Yvonne Boxall

6



here.”


Mae e wrth ei fodd yn cyfarfod aelodau Pobl yn

Gyntaf a staff.

Mae e’n falch o gael gweithio i fudiad y mae’n

credu ynddo.

Mae e’n falch o fedru dweud wrth bobl beth y

mae aelodau Pobl yn Gyntaf yn ei feddwl.

Mae stori Joe ei hun wedi ei helpu i egluro pam

y mae ar wasanaethau angen newid i wneud

bywyd yn well i bobl ag anabledd dysgu.

Cafodd Joe brofiadau gwael iawn pan oedd

mewn gofal pan oedd yn ifanc.

Mae’n dweud nad yw hi’n iawn bod rhai pobl

ag anabledd dysgu yn dal i gael eu trin yn wael

heddiw.

Mae e’n falch ei fod e’n gweithio gyda’r Grŵp

Cynghori i wneud bywyd yn well i bobl ag

anabledd dysgu a’u teuluoedd yng Nghymru.

(O dudalen 18)



here.”


Yn 2009 gofynnodd Gwenda Thomas, Dirprwy

Weinidog y Gwasanaethau Cymdeithasol, i

Uned Ddata Cymru gasglu llawer o wybodaeth

am bobl ag anabledd dysgu yng Nghymru at ei

gilydd.

Roedd hyn oherwydd bod yr hen grŵp

ymgynghori wedi dweud wrthi bod angen yr

wybodaeth hon i helpu gwasanaethau i

gynllunio ar gyfer y dyfodol.

Cafodd yr wybodaeth hon ei galw’n Set Ddata

Ofynnol Anableddau Dysgu.

Talodd Llywodraeth Cymru i’r wybodaeth gael

ei chasglu at ei gilydd gan Uned Ddata Cymru.

Daeth yr wybodaeth o’r awdurdodau lleol yng

Nghymru.

Roedd yr wybodaeth ar wefan InfoBaseCymru.

Roeddech chi’n gallu edrych ar yr wybodaeth

mewn gwahanol ffyrdd. Er enghraifft, mapiau a

thablau.

(Muy ar dudalen 21)

Gwybodaeth am bobl ag anabledd dysgu

sy’n byw yng Nghymru

Gwenda

Thomas



here.”


Roedd gwybodaeth am:

ble mae pobl ag anabledd dysgu yn byw

pa wasanaethau maen nhw’n ei gael

faint o arian mae gwasanaethau

cymdeithasol yn ei wario ar wasanaethau ar

gyfer pobl ag anabledd dysgu

plant a phobl ifainc ag anabledd dysgu.

Roedd yr arian gan Lywodraeth Cymru ar gyfer

casglu’r wybodaeth at ei gilydd wedi dod i ben

beth amser yn ôl.

Penderfynodd Uned Ddata Cymru beidio â

rhoi’r wybodaeth at ei gilydd ar gyfer 2012 i 2013

ac fe dynnon nhw ef oddi ar y wefan.

Cafodd Samantha Williams, Swyddog

Gwybodaeth GCAD, gyfarfod gyda phobl sy’n

gweithio yn Uned Ddata Cymru i siarad am yr

wybodaeth.

Dywedodd wrthyn nhw pa mor bwysig yr

oedd a pham roedd hi’n meddwl y dylen nhw

ei rhoi hi’n ôl ar y wefan.

(O dudalen 20)

(Muy ar dudalen 22)

Samantha

Williams


Roedd hi wedi dweud wrth bobl am y wefan

yn gynt pan oedden nhw wedi bod yn

chwilio am wybodaeth am bobl ag anabledd

dysgu oedd yn byw yng Nghymru.

Ond nid oedd y rhan fwyaf o bobl yn gwybod

am yr wybodaeth ar y wefan.

Dywedodd y buasai mwy o bobl yn edrych ar

yr wybodaeth ar y wefan petai mwy o bobl yn

gwybod amdani.

Dywedodd Uned Ddata Cymru y buasen

nhw’n rhoi gwybodaeth 2011 i 2012 yn ôl ar y

wefan fel bo pobl yn medru edrych a

phenderfynu os ydyn nhw’n meddwl ei bod

yn ddefnyddiol.

Bydd Samantha Williams yn siarad gydag

aelodau o’r Grŵp Cynghori am hyn ac yn

gadael i Uned Ddata Cymru wybod beth

maen nhw’n feddwl.

Gallwch chi edrych ar yr wybodaeth yma yn:

http://www.infobasecymru.net/IAS/themes/

learningdisabilities(adults)minimumdataset?

themeId=4311.

(O dudalen 21)

(Muy ar dudalen 23)

http://www.infobasecymru.net/IAS/themes/learningdisabilities(adults)minimumdataset?themeId=4311



Gadewch i Samantha wybod pa wybodaeth

rydych chi’n meddwl sy’n ddefnyddiol ac os

ydych chi’n meddwl y byddai’n well dangos

yr wybodaeth mewn ffordd wahanol. Er

enghraifft, adroddiad yn lle tablau a mapiau.

Gallwch chi ffonio Samantha ar 029 20681177

neu anfon e-bost at

[email protected] i adael iddi

wybod beth rydych chi’n ei feddwl.

(O dudalen 22)


Am ragor o wybodaeth neu i adael i ni

wybod beth rydych chi'n feddwl, ffoniwch

Sam Williams ar 029 20681160 neu e-

bostiwch: [email protected].

Dilynwch ni ar Facebook a Twitter

@LDAdvisoryGroup

E-bost

? Adroddiad



Documents

LDAG News 3 winter 2013/2014 Easy Read (Cymraeg)